الغاليات بنات فلسطين اتفضلو هون.....

[ام عبدالله لولو]

هلا حواء منورة حبيبتي والله تيمت ابني وهيتي حاملة اسبع حلاوة وباكل اتفضلي

[حواء مثالية]

تسلمي يا قمر نوم العوافي الو اسيد صحتين على الحلاوة

وين باقي البنات شكلها قاطعة الكهرباء عندهم

[ام عبدالله لولو]

الله يسعدك يارب يا اما قاطعة يا زي ما حكت فوفو لطلق بالدروس ههههه الله يهنيه
اتصالحتي انتي ابو الشباب اكيد هو الي صالحك لانك عسل وما بنوعل منك

[~{{ DoDo }}~]

منورين صبايا
ام اسيدوحواء وفوفو

حواء مبرووووك لخوكي عقبال ما تفرحي ببرلنت وعزوز يارب
ما احلاها اجواء التحضير للعرس غير شكل
عقبال ما نزوح اخوتي وافرحلهم يارب
كيف برلنت وعزو انشالله تمام وشو اخر تطوراتهم

ام اسيد نوم الهنا لاسيد
انا بحاول انيم الافندي بس مغلبني شكلو سنوناتو بيوجعوه
صحتين عالحلاوة

فوفو والله بيضل الطبيعي اهون من العملية
بس كل الي من الله يا محلاه
طمنينا بكرا على رزونة

[ام عبدالله لولو]

هلا دودو والله انبسطت كثير انك رجعت تفوتي كل وقت حواء ما تغيبي عنا دودو الله يسعدك يارب وان شاء الله بتفرحي باخواتك يارب واخوي يارب ابنك بعدو بياخد حليب صناعي وكم وجبة بتعطيعه انا ابني الحمد لله تركو نهائيا وبالنسبة للنوم الحمد لله

[~{{ DoDo }}~]

هلا ام اسيد
يسعدك يارب
والله بعطيه بس وجبة وحدة باليوم صناعي عشان يتعود عالببرونة وعشان ما يغلبني بالفطام
يعني وايام بسى اعطيه وما بتفرق
هو بس تعويد مش اكتر وعشان ارتاح لما اطلع

[ام عبدالله لولو]

تسلمي يارب اهطيه وحدة بهيك وقت اما يكون يعيط ممكن يكون جعان بنام بدي اسالك هلا عنا بالضفة بعطو بالصحة وبالوكالة نقط اسمه ادول هي عبارة فيتامين أ و د نقطين باليوم بتعطيه منه ولا كيف السوال طبعا معمم للجميع هههههه

[حواء مثالية]

الله يبارك فيكم ويسعدكم يارب عقبال اولادكم يارب

والله زوزو صار كلبوز بجنن كبر وبنغاي وبضحك وبنتبه على كلشي بنعملو حركتو زايده ما شاء الله

برلنت مسميها دودة البيت انا ما بتخلي شي مكانه بس وقت تضيع شي بسالها عنو عطول بتروح تجيبو ذككيه وشطوره بموت عليها بلشت تركب جمل هلا يعني بلشت اطق حنك انا واياها هههههههههه شريتها كم لبسه شتوي بطيروا العقل كثير ستايل بنزل صورها بس تلبسهم


والله يا ام اسيد انا مستحيل اخلي ابو الشباب زعلان مني حتى لو كان الحق علي انا بروح بصالحووووووووو زعلاتنا قصيرة اكثر مده ساعة او ساعتين بعدين بترجع المي لمجاريها

ممممممممممممممم شو استخدمتو واقي يا بنات انا ما زبط الواقي معنا ابو الشباب اعترض علي وهلا مفكرة بالحبوب مين جربتها

[حواء مثالية]

اي انا اعطيتو لبرنت وهي بعطي لعزوز من عمر الاسبوعين كثير مفيد وكويس

[~{{ DoDo }}~]

ام اسيد
لا ابني. ما بعيط عياط جوع
بيتدلع بالليل بس وبيحكوه سنانو
بحطله عليهم جل بيخف وبيهدى بس لازم ينام بالحضن
بيعرفش ينام لحالو وبعدين بنقلو على تخته هههه
بالنسبة الي انا بعطي عمورة من يوم ما انولد فيتامين د
ممتاز كتير خصوصا لو ما بتعرضي لشمس كتير
اعطيه وتوكلي الى الله بيضلو للسنتين عنا يعطوه

حواء
اسم الله كبرت الزعرة الله يحميها ويخليلك اياها هي وعزوووو
بالنسبة للمانع انا زوجي بيستخدم الواقي
والله يستر

انا يا بنات بدي اروح بالاذن عشان انيم الافندي وابو الشباب نعس بدو ينام
تصبحوا على خير وحب ؛)