دردشة حوامل القطيف- تجمع بنات القطيف

[سوهان]

صباح الخير ع الجميع

مبروك اختي momy على الحمل والله يثبته لك وتفرحين فيه

ام كرار الله يعينك ويساعدك والله يبلغك وتشوفيه بحضنك وتفرحين فيه

اختي دلوعه جربي التحليل المنزلي وشوفي الله يفرح قلبك يااارب

والله يغير حالي والله تعبانه ومتضايقه مره

احلام ام ؛ طفلي ؛ فلونه ؛ ام الساده ؛ ام خليل

شخباركم غناتي عسااكم بخير؟

الله يفرج عنكم قريب عااجلا غير اجل

دعواتكم خواااتي

سامحوني اللي ماذكرتهم

[شمس الصباح]

ممممممممممم

اي طبعا اليوم وديت التحليل للدكتورة وكانت تقول لاااااااااااازم تهتمين بالتغذية اهم شي تغذيتها وركزت على سالفه التغدية ومن كلامها حسيت انها تلمح لي اني اعطي ملاك اكل غير الحليب بس استحيت وما سئلتها المهم شنو رايكم هل ابتدئ اعطيها اكل لو انتظر لين تكمل اربع أشهر في احد جرب يعطي اكل وعمر البيبي ثلاث شهور

[ام احلى قمر]

هلا بنات
شخباركم ؟

ام ملاك ما أنصحش انش تعطين ملاك أكل وهي في الشهر 3 خطير على معدتها
انتظري الاى بداية الرابع وبدي اعطيها وجبة أكل يوميا ولين شفتينها اوكي بدي اعطيها وجبتين وهكذا بتدريج ......
وانصحش تبدين تعطينها اول أكل تمر .......

[hazina]

هــــــــــلا قــــــــــووووة كــــــرووشااات وامــــهاااات
شخبـــــــــــاركم اليــــــــوم ومبـــــروك اختـــــي علــى
الحـــــــــــمل والـــفااااال لـــــــــــي عقـــباال ما احـــلل
واطـــــلع حـــــامـــل ياااااااااااااا رب

[أحلام أم]

مسااااء الخير
شلونكم أمهات وحوامل القطيف والبحرين
أم حسين الدار ،متى بنشوف طلتش علينه لش وحشة يالغالية
مومي
ألف مبروك حبيبتي وربي يتمم لش حملش ويبلغش يوم ولادتش بالسلامة
سوهان
صلي على النبي حبيبتي وربي يفرج همك ،ويقضي حوايجش يالغالية
الحزينة
هلا حبيبتي ربي يرزقش الحمل عاجلا غير أجلا وتجيين تبشرينه بحملش
شمس الصباح
ألف مبرووك خراق أذون ملووك ومبرووك التراجي يمه يهبلوون البنات ربي يحفظها وماأنصحش تعطيين ملاك أي تغذية غير الحلييب ،وفي بسكويت في الصيدلية أشوف الأهل يحطوونه في المرضعة مع الحليب يعطوونه أولادهم ولازم تجربينه يمكن يسبب إسهال لاسمح الله وإبحثي في النت عن تغدية في هالمدة
دلوعه ولد عمها
ربي يفرج أمرك وتبشرينه بحملك
أم كرار
ربي يتمم ليش وتولدين كرار بالسلامة
أم خليل
هااااوينش منخشة تحت البرنص او تحت الياهل
بشرينه عن وضعش وإنشاء الله ولدتين
باقي بنات الديوانية ياارب كل أخباركم مبشرة بالخير
بنات ساعدوني
ويش أسوي في نفاسي ،قليل ليين أشرب رشوفه
وماأرتاح ولاأنبطح خبركم في بيت بروحي وشغل وطباخ ربي يهون عليي
وتوي اليوم رابطة بطني بشال هههههههه
عيل بويش أربطة عندي سير طبي بس صغير خخخخخخخ ماينصك على الكرشة المهفته
عطوني مشروبات زينه للنفاس وأكل
ربي يحفظكم وفي أمان الله
دعواتكم

[سوهان]

احلام ام

هههههههههههههههههه والله ضحكتيني

بالنسبه لينا اهل القطيف دايم الولدانه يسوو لها عصيده مادري تعرفينها او لأ؟

(طحين خبيص على دبس)

وبالنسبه انك بروحك الله يعينك

ام العيال ماتجلس ابد

اني بولدي بس رجعت البيت جلست انظف لاوقمت اكوي بعد

>>ماشاء الله هابت ريح خخخ

بس تصدقي هالشغل طلع عليي بعدين

عند الحواج اشيااء واجد زينه للنفاس

الله يغير حالكم ان شااء الله وترتاحون

والله يخلي لك مولودك ياارب ويبلغك فيه معرس

>>>عاد عزميني على العرس

[شمس الصباح]

ام احلى قمر واحلام ام مشكورين وااايد ما قصرتون الحين اشوه ارتحت لاني احس ملاك توها صغيرة على الاكل وبخصوص البسكويت اعرفه بس اخاف اجربه وهي ثلاث اشهر اني باحاول اعطي الياهل من يدخل الشهر الرابع شكلي بصبر الأيام تمشي بسرعة

احلام ام بخصوص الحزام اني ما استخدمت بس احاول اشفط البطن للداخل وبعد عدة ايام من الولادة احاول قبل النوم اسوي تمارين للبطن او حتى واني اطالع التلفزيون طبعا على حسب المزاج والوقت
بخصوص الأكل كنت ما اطبخ كل من المطعم في الايام الأخيرة قمت أطبخ فحاولي انتين على الأقل تعطين نفسش راحه يوم من المطعم ويوم نوووووووووم لان مو زين ليش جدي بيطلع عليش بعدين اني احس ابش لاني ولدت فترة امتحانات وكان الوقت كلش مو في صالحي بس الحمد لله
ام بخصوص الأكل ما عندي خبرة اني نفسش كل رشوفه وفيها حلبه وخلااااص خخخخخخ ان شاء الله البنات يفيدونش

[om khalil]

سلاااااااااااااام عليكم شخباركم جميع ان شاءالله بخير

باجر اكمل التاسع يارب تسهلها ان شاءالله حاسه بآلام في عظام فخوذي وظهري من بارحة أمس
بس مانتظم الألم للحين وبعدي تحت البرنص ياحلام ههههههه مو خوف من الولاده الا من الأوضاع
يارب يارب يارب يارب تحميهم وتنصرهم يااااارب

الله يسهل عليكم جميع ان شاءالله

[om khalil]

أحلام الله يساعدش بروحش
ماعندي غير الرشوفة والعصيدة بالسمسم وشاي المرامية وشاي الدارسين لاول عشرة ايام
والعشرة الثانية مافي بالي شي كلش، حسبي الله عليهم ماخلوا لينا لا زاغر ولا شي نهتم بعوافينا

شمس الصباح
وليش مستعيله على الياهله من الحين تبين تأكلينها؟ اني بتي أكلتها بعد ماكملت 4 شهور بالضبط، بس ولدي أكلته بعد ماكمل 6 شهور بالضبط. عطيتهم تمر وفارليز وخضرة مطبوخه في شوي ماي علشان ماتروح كل فايدتها. وكنت اضيف الماي شوي شوي اذا شفته نشف.

[om khalil]

ربش كريم يا أحلام أم الله بهونها ان شااءلله علينا جميع يارب
خلش على السوائل الدافيه حتى الماي لا تشربين بارد
ولا تاكلين جح اقصد يح خخخ
ولا موز ولا همبا ولا باميا
الاكلات اللي تحسين فيها لزوجة بشكل عام لا تاكلينها ترخي الرحم

البيبسي منع تام ، ترى ماوكر دبتي الا البيبسي اللي انحديت عليه خلف ولادتي بخلي