حبيباتى سيدات ليبيا تفضلو لأعرف ما حالكم

جوهرة ليبيا · 07-30-2013, 05:11 PM

ربي يحفظهم وينجيهم ياربي محلاهم الصغار لما يرقدوا انحب نشبح لبنتي وناشبها لما ترقد تهببببببل

مازال ماتبيش اتخشي للمطبخ

وشن فكرتي اديري

انا محتااااااااره

dr.loly · 07-30-2013, 05:12 PM

وين رحتــــــــــــــــــــــوا؟؟؟؟؟؟؟

جوهرة ليبيا · 07-30-2013, 05:13 PM

اقتباس:

المشاركة الأصلية كتبت بواسطة *ام فراس*

جيجي هضا اللي لونه اخضر عجينته قصدي؟؟
كنت اندير فيه زمان بس الحق من ايامات الجامعه معش درته
وانسيته..
عطيني طريقتك او اي وحده بالبنات اتدير فيه

فروسه انا درته علي طريقه جنوده

http://forum.hwaml.com/t263224.html

وهذا الرابط حلو وخفيف خصوصا كان الهريسه حاره يممممم

او اي حشوه تفضليها

وصحه مقدما

dr.loly · 07-30-2013, 05:18 PM

تسلمي وربي يحفظ بنيتك..
مازال بدري ع مطبخ عندنا الساعه 3 وربع توا والمغرب يادن 9 ونص اي عشرة ونص عندكم ......

بس نوضوني بدري متاعين اي بي كل مرة جايبين حاجة ..الموقع اللي نطلبوا ونشروا منه ع النت بي الفيزا كارت... خطرلهم اليوم خخخخخ
ودقتهم تفجع...
جابوا اي فون 5 اول شئ لزوجي طالبه ... وبعدها مفرمة صغيرونه ماركة كين وود ...
وبعدها ساعه لزوجي طالبها وقامجو ع هيئة دب بطانيه هو خخخخخ عشان الشتاء هدا بنحط فيه فراس بعد نطلعوا
ويجي زوجي من الجتمعه وبنطلبوا واحد ل لولي بودري فيه ارانب بس منه

وانا مطلعه كيلو مفروم ... بندير منه احتمال كباب حلزوني وكريب... وبندير بيتزا وسندويتشات ونراجي جارتي مرت صاحب زوجي انشوفها شن بتدير
بس راسي صداع... ويستر الله

جوهرة ليبيا · 07-30-2013, 05:20 PM

انا قاعده

فكرت اندير اليوم امبطن امشكل مثلا 5امبطنات بطاطا وحده او تنين بطاطات كافي
واربعه فلفل حلو يعني حنقص فلفله وحده وباذنجانا 5قطع بركه الحمد لله

وخبيزه الكسكاس وخبيزه جبنه المثلثات مع المعدنوس انموووت فيها دائره وحده وحنقسمها لمثلثات 6فقط

وبيتزا دائره وحده

ونفس العجينه خبيزه بالتن

والشربه طبعا

وكبه التوست امس جابلي تست خاطري انجربها
وطاجين صغغغغغير لازانيا ليا ولراجلي

ووووووووووو مش عارفه شن تاني

جوهرة ليبيا · 07-30-2013, 05:24 PM

سلامات فروسه الصداع عندي وعندك ربي يشفي

ومبارك ماشريتوا

~~sosolibya~~ · 07-30-2013, 05:40 PM

بناااااااااااات ماشاااااااااء الله متى جيتو

ربى يعطيك صحيحتك جيجي كان مجرد إستفسار وأسفين لو تكلمنا فى ما لا يعنينا

وماشاء الله عليك ربى يحفظك

dr.loly · 07-30-2013, 05:42 PM

اللله يسلمك...ويبارك فيك
وصحة صحة مقدما فطور يشهي..
خطرتي عليا الفلفل الحلو فيه كفته يديروا فيها به اظن اسمها الفلفل الروســي
يقولولها هي تقصيه دوائر وتحطي ف نص كفته نية وتساويها ع قصاد حواف الفلفل وتلبسي بالدقيق والدحي والخبزة وتقلي ع نار هادئه

~~sosolibya~~ · 07-30-2013, 05:46 PM

كنت متوقعة جيج حلوة الطريقة هذه

تمشى معاك انت لأنكم مش هلبة بس احنا عيلة ضرورى كل نوع تكثرىىىىىىىىىىىىى

يعنى تضطرى اديرى نوع ولاااثنين بسسسسسس ويالله تلحقى

بس فكرتك مليحة

يعنى طاجين مفروم اديرى بيه مبطن وبوريك وووو

وسونية عجينة اديرى بيها بيتزا وخبزة ملفوفة و صفيحة وووووووووو

~~sosolibya~~ · 07-30-2013, 05:48 PM

مبروك ماشريتو فروسة الله يباركلكم فيهم

بس كيف لفروسى وهو كبير
يعنى كيف بتلفوه فيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM