【ツ】أحلى تجمع لأحلى حوامل التوائم 【ツ】 ‏الجزء الثالث

[REEMAS]

اماني انا ادخل من الاي باد فما اعرف شلون انزل صورت السرير كتبي في قوقل الصور سرير سله بيطلع لج اهو سري له مثل نص غطى كن فوق ومن تحت له مثل القاعدة تقدرين تحطين فيه حفاظات وغيارات للبيبي وله عجل تقدرين تحركينه او تشلينه ويصير ثابت وسعرة ب600 وثقيل على قولت امي احسن من اسرة مذركير اللي اذا مسكها احد كانها بطيح

[رضاك ربي]

بداية امومة مشكورة حبيبتي


ريماس الله يسهل امرك وتلبسيهم كل ملابسهم بالصحة والعافية وربي يفرح قلبك وقلب زوجك ووالدتك باحلى توأم معافيين اصحاء عسولين يارب

[رضاك ربي]

بالمناسبة السرير السلة مايكفيهم لعمر 6 شهور يادوب الشهرين ويمكن 3 اذا احجامهم صغيرة

[ниō]

مرحباا حبايبي .. اماني الله لايوريك مكروه ثقي وتوكلي ع الله ماراح يخيب ظنك ياررب

باركولي صرت بالخامس بالاسبوع 18 .. ودي تفرحون معاي لما اعرف جنسهم ادعولي اعررررررررف
مااحس بحركه قويه ( من جهه وحده يعني بيبي واحد احس فيه خفيف ونادر) ومدري هي حركه ولا بطني يستهبل ههههههه
وانتوا شخباركم كيفكم مع التعب .. حابه اتواصل معاكم بقروب الواتس اب ارسل لمين رقمي ؟

[عطر فواح]

صباح الخير ياعسولات ربي يسسر لكم ويعينكم

يوميا سهرانه مع عيالي الله يهديهم والله تعب مو طبيعي الله يعينني عليهم
صدقوني اذا ولدتو بالسلامه راح تقولون ليتهم باقي ببطني هههههه

[REEMAS]

صباح الخير
باركولي انا ةام عبودي وسيفو اخيرا دخلنا الثامن عقبال التاسع يارب انا وكل بنات التجمع والله قعدت اتذكر الشهور الاولى كيف كنا نوسوس ونخاف الحمدلله يارب عالنعمه والله يدومها يارب
رضاك انا بشتري السرير بس لفترة نفاسي في بيت اهلي بس اذا رجعت البيت بشتري سرير كبير ...رضاك انتي اتنومينهم في سرير واحد والا لكل وحدة سرير ؟
هنو مبروك الخامس وعقبال مانبارك لك بالتاسع يارب
عطر فواح والله راضين بالتعب بس يجون بالسلامه ويملون علينا البيت بعد حرمان سنين<<< وشكلي بعدين بشتكيلك وبتقولين نسيتي كلامك هههههه

[REEMAS]

بنات بسالكم باديه معاي حكه في البطن مع اني ادهن بطني وصدي بزيت زيتون كل يوم قبل ما انام ومن الحكه صارت خطوط حمرا في بطني شنو الحل

[غربة مشاعر2011]

صباحكم الورد حبيباتي

اخباركم والله يكمل علينا بخير ويرزق الكل بالتؤام السليم اللي يفرحون قلوبنا وينوروون حياتنا

يريمااس مبروك الثامن ان شاء الله وراج الاسبوع الياي

اماني الله يسهل عليج ويطمن قلبج يارب وما يصير الا الخير اللي تتمنينه

اليوم رحت العياده لاني الحكه تحت ذبحتني قالت يمكن من الموس مسولي حساسيه برد استخدم الواكس شكلي وقالت لي شكلي ما بصمد لين الاسبوع 38 للعمليه يمكن الاسبوع 37 او 36 المهم التاسع يارب ومن الاسبوع اللي بعد الجاي بقعد فالبيت خلاص الثقل ذبحني ما احس فيني نفس احس مثل الحجر على صدري

[غربة مشاعر2011]

ريماس الله يعينج ويا الحكه والله انا بعد الحمام اغرق بطني زيت زيتون وبعد الحكه تزيد يمكن البطن يتمدد الله يعين ويخفف علينا

[REEMAS]

غربه مشاعر الله يبارك فيج ويالله بحجز لج كرسي لا تتاخرين هههه وبالنسبه للحكه اخيرا دكتورتي عالخاص ردت على وقالت لي اشتري من الصيدليه كريم زبدة الكاكاو للحامل بجربه وبقول لج النتيجه وها بشري خلصتي اغراضج وشنو باقيلج ؟؟