دردشة بنات العراق, دردشة حوامل العراق , تجمع بنات العراق

[شعور الامومة]

صباح العافية والخير عليج شلونج اليوم انتي داومتي الشوارع كلهة مسدودة وازدحامات
سؤال حبيبتي شنو سبب الوجع بالبطن اذا حامل شهر ونص وبالبداية الدكتورة كالت اكو جنين وماكو كيس حمل وهسة دكول اكو كيس حمل وماكو جنين ولانبض اجهاض لو شنو ؟؟؟؟؟؟؟ الي تعرف تجاوبني ضروري

[& زهرة حياتي &]

اي حبي داومت شسوي مقبل يطيني اجازه كلش ازدحامات
والله حبيبتي ماعندي علم الالم القوي بالبطن يكولون يأما انذار بالاجهاض اذا تبعه نزول دم واذا يروح ويجي طبيعي الاشهر الاولى للحمل يصير الم بالبطن يروح ويجي لان الطفل يثبت بالجدار اكثر والمشيمه اتكوم اتادي دورها

واذا كانت تاخذ مثبتات فمينزل الطفل الا كورتاج لان لاسامح الله اذا حصل اجهاض وهي ماخذ مثبتات لازم تنضيف الا ينزلو

واكو حالات للاسبوع العاشر يله يبان النبض والجنين

اني اعرف بنيه راحت بالاسبوع الثاني للدكتوره ولكت كيس بس ماكو جنين الدكتوره كلتلها لازم اسويلج اجهاض لان ماكو طفل
هي مقبلت كالت الا اشوف الدم ينزل مني يله اروح وضلت شهر كامل وراحت على غير دكتوره سوت سونار هاي الاجهزة الحديثه وشافت كلشي طبيعي اكو جنين واكو نبض فمو شرط هذا الي اعرفه اني

[& زهرة حياتي &]

واكو حالات يصير الحمل خارج الرحم اسم الله يصاحبه نزول دم خفيف والام بالبطن جدا قويه

[شعور الامومة]

يسلمو حبيبتي تعبتج ربي يتمملها حملها على خير وككل الحوامل انشاء الله

[شعور الامومة]

اني هم مداومة يكولون صار انفجار بالغدير الله يستر والله لبارحة خايفة من طلعت من الدوام كل شوية اكول هسة تنفجر علينة مفخخة صارت بينة خوفة

[& زهرة حياتي &]

قلب الجنين
يمكن ان تبدأ مشاهدة قلب الجنين بجهاز الالتراساوند وهو يخفق من الاسبوع السادس من الحمل..عند بعض النساء..وغالبا تمكن مشاهدته بسهولة من الاسبوع الثامن..

[& زهرة حياتي &]

ان شاء الله يار ب اجمعين ويرزقج الحمل السليم يارب عاجل غير اجل
اي والله الواحد يطلع وايده على قلبه يخاف من كلشي الله الحافظ

[شعور الامومة]

لا هي بالاسبوع السابع وماكو نبض واصلا الدكتورة مشافت الجنين بس الكيس وعندها الام بالبطن خايفة ليكون اجهاض

[شعور الامومة]

الله يحفظ كل العراقيين بحق محمد وال محمد

[شعور الامومة]

شنو البنات اليوم ماكو نايمات