دردشة بنات العراق, دردشة حوامل العراق , تجمع بنات العراق

بشارة · 03-19-2013, 06:55 PM

اهلا وسهلا بيج ازل نورتي التجمع ... اني اسمي مروه ..اسكن في بغداد ..مهندسة كهرباء ...وهمين حديقه هههههههه

هلو توته حياتي شونج عمىي ...الحمد لله اليوم احسن البارحه بس ابجي مثل المخابيل ...

سراوي حبي ..من تدخلين للستبع سوي دوبلر ملون .. تطمأنين بي على ابنج و تشوفين وزنه همين ...اهلا وسهل

&ام همام& · 03-19-2013, 07:00 PM

اقتباس:

المشاركة الأصلية كتبت بواسطة بشارة

ا في بغداد ..مهندسة كهرباء ...وهمين حديقه هههههههه

..

سراوي حبي ..من تدخلين للستبع سوي دوبلر ملون .. تطمأنين بي على ابنج و تشوفين وزنه همين ...اهلا وسهل

شنو للستبع التاسع لو السابع
اني ادري بية الدوبلر خطر زين هو مثل السونار لو مثل الرنين اللله يكفينا ويكفيكم شرها
زين لازم اسوي

بشارة · 03-19-2013, 07:09 PM

اقتباس:

المشاركة الأصلية كتبت بواسطة سرى1

شنو للستبع التاسع لو السابع
اني ادري بية الدوبلر خطر زين هو مثل السونار لو مثل الرنين اللله يكفينا ويكفيكم شرها
زين لازم اسوي

ههههههههه اقصد السابع...من اكتب من الموبايل كومه اغلط و الكلاكسي مكروووه مااكدر اصحح الكلام بسهوله

حبي شنو خطر ؟؟؟؟؟.... ليش انتي ممسويه دوبلر؟؟!؟...الحوامل من شهر الرابع يسووه حتى يجيكون وضع الطفل و اطرافه و فيما لو كان لا سامح الله اكو تشوهات ...هاي شلون طبيبه مالتج ههههههه تحفه

اني سويت بالرابع ...و من دخلت للسابع حتى اطمئن ...هو مثل السونار بس يطلع الننوس مجسم و ملون و كانما بث مباشؤ من داخل البطن هههههههههه

روحي سوي عيني

بشارة · 03-19-2013, 06:58 PM

توته الاكل دمرني مال الضغط ... جسمي نحلان و تعبانه دائما لان كلشي مدا اكل ...بس بتيته مسلوكه ...واشرب حليب خالي الدسم ..واكل بسكت

تعبانه حتى الكلام بصعوبه ديطلع ههههههه ماكو شحن

&ام همام& · 03-19-2013, 07:03 PM

اقتباس:

المشاركة الأصلية كتبت بواسطة بشارة

توته الاكل دمرني مال الضغط ... جسمي نحلان و تعبانه دائما لان كلشي مدا اكل ...بس بتيته مسلوكه ...واشرب حليب خالي الدسم ..واكل بسكت

تعبانه حتى الكلام بصعوبه ديطلع ههههههه ماكو شحن

سلامتج من التعب ليش متاكلين خو اكلي واتحكمي بية تردي مالح حتى يصعد لو حامض حتى ينزل حبيبتي يرادلج اكل لان وراج تعب بتيتة متلزم كلبج

بشارة · 03-19-2013, 07:12 PM

اقتباس:

المشاركة الأصلية كتبت بواسطة سرى1

سلامتج من التعب ليش متاكلين خو اكلي واتحكمي بية تردي مالح حتى يصعد لو حامض حتى ينزل حبيبتي يرادلج اكل لان وراج تعب بتيتة متلزم كلبج

الله يسلمج حبي

مو اني من دخلت للتاسع اسم الله عليكم ضغطي صعد...لازم بس اكل ..اكل فاهي

كلشي مدا اكدر اجرع غير الاشياء الي عددتها

ديري بالج انتي من تدخلين للسابع خلي اكلج متوازن لا مالح و لافاهي و دائما جيكي الضغط

وقللي البيض حتى مايصير عندج زلال ... ومن تكعدين ارفعي رجلج حتى ما اتورم

&ام همام& · 03-19-2013, 07:20 PM

يعني لازم اسوي اني سويت سونار الدكتور ما كال لازم تسوين دوبلر
ومن رحت لدكتورتي شافت التقرير ما كالت شي هسة يجي زوجي واكله
والله دكتورات هالوكت يتفلسن ع الباكلة وفوكاها تكلي اريد من عمج يجيبلي طلي

بشارة · 03-19-2013, 11:34 PM

هههههههه طلي بعينها
روحي سوي دوبلر ملون و هسه تتونسين تشوفيه مجسم فدوه لله يخبلون

~~شعور الامومة~~ · 03-20-2013, 08:41 AM

صباح الخير عليكم وحمد لله على سلامتكم
مراوي تارة فروحة ميوش سارة سرى سمر ام قبس ام جمانة شهودة ازل لمياء زنوبة ام ليو ام ايهومي بسومة ام مريم نور اروى انوش وكل البنات

& زهرة حياتي & · 03-20-2013, 09:06 AM

اللهم ارحم شهداء العراق وكل من دافع عن ارضه وعرضه
اااااامين
صباح الخير والعافيه الله يحمي الجميع يارب شونكم اخباركم ان شاء الله كل البنات بخير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM