تجمع الكروشات اللي ولادتهن في رمضان 1433ه

[ام مهند4]

الله يساعدج سوسووو. التجمع هينا مليان بطاريق بس مو عايشين في القطب المتجمد بل القطب الذايب

[انثى من عطر]

ام مهند

هو اسوأ شي
الوحدة يوم تجلس تسمع قصص مرعبه

كأنه ربي بيعذبنا في الولادة


وفي حريم عليهم أسلوب تهويل
تحسسك انك بتروحي حرب ولا مجزرة
مو. ولادة


في بكري
سمعت روايات شيبت راسي
اليييين بغت تجيني عقدة من والولادة
)) واقول بيني و بين نفسي ايه اللي عملت في نفسي ده

ويوم جات ساعه الولادة
الله يسرهاااا والله انها و لا ربع اللي. سمعته


الوحدة توكل امرها لله
ولا تتعب نفسيتها بالتفكير

و تحسن ظنها بالله

وبس

[مناير999]

انثى كلامك ريحني
بحتفظ فيك ولاجاء ابليس يزورني ليلا يوسوس لي برجع اقرا ردك

احنا يالبكريات مثل الاطرش بالزفه ماغير نسال وكل وحده تشرح لنا بطريقه مختلفه
احسن نخليها على الله هو ادرى فينا


سوسو الله يهون عليك ويقومك بالسلامه



ام مهند
ايه شفتي شلون حمشه
من عاشر القوم 40يوم صارمنهم وفيهم
كيف سنين

عاد الحمشه هذي سمعتها قبل باستراحه العائله
كان فيه حريم عندنا مايستحن يجن ياكلن ويقومن والدور بالعشاء محصور على ناس معينه
سويت جدول وحطيت اسمي اول وحده عشان مايقولون مريحه نفسها
ولما تقهوينا قلت لهم عن الجدول للعشاء قلت وش رايكم انا ثم فلانه ثم ....الخ
من دون ما احرج نفسي او احرجهم معي كلام عام وجماعي
قلت فيه احد مو عاجبه او معترض نحذف اسمهاو نغير طبعا انحرجوا وقالوا كويس واللي مريحات نفسهن يغلن من القهر بس مايدرن وش يقولن

عاد اللي ماسكات العشاء بعد ماقمنا جن يتشكرن وحده تقولي والله اموت قهر وانا اشتغل واكرف وهن جالسات لاحيا ولامستحا بس تقول مابي مشاكل ولا ادري وشلون اقولهن باي طريقه

اللي مايستحي المفروض نحشره بالزاويه بس بادب وبحدود من دون مشاكل لان بعض الناس مايمشي معها المجاملات والاحترام يتمادون اكثر





والاساور تجنن بس احسها بناتيه هاتيها لبنتي وبنات التجمع

[نور العيوووووون]

هلا كرررروشات
Alasa
الله يكتب لك الي فيه خير وعسى ان نكره شيء وهو خير لنا وخلي ثقتك بالله وان شاء الله كل الامور بخيرررر وتشوفي ابنك احلى طبيب يارب ياكريم يرزقك كامل. بدون زياده ولانقص وكل الي بالتجمع وحوامل المسلمين يااااارب ويشفي ويعجل خروج ابن ميدووري
كروشات الاسبوع ذا احس فيه بقشتين بتنفتح ربي هوووون عليهم وتممهم بصحتهم وعافيتهم يارب ياكريم
طيررر مشاءالله انتي من جد مبددددعه استغلي هالشيء وطوري منه ربي يوووفقك
ام حماده وض فايف ستار خلي كل شيء بعدين اللحين خلي ريلاكس وكوفيات وسوالف وروقان والبحر على الفجر انبطحي على الرمال الذهبيه ههههههههه
هيوووف نسوووم
كيفكم وكيف بقشاتكم
امس بنتي مانامت الا لما فضت رف من دالوبها وقالت ماما ابي ملابس النونو احطها عندي وعطيتها جزء وقعدت ترتب ووجها كنها وحطه بتروح باريس ههههههههه عاد اليوم بطلع الجزء الثاني ترتبه

[ام مهند4]

جد افلحتي فيهم...........منور والله هالنمونه كثار يجوو ياكلو ينبسطو ويمسحو ايدهم بالجدار
احنا كيذا اللجمعه عند بيت اهلي ويجوووو يجلسوون وانا وامي وخواتي تقط في فمهم وهم سردحي مردحي غيرعيالهم انواع التخريب والتكسير......بس للاسف انا وامي وخواتي نستحي تحصلي وجهنا مقلوب ومنقهرين بس مانتكلم نخاف ابوي يزعل على زعلهم ......ز حنا نحب جمعتهم وننبسط بس مو كيذا يعني حلو المشاركه وخلاص ولدك وسخ شي نضفيه انتي يبغى شي اكل مو تامرين قومي يفلانه عطيه هالشي من المطبخ ............. خدمي حالك

[ام مهند4]

فديتهم قمرات التجمع .............. اخللي الحورمه اللي سوتهم للي تسوووي5 درزن لهم بس عاد مروو خذووهم ^_^
في الووان كثار ورخاص مرره وعادي احس يلبسونهم ولادي اشووفهم يلبسون واذكر لبست مهند حلوين على ايديهم المتختخه

[ام مهند4]

كيفط يانووور ............ ماحلمتي بشي اليوم
ومين تحسين بيفك البقشه غير ام حماده ..........

[ام مهند4]

يالله استاذن بنيات ........ بجهز العوال عندنا طلعه وجوب وزيارات والد ومسافرين ومرضى بعيد الشر عنكم

[انثى من عطر]

مناير
اهم شي حطي في بالك
هي لحظة و بتعدي

ولا تسمعي لروايات الخريم
وبس


وكلي امرك لله فهو خير وكيل

[ورود المحبه]

مساء الخير كيف الكرووووووووووشات اليوم
طفشانه اليوم زوجي عنده رخصه من العمل وكنت مخططه لطلعه الليله لكن للاسف صار فيه مرابطه فجاة دقو عليه وراح يارب ومادري متي يطلع الليله ويمكن بكره يااااااااااارب ساعدني والله طفشانه
ايه بعد اليوم رحت للبنك الراجحي وزحمه فضيه لان صرافتي صلاحيتها على وشك الانتهاء والاسبوع الي فات كان كمبيوتر البنك عطلان مدري متي اروح واخلص من البنك والله مشوار ومع الحر بالنهايه نرجع وماسوينا شي
من عندها خبر بنك الراجحي يفتح بكره الخميس واي ساعه يداومون