دردشة حوامل القطيف- تجمع بنات القطيف

[شآآآدن]

ليلى .. اني بعد استغربت بس هدا كلام الدكاتره لزوجها من قول صديقتي مدري يمكن يبغوا يستنوا بعد يشوفوا مع انهم فتحوا كيس الماي بس للحين ماولدت

[ليلى محمد]

فهووووم
كيفك مع الحمل هاليومين ؟؟
من امس تعبانه حددددددي ومااقدر ابذل مجهود وعندي الم في الحوض وضغط الى الاسفل بشكل مزعج غير الحمام الي مايخليني انام ساعتين متواصله :((((((
حاسة اني بولد من التعب اتمنى اخلص 36 اسبوع واولد باقي يوم وادخل الاسبوع 35
دعواتكم خواتي

وسونه
اني مشيت في السابع لحد ماطاحوا رجليني كنت في مشهد وحركة ومشي طول اليوم بس الحين احس مافيني طاقة خلصت في السفر وصاير ملانه ومااحب اطلع واذا طلعت بسرعه اتعب
الله يسهلها على الجميع

[ليلى محمد]

مادام فتحوا الكيس انشاء الله هانت وربي يحفظها ويسهل عليها
طمنينا شدون غناتي
حاسه في معاناتها

[مفاهيم الخجل 2]

ليول
الحمد لله تمام
الحمام صرت ماروح واجد يعني مرتين اقوم من نومي الى الحمام بس واذا اني جالسه طبعا كل شويه اروح
بنوم مارتاح الان اذا تقلبت اتعب وتوني الليله حسيت بالم بحوضي ثواني وراح الشغل ماسوي شي حدي اطبخ واغسل المواعين ولثياب بس وماقدر من الوقفه واجد تتعبني
بس احس اذا ريحت تمام يعني ابغى كل جالسه اي وظهري يالمني اغلب شي اخلي ابونا يدلكه

[مفاهيم الخجل 2]

ليول الله يسهل عليييييييييييييش يارب
الحين عادي نمشي ؟
الاني صرت يومين اروح امشي بلكرنيش وقالت لي حماتي لاتمشي الحين

[ليلى محمد]

والله ويش اقول لش يافهووووم
طول حملي امشي والحين زهقت من المشي وتعبت
المشي المعتدل بحد ذاته مفيد للحوامل اما المشي في التاسع لازم يكون بهمه شوي وخطوات متباعده
حتى لو مشيتي الحين لاتتعبي حالك نص ساعه كفايه ومشي رايق بس في التاسع فليها هههههههههه لان اي يوم في التاسع الولاده فيه امنه

[ام نور علي]

ليول استشارة طبيه عاجله
اليوم قبل شوي كنت في بيت يدي حسيت بلوعه في جبدي لا هي راضيه تطلع ولا تروح
وقمت اتيشئ يجي مرتين بس و اتيشئ احس بحراره حزتها ولوعة الجبد مو راضيه تروح تعبت واتصلت الى زوجي حتى يجي بروح الشقه تطور الشي وصار الم في الحاجب عند القفص الصدري لا اقدر اتكلم منه ولا اضحك وكل ماتكلمت يزيد ويجي وياه نبض ماعرفت ويش هدا ظليت طول الوقت ضاغطه على الحاجب كان يخف الم جى زوجي واني تعبانه حدي قلت بروح المستشفى لانه كان الالم مايتحمل قال ليي حتى لو رحتي مابتستفيدي شي اصبري للصبح
طبعا من جيت الشقه وبدلت ملابسي ارتحت شوي بس الالم مازال موجود

برايش احتاج اروح الى الدكتوره بكره لو لا .؟

[miss sweet]

ام نور كنش تتكلمي عني من اسبوووع صار اليي نفس الشي بالضبط

ومن قعدت في السياره زاد الشي ولا اقدرت حتى امشي ويوم انسدحت زاد الالم

سبحت وخف الالم وبعدها بساعه راح

لاتحاتي غناتي انشاء الله طبيعي ويروح

[ليلى محمد]

هلا ام نور وسويته

الالم في الحجاب الحاجز (الاضلاع) ناتج عن تمدد الرحم والالم يبدأ ويشتد ويكون على شكل نوبات واحياناً يشكل طوق من الامام الى الخلف الظهر
لكن اذا تزامن معه اهراض اخرى مثل
الصداع الشديد
الزغلله
التورم في اليدين والرجلين
ارتفاع ضغط الدم
يجب مراجعة الطبيب وبسرعه

اما الالم لوحده فهو ناتج عن تمدد الرحم ولافي شي يحد من هذا الالم

[أغلى جود]

هلا حوامل وولد وحشتوني من زمان عنكم
اني ولدت قصيرية على طول بدون محاولات طبيعية في مستشفى الولاده في الدمام
التاريخ 15 ولدت لان كان معترض