(رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء)

[ام الزين كله]

المشاركة الأصلية كتبت بواسطة وسناء

هلا بأختي تعبت اعاني: حبيبتي والله كلاماتك تشرح النفس وتمدنا بالأمل ..يارب يبعد عنك الهم والكدر..
أم الزين كله: ها اشسويتي مع التحاميل؟يااارب تبشرينا قريب يارب يارب
ايه حبيبتي مشتركة بمنتدى ثاني بس مو للعقم ..بالنسبة للي أختفوا كثير والله منهم توحه وصمتي كلام ولمسة دفا ورحمة الله الواسعة
مادري ليش بس بالنسبة لرحمة الله والواسعة زوجها توفي في 11 محرم والله العالم بحالها خصوصا انها ماصار لها الاعشر شهور من زواجها وحكمة الله انها ماحملت وكانت تحاول الحمل بس ربي وحكمته والحمدلله على كل حال والله يعطيها الصبر ..

ياهلا وغلا كلمت الدكتورة وماردوا بحثت بقوقل لقيت وحدة كاتبه من تجربه تقول يوم التبويض احسبي بعده ثلاث ايام وابدي استخدمي التحاميل

يااارب ابشركم قريبا وتبشروني بالحمل ويتحقق لكل وحده مرادها ومبتغاها


لاحول ولاقوة إلابالله
الله يرحم زوج الاخت (رحمة الله الواسعه) ويغفر له كيف دريتي؟؟

الله يربط على قلبها ويصبرها

[وسناء]

طلتي هيبه والله نفسي اساعدك بس انا بعدني ماوصلت لمرحلة علاجك وماعندي خبرة اكتبي الي تبينه في موضوع مستقل بقسم العقم وهناك البنات يدلون بدلوهم
انا المفروض الشهر الي طاف اسوي صبغه للرحم بس الظروف ماسمحت ان شاءالله هالشهر اقدر وسويها ووافيكم بالاخبار
ام الزين يااارب تبشرينا هالشهر يااارب وتجيبين نونو يلعب مع بنتك ياارب..
اختي رحمة الله الواسعه من نفس ديرتي واهي خبرتني برساله..الله يمن عليها بالصبر وهي راضيه بحكمة ربها ولله الحمد.موت العزيز صعب خصوصا اذا كان فجائي بس مالها الا الصبر وحمدالله ..ربي مايراويكم مكروه جميعاً يارب..

[ام الزين كله]

اهلين وسناء

كيفك

سلامتك ليش بتسوين اشعة الصبغة؟

وايش صار مع الالتهابات ان شاءالله راحت؟؟

[ام الزين كله]

المشاركة الأصلية كتبت بواسطة طلتي هيبه

مرحبا بنااااااااااات

ليييييييش تطنشووووووووووني دايماا والله مادخلت ولا كتبت لكم الا محتاااجه مسااعدتكم

بقوولكم رحت لدكتووره يوم 12من الدووره عشان تشوف التبويض شاافت التبويض قالت 18في 18 وقالتلي تبغي ابره تفجيريه وخخخخخخخخخخخخخخفت وقلت لا ورفضت قلت بتوكل ع الله

وسئلتها عندي تكيسات قالت لا انا اسسستغرربت كييف ماعندي وهي قالت عندي من كم اسبوووع خصوصا تتوي اول شهر اتعالج وقالت ابدي جماع يوم ويوم لا واذا ماصار حمل تعالي ثاني يووم الدوووووووووووره قلت خلاسسس ومشيت



الله يسعدكم جااوبو لي

هل حجم التبويض منااسب واحتمال يسير حمل لاني اخت كلومييدد حبتين في اليوم من 2يووم الدوره مده خمسس ايام

رغم ان عندي هرمون حليب واستخدم حبوووب

اهلين حبيبتي انا مثلك بالضبط في رمضان كان التبويض في اليوم 12حجم البويضه 18 وقالت انها بتصرف لي ابرة تفجيرية لكن انا رفضت
واكيد اذا ربي اراد حمل راح تحملين كل الحريم بقدرة ربي وفضله يحملون بدون ابرة تفجيرية
ربي سبحاااانه امره بين الكاف والنون

[وسناء]

اهلين وسهلين بأم الزين كيفك بقولك اذا عندك التهاب سمعت أن الزبادي (الروب) يعالج البكترياء حاولي تكثري منه أنا صرت ليلاً قبل النوم أكل لي واحد والحمدلله تحسنت حالتي..
سويت تحاليل هرمون الذكورة والحليب والغده والحمدلله كلهم سليمين
فقالت الدكتورة بتسوي لي الصبغة تتأكد أن الانابيب مفتوحة بس كان عندي التهاب هذا بذ الحجة وقالت تعالي بمحرم وماقدرت اروح وإن شاءالله الشهر اروح اذا قدرت وربي يتمم علينا بالخير

[ام الزين كله]

أخواتي كيف حــــــــــــــالنا مع القرآن الكريم ؟!








رسالة وصلتني ع الواتس اب واحببت نقلها لكم:

دواء لهجر القرآن/
جهزي القرآن مع سجادة الصلاة وخليهم مع بعض وكل ماصليتي اقرأي ماتيسر منه حتى وإن كنت مشغولة اقرأي آية أو آيتين بكذا ماراح تهجري القرآن بإذن الله .

ـأرسليها لغيرك (فإن الذكرى تنفع المؤمنين ) وإن الحسنات يذهبن السيئات .. فلا تستهيني _ فلاتدري ربما تنير حياة شخص على يديك بإذن الله .

[ام الزين كله]

المشاركة الأصلية كتبت بواسطة وسناء

اهلين وسهلين بأم الزين كيفك بقولك اذا عندك التهاب سمعت أن الزبادي (الروب) يعالج البكترياء حاولي تكثري منه أنا صرت ليلاً قبل النوم أكل لي واحد والحمدلله تحسنت حالتي..
سويت تحاليل هرمون الذكورة والحليب والغده والحمدلله كلهم سليمين
فقالت الدكتورة بتسوي لي الصبغة تتأكد أن الانابيب مفتوحة بس كان عندي التهاب هذا بذ الحجة وقالت تعالي بمحرم وماقدرت اروح وإن شاءالله الشهر اروح اذا قدرت وربي يتمم علينا بالخير

ياهلا بك انا تمام الحمدلله .. الحمدلله تحاليلك سليمة
طيب كيف التبويض عندك؟

وزوجك ماحلل؟؟ .. زوجي مو راضي يحلل
وانا اقول يمكن اللي اخر حملي القرحة واللحين الحمدلله كويتها

انا ادعي ربي انه يدلني على الاسباب اللي اعملها وتساعد على الحمل
صرت اشرب ماء زمزم وعسل اصلي والحمدلله أملي بربي كبير والحمدلله على الصحة والعافية والحمدلله على كل ماعطانا ربي
وبالنسبة للزبادي فعلا سمعت عليه مدح ماشاءالله .. الله ينفع به

[وسناء]

سلام عليكم جميعاً صباحكم خيرات..
طلتي هيبه : وينك يومين ماطلتي؟
لن أيئس: رحتي تسوي رجيم وأختفتي عسى ماشر؟
وباقي الاخوات سيكريت وباقي تقلصنا مومشكلة بس ان شاءالله رحتوا لقسم الحوامل؟
خيتو أم الزين: زوجي بعد رافض فكرة التحليل عشان طريقة التحليل يقول هذا حرام وبيغض الله ..ولما قلت للدكتورة قالت لي مومشكله مرة وحده بس رفض , قلت لها ليش مايكون بالمستشفيات غرف للزوجين قالت لي هذا موجود برة مو هنا ..هنا مايصير يعتبر خلوه غير شرعيه (أستغفر الله) يعني الحين الطريقة الي بيسيوها بالحمام الله يكرمكم هي الطريقة الشرعيه ,,قالت شوفوا اقرب مستوصف قريب من البيت وسوها بالبيت وخذوها جري ع المستوصف خلال ربع ساعه قبل ماتموت الحيوانات المنوية ولما قلت لزوجي قال وأطلع من البيت بدون غسل ومشوار ع الاقل يبي له 20 دقيقة اقرب مستوصف يعني سكرها بوجهي وسكت ,يله اذا لنا نصيب من هالدنيا راح ناخذه وإذا لا فأجر من عند الله ..
خيتو الله يجعلك من الذاكرين يااارب والقران اهو صاحب لنا في القبر وينفعنا إن شاء الله ..أنا وأعوذ بالله من هالكلمة تقريبا يوميا أقرأ لي جزء وإذا ماقدرت أقرا سورة يس والملك على الاقل المهم ماأهجر القران..وربي يجعلنا وياك من الذاكرين والمتدبيرن له تسلمي حبيبتي على هالفته الجميله المعطرة بالايمان وطاعة الرحمان في ميزان أعمالك يارب ..
أنا أستخدمت العسل مع الجوز ولوز وبودرة طلع النخل وغذاء الملكات وحبة البركة ورشاد يعني خلطة كامله طعمها أستغفر الله مُرة وحاليييه حيل لمدة اربعين يوم ع الريق
والحين تركتها لان زدت خمس كيلو من وراها ..وتضايقت مرة
يله الحمدلله ويش اسوي ..

[ام الزين كله]

وعليكم السلام ورحمة الله وبركاته


مساءالخيرات


يارب يكون زوجك سليم ومايحتاج تحليل ولاعلاج

بالنسبة للاحكام ماعندي علم بها

وسمعت ان بعض مستشفيات الرياض الكبيرة فيها غرف مخصصه للازواج .. والله اعلم

اكيد سمنتي من العسل يسمن ..


الله ينفع بها ويكتب لنا اجر الصبر ويجعلنا من الصابرين الشاكرين الذاكرين

[في صمتيے..گلام]

سلام عليكم .. كيفكم وحشتوني ..

قطعت علاج من القعده وارتحت ورجعت اكمل في محرم والحين لي 4 ايام مسويه تلقيح صناعي ذابحني المغص والم الظهر والله مدري هذا طبيعي الم او شو ماقول الا الله يرزقني واياكم يارب ..