دردشة حوامل القطيف- تجمع بنات القطيف

[قمر .]

تسلمي حبووبه
الله يرزقك ياارب بالذرايه الصالحه اللي تطفرك خخخخخخخ وتقوولي ما ابي
من نااحية الدلع مقدر عليه لاني كله نايمه ودايخه مالي خلق اكلم احد بس من دخلت الرابع احس تحسنت
حبيت اسأل حمض الفوليك
لازم اخذه وانا في الرابع احس احين اتعب وارجع اذا اخذه افكر اتركه بس اختي تقول اخذيه حتى بعد الولاده المشكله موعدي مع الدكتوره بعيد بعد 16 يووم
مدري اقطعه لو لا ؟؟
وانا احس بالجنين بس اللي قريت ان البكرية ماتحس فيه الا في الخامس وبعد نهايته عجل ويش دا اللي احس فيه ؟؟

[يارحمة الله الواسعه]

الله يسمع منش ياارب ^_^

اما على الفوليك اسد والله ماادري استشيري احد عنده خبره اكثر مني

يعني الحوامل اللي هناا في الخامس والسادس وهيك هم اللي يفيدوش في هالشي هههه

لكن انا قريت بالنت ان الوحده تستخدم الفوليك شهرين قبل الحمل وثلاث شهور بعد الحمل

لكن اللي اعرفه بصفه عامه ان الفوليك ماله آثار ضاره والزايد تتخلص منه الجسم عن طريق البول

بس ان شااء الله الحوامل يفيدوش اكثرر

[وسناء]

بنااااااااااااااااات أحد موجود
وشو فيكم أفلاكم تخوف وهي اكشن وهي أزياء وهي رومانسية مو ولادة (على فكرة ليش تطوووولون وااااااايد صراحه )لو بنات القطيف وصفوى غير
الله يعينكم ويسهل عليكم
أنا يومين تكرمون اسهال وبعدين الساعه 12 الليل سبحت وتكشخت على اني بنام مع ,,,وانا توني ع السرير ماشفت الا ماي الدنيا ع السرير الله يكرمكم فكرت بلت في ملابسي ورحت الحمام ولاهو موقف ابد حطيت كوتكس ولاملحقة كلمنا المستشفى قالوا تعالوا بسسسسسسرعة ورحت الم خفيف يروح ويجي طول الخط الى استطون وصلت في الاسعاف على وحدة تقريباُ قالت 7سم بسرعه ولادة وانا طارية من الفرحه على داك الكرسي اوقول بس هذه الولادة وينها الي تعب وصراخ انا كنت أشتغل مساعده في غرفة الولادة فمرت علي اشكال والوان من الحالات فكنت وفرحانه ان هذه بس الالم دخلت الولادة من وحده وربع والم متواصل وكل اشوي يسون لي تمرين لانه فاتح الرحم تسعه ومشوني في الممر وتالي جلست اصارخ من راسي من الالم وابي عملية موراضين عرفت الالم والولادة وكل اشوي يقيسون ومعلق على تسعه عدل وعذرت النسوان وحلفت اني ماابي يهال تخيلوا كل اشوي تقول لي الدكتورة والله راس باين بس حاولي مافيني قوة خلااص وجات الساعه خمس وتسع دقايق من الفجربعد اولدت يعني مهما كان ماطولت مثلكم وان كاان الأالم متواصل بس كان سريع وحامي تقريبا خمس ساعات وانا مخلصة وين انا وين انتوا وعلى فكرة اخذت من التاسع اربع ايام بس ..كنت امشي مشي عدل على السير وع البحر يوميا ساعه ونص يمكن بعد الله هذا الي سهل علي
شفتوا ياكروشات عشان ماتخافون اهون عليكم الموضوع

[شآآآدن]

اهلين وسناء منورة .. الولاده تساهيل من رب العالمين ماحد يدري عن عمره الله يسهل علينا و نقوم بالسلامه

[وسناء]

المشاركة الأصلية كتبت بواسطة شآآآدن

اهلين وسناء منورة .. الولاده تساهيل من رب العالمين ماحد يدري عن عمره الله يسهل علينا و نقوم بالسلامه

صحيح والله كلامك لكن والله للحين احس ان الم الولادة ماتنسي ابد والحين اذا رحت مواعيد وسو لي شي كشف أو اشعه اقول هونت ماابي احمل ارجع البيت اقول متى احمل وكأن بكيفي

[شآآآدن]

تصدقي ان اخت صديقتي من الظهر الامس الى الحين ماولدت و يقولوا حالتها خطيره و قالوا بيسووا ليها قيصريه بس تأخر الوقت على الولاده ما ينفع الحين .. ادعوا لها الله يقومها بالسلامه

[مفاهيم الخجل 2]

قمر الله يثبت حملك ويسهل عليك ان شاء الله
بس على الفوليك اني لحين استخدمه

يارحمه الله اخباارك ياغناااتي ان شاء الله تبشرينا بحملك قررررررررررررريب يارب يارب

وسناء ربي يكتب لش الحمل ويطمن بالش زي ماطمنتينا

[مفاهيم الخجل 2]

شادن
يااارب يحميها ويحمي جنينها ويسهل عليها يااااااااااااااارب
اللهم صلي على محمد وآل محمد

[ليلى محمد]

هلا وغلا بقمر
الله يتمم لك بألف خير
المفروض من الرابع تبدي الحديد وتتركي الفوليك اسيد بس اذا ماتقدري تنتظري استشيري طبيبتك هاتفياً
اي مستشفى تتابعي ووين ناويه تولدي؟؟؟


وسناء
الولادة الاولى كانت الاصعب بالنسبة لي
ولادتي الثالثة رحت الرحم فاتح 5 والالم كان محتمل من 6 المغرب الى 3 الفجر والطلق الحقيقي 4 ساعات يعني فررررررق عن ولادتي الاولى بمرااااااااحل

بس زي ماقلتي الولادة ماتنسى لو تمر سنوات طويله

[ليلى محمد]

شادن
الله يأتيها بساعة فرج يارب
بس كيف تأخرت على العمليه ؟؟؟في ناس يفتح 10 بس وضع الجنين مايساعد على الولادة ويولدوا قيصريه صحيح عذاب ويكونوا جربوا الولادتين بس في النهاية في حل
الله يسهل عليها