حبيباتى سيدات ليبيا تفضلو لأعرف ما حالكم

أم أجنادين 80 · 07-28-2013, 04:31 PM

اليوم درت خبيزة بعجينة العشر دقائق

القيت عندي طريقة ليها من غير دحي

روعة روعة

ودرت بيها اول امس خبيزة الظفيرة

وامس درت بالعجينة يلي الجاهزة يلي حطيت صورتها قبل وكان الحشو دجاج

ودرت كيكة السينابون طلعت اتجنن بس زوجي لم تعجبه

والسبب طعمتها غريبة عليه فيها القرفة

والصوص كان نصف علبة جبنة فيلاديلفيا وسكر ناعم وحليب محلي وزبددة

مفيش من اكتشف وجود الجبنه عن نفسي عجبتني

بس لو كان طاجيني اصغر حتي كانوا طبقات الكيك منتفخات اعلي

ووووووو بالتفصيل

dr.loly · 07-28-2013, 04:40 PM

السلام عليكم ورحمة الله وبركاته

dr.loly · 07-28-2013, 04:52 PM

امس درت اسكالوب بانيه ... وجا طعمه يجنن هو وقوارب البطاطا بالدجاج و سوتيه خضار باللحم ملفوف بورق الالمونيوم
وتشيز كيك .. وجارتي دارت الشربة والكيميا

وهذي الصور

أم أجنادين 80 · 07-28-2013, 04:59 PM

هلا ام فروسي

يلي قلتيهم ماعرفتش فيهم الا التشيز كيك

اعطينا الطرق

dr.loly · 07-28-2013, 05:03 PM

وهذي السفرة كامله ... زوجي وصاحبه بس فطروا عشان عطله الشباب بيفتلكوا بروحهم ماجوش

وهذي التشيز كيك درتها بالكراميل هالمره... وطبقة البسكويت تفتفت اشوي درتها بالصبح ودايخه ماكثرتش الزبدهـ
بس عجبتهم الحق

dr.loly · 07-28-2013, 05:04 PM

اهلا جنودة شخبارك ... شن بتديري فطورك اليوم؟؟

dr.loly · 07-28-2013, 05:08 PM

نبدا باسكالوب بانيه...
طريقتي الخاصه هي اني نشرح صدور الدجاج ونتبلها بالخل والليم والثوم والبصل والفلفل الاكحل والزنجبيل والحرارات والملح ..او تقدري تضيفي تتبيلة الدجاج ولو عندك ثوم بودرة
تخلي الدجاج ف التتبيلة اقل شئ 6 ساعات ...

خلاص بعدها تغلفي بالدقيق والدحي والخبزه وتقلي ف زيت عميق... وبم اني نحب جو التزيين درتلهن من فوق مايونيز وحبة لوز خزايني نحن نقولوله او مايعرف بالجوز تحطيه عالجبنة بوك او مايونيز عشان تمسك وهذي فكرة من اختراعاتي اندير فيها حتي للكفته
بس احلي بالكاجوو هههههه مرة شلته لعربي السنة اللي فاتت سلوفايا خوت زوجي عجبهم سموه عين الجمل خخخخخخ كنت مزينته بكاجو وتحته بجبنة بوك

بالنسبة لرمضان تقدري تصغري شرائح الدجاج نفس مادرت نا وف الايام العادية كبريهن وحلوات ف العشوات مع بطاطس مقليه وخضروات

dr.loly · 07-28-2013, 06:45 PM

وهذه الطريقة الثانية

http://forum.hwaml.com/t265804.html#post3310734

أثري في مدادي · 07-29-2013, 01:33 AM

الســـــــــــــــــــــــــــــــلام عليكم ورحمة الله وبركاته

أهلا حبايب ،،،،،،،،،،، منو موجــــــــــــــــــــــــــــــود ؟؟؟

أثري في مدادي · 07-29-2013, 01:46 AM

اليوم جربت طريقة الباذنجال بالباشميل
حلوة ولذيذة للي يحبووووووو الباشميل

ودرت معاه بوريك بالمفروم وكرات الجبن والبطاطس

شوربـــــــــــــــــــــــــــــــة ولقيمة بازين للزوج العزيز

أوشــــــــــــــــــي
عزومة فااااااااااااااايحة
يعطيك الصحــــــــــــــــــــــــة

سؤال مكرر / شنو سر عصيبيناتك ؟؟؟؟؟؟؟؟؟؟؟؟؟؟؟؟؟؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM