.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة noga88

بقول لكم وش صار بموعدي ياحلوات
رحت والاخلاق زززفت طبعا مايعطون وجه هالممرضات الله يعينا عليهم بس هالحكومي
الموهم دخلت ع الدكتور ،، سوا لي سونار مارضئ يعطيني الوزن
قال كل شي طبيعي بس الجنين بووووووضع الجلوووس
والله ضاااق صدري قال في احتمال يتغير بننتظر للتاسع ونقرر
اول كنت احسب الراس فوق طلع الجنين جالس جلووس
وسوا لي تحاليل اخذها الموعد الجاي
والموعد الجاي مااااالت عليهم بعد شهر يعني نص التاسع
وقال انا بالاسبوع 34 بس انا حاسبه لنفسي 33 اسبوع
وبسس سلامتكم

الحمدلله ان سااروونه بخير وهذا اهم شي .. والحكومي عادي مواعيدهم جي .. بس بعدها بيكون كل اسبوع او اسبوعين .. انا بعد موعدي بعد شهر نهاية شهر 10 ميلادي .. يعني بعد العيد على طول ..

وبالنسبه لوضعية النونو حاولي تمشين كثير .. واسجدي كثير .. والله المشي نفعني .. في دبي من كثر ما مشيت وتعبت رجعت ورحت موعدي قالت الراس نازل لنحت ماشاء الله مع انه بدري كثير عليه .. بس عرفت انه من المشي .. لان من كثر المشي كانت تجيني آلام..

[Mishael]

نوقا اهم شي يكون بخير الحمدالله وحاولي تحبين وتسجدين كثير عشان تتغير وضعها
وغريبه انتم تشكون كثير من الحكومي انا اراجع بمستوصف الاسكان والله كأني بمستشفى اهلي وحتى المستشفى اللي بولد فيه مع ان مسك تسبه بس بنات عمي يمدحونه يقولون مره تعاملهم راقي ،،

[اعز الناس عافوني]

نوقآ ان شاء الله يتغير وضعيه الجنين انتي اسجدي كثير وبين فتره وفتره احبي زي ماقالت ميشو

وربي من جد هالشهر ثقلنا كثير اناا احس الي راح كله دلع بالنسبه لهالشهر صراحه

الله يكون بعونآ والمستشفى الحكومي تعاملهم خياس صراحه بس احيانا تطيحين بوحده طيبه

على حسب الحظ

[Marawy]

المشاركة الأصلية كتبت بواسطة اعز الناس عافوني

نوقآ ان شاء الله يتغير وضعيه الجنين انتي اسجدي كثير وبين فتره وفتره احبي زي ماقالت ميشو

وربي من جد هالشهر ثقلنا كثير اناا احس الي راح كله دلع بالنسبه لهالشهر صراحه

الله يكون بعونآ والمستشفى الحكومي تعاملهم خياس صراحه بس احيانا تطيحين بوحده طيبه

على حسب الحظ

من جد صدقتي بسالفة الشهور اللي راحت كلها دلع بالنسبه لهذي الشهور ..!
احس نفسي كبرت 5 سنوات زياده .. وصار يناسبني الحين اصير ام ههههههههههه

[بنت تبوك]

اهلين نوقا ماعليك شر انشاءالله عليك بالسجود الطوووووووووويل وتحبي عالأرض مثل الأطفال اعرف وحده كانت نفس وضعك لمن درت بوضع الجنين كانت بالتاسع وقالولها مافي امل يتغير لأن حجم الجنين خلاص كبير مايقدر يلف .. بس ماسمعت كلامهم وكانت تحبي وتسجد لين سبحان الله لف الراس لتحت وبعد الكشف قالها الدكتور علشان نضمن ان الراس يدخل بالحوض ويثبت اطلعي الدرج بس مو كامل اطلعي درجه واحده وانزليها وارجعي اطلعي وانزلي قد ماتقدري من وقت وماشاء الله ولدت طبيعي والراس ثبت تحت..
الحلو انك عرفتي بدري بالثامن يعني تلاحقي عمرك وسوي اللي قلت لك وانشاءالله بالموعد الجاي تلاقينه تغير ..وذا حسيتي بحركه قويه او تغير شكل بطنك روحي لمستوصف خاص وشوفي اذا نزل الراس لتحت ابدأي بالدرج لين يثبت بالحوض

[اعز الناس عافوني]

بنت تبوك كيف يعني يثبت بالحوض ؟؟

لان في ناس يقولون لهم الراس تحت وبعدين الجنين يغير وضعيته

ولاعادي ><"

[بنت تبوك]

المشاركة الأصلية كتبت بواسطة اعز الناس عافوني

بنت تبوك كيف يعني يثبت بالحوض ؟؟

لان في ناس يقولون لهم الراس تحت وبعدين الجنين يغير وضعيته

ولاعادي ><"

ايه حبيبتي احيانا يكون الراس متجه لتحت بس مو داخل بالحوض وبكذا ممكن في اي وقت انه يغير اتجاههحتى لو بأخر التاسع والا ليش ينصحو بالمشي في اخر اسبوع من الثامن علشان المشي يثبت الراس جوة الحوض << وبكذا لو يطير مايطلع >> ههههه ..الا من تحت هههه
ياقلبي توكلي على الله واذا كان متجه عندك لتحت لاتسوين الحركات اللي تخليه يغير اتجاهه الحبي والسجود الطويل..

[بنت تبوك]

هلا ميشو كيفك انتي وكروشتك
انا والله هاليومين كنت تعبانه زكام وكحه شيييييييييينه تجرح الحلق وفوق هذا عزايم عند اهل زوجي وماأقدر ماأروح مايعذرون احد
والله تصدقين بيتي لي يومين ماشتغلت فيه موقادره الا اليوم الحمدلله خلصت نضفته ورتبته احس له شهر ماتنضف من عيالي الله يصلحهم بخمس دقايق يقلبون البيت فوق تحت..

[Marawy]

المشاركة الأصلية كتبت بواسطة بنت تبوك

هلا ميشو كيفك انتي وكروشتك
انا والله هاليومين كنت تعبانه زكام وكحه شيييييييييينه تجرح الحلق وفوق هذا عزايم عند اهل زوجي وماأقدر ماأروح مايعذرون احد
والله تصدقين بيتي لي يومين ماشتغلت فيه موقادره الا اليوم الحمدلله خلصت نضفته ورتبته احس له شهر ماتنضف من عيالي الله يصلحهم بخمس دقايق يقلبون البيت فوق تحت..

ماتشوفين شر يالغاليه .. ربي يعينج والله .. غير هالثفل والتعب يجي تعب اعيالج ربي يحفظهم ..
مابقى شي ونولد وترتاحين من الثقل ان شاء الله ..

[Mishael]

يوو الله يعينك انا الحمدالله بس لي يومين احسها كبرانه ونازله شوي واحس اشتقت لبنتي خلاص مليت من شوي قعدة ابكي ابي اولد خلاص
ورجولي القدم والسيقان توجعني بعد ماتزحلقت عليها