تجمع الجزائريات الغاليات المتأخرات في الحمل ‏

[bara]

صباح الخير
حبيبتي انا جربة تست وللاسف طلع سسسسسسسسسسسسسسسسسسسسسسسسسسسسسسسسسسسسالب

[متفائلة16]

ان شاء الله الشهر الجاي بارا تفرحينا بخبر حملك

[bara]

المشاركة الأصلية كتبت بواسطة متفائلة16

ان شاء الله الشهر الجاي بارا تفرحينا بخبر حملك

ان شاء الله وانت تاني تبشرينا ونفرحو بيك

[bassouma]

بارا لكان حللتي دم كاين لي فالتحليل منزلي يطلع سلب و تكون حامل
مدام دورة مانزلتش فيه أمل ربي يفرحك حنونتي

[bara]

السلام عليكم
والو بسومة مدرتش تحليل دم زوجي قالي والو راني نروح لطبيبة ونشوف واش تقولي

[أم نهى الجزائرية]

مساء الخير لبنات كامل واش حوالكم ؟؟؟؟؟؟؟؟؟؟؟؟؟؟؟؟؟؟؟

انا و الله راني ميتة بالعيا و حاسة روحي مضغوطة بزاف راح الحال و مازال ما كملتش حوايجي راني مقلقة ربي يجيب الخير برك


ادعيولي ربي ييسرلي و يسهل اموري و يعطيونا الفيزا غدوة

اليوم رحنا درنا الفاكسان تاع العمرة و بقاتلنا وحدة نديروها نهار الاحد ولا الاثنين قبل ما نروحو اذا سهل ربي نهار الثلاثاء

[bara]

مساء الانوار
ام نهى واش اخبارك
متتقلقيش راه ربي يسهل ويسسر امورك
راكي توجدي وحدك ولا كانش من يعاون فيك

[أم نهى الجزائرية]

لالا راني وحدي راني حاصلة مع الميناج و مازالي قش بزاف باه نغسلو و زيد الدار لتحت لازمني نغسل لحيوط و نسيق الدار كاملة و فراشاتها ما نعرف يكفيني الوقت نخدم القاطو ولا لالا و زيد بالاك نهار لخميس نروحو لغرداية سونطر و نزيد نهبط لدارنا و خاصينا حوايج نشريوهم واااااااااااع بزاف ههههههههه نسيت حابين نصبغو بيت لقعاد تاع النساء و خالوطا كبيرة كل شي قعد لاخر دقيقة


ربي يعينا برك

[bara]

ربي يكون في عونك
ولله كون جيتي حذايا ولله نهنيك ربي يسهلك
قولي لخوتات ولاخوتات زوجك نصيحتي متروحيش تعبانة

[أم نهى الجزائرية]

ربي يخليك يا لعزيزة مي واش راح ندير انا خواتاتي مزوجات كامل بعاد علي و خواتات زوجي وحدة راهي بالحمل و لخرى ما نطمعش فيها

ديجا انا دايما لازم كل شي نديرو وحدي ولا حتى حاجة ما تتحرك من بلاصتها

تخيلي في عرس سلفتي و الله نهار الكورتاج صبحت ندير في مناج تاع الكوزينة هبطتها كامل الغاشي راح عند الحفافاة وخلاو دنيا مخلطة جاو حارو لقاوها تبرق

و غدوة من العرس في الصباح حطيت كل شي غسلتو الفراشات الحصاير الطابيات كل شي جبل تاع القش زيد 10 كوفيرطات كملت القايلة و لعشية زدت غسلت لحيوط و درت المناج تاع الدار كامل مع الليل كنت مخلصة شغل تاعي كامل وحدي كي شغل ماكاش عندنا العرس خلاص

و الله ناس بقاو حايرين