تجمع الجزائريات الغاليات المتأخرات في الحمل ‏

[bara]

يعطيك الصحةو ربي يعونك

[أم نهى الجزائرية]

يسلمك حنونة بالصح و الله ديما نكثر على روحي صح نخلص كل شي في وقت قصير مي نطيح كاو من العيا الله غالبما كاش شكون يعاوني

ربي يكون في العون و خلاص

[bara]

انت مع دار الشيخ معندكش سلفات ولا غير وحدك
انا اخت زوجي راحت للعمرة ولله جاته على غفلة وقعدتلها في الدار و درنالها مينج واختها درتلها قاطووحتى المصاريف نتاع الوليمة قع جابوهم خاوتها ولله جات لقات كل واجد ولله معاونا زينة ربي يسهلك
راه كل شيء يفوت اشوفت هذيك لبلاصة متتنساش ومتنسيناش بدعاء

[أم نهى الجزائرية]

يعطيك الصحة و الله انا مادابيا مي احنا كون حتى تقوليهالهم فرونشمون واحد ما يجيبها فيك يا لطيف

صح هي كس تتفكري هاديك لبلاصة تنساي مي انا راجلي من النوع الي يخلي كل شي يتراكم عليه لاخر لحظة مظاهي بزاف ديما هكا كي يجي رايح لخدمتو في العراق حتى يولي يلهث من العيا و انا هاد الطريقة ما نحبهاش نحب ندير كل شي بكري و نرتاح من بعد

وعلى الدعاء كوني متهينة باذن الله ندعيلكم كامل ما ننسى حتى وحدة يا رب برك يعطيونا الفيزا و ما يعطلوناش

[أم نهى الجزائرية]

اهلين بشبوشة هههههههههههههه واش حوالك بصحتك الحوسات هههههههههههههههههههه و القاطو

بارا انا ساكنة مع عجوزتي برك سلفاتي مزوجات

[bara]

ام نهى واش عولتي ديري قاطو
بيشا واش اخبارك

[bicha24]

المشاركة الأصلية كتبت بواسطة bara

ام نهى واش عولتي ديري قاطو
بيشا واش اخبارك

اهلين بارا و الله نقولوا الحمد لله راني نستنى في لالا مسعودتي تهبط وقولقانا قالبتها ع تحواس و طرق الحمد لله ع كل حال ان شاء الله ام نهى يسهليها ربي وتروح للبلاصة لعزيزة وتكثرلنا منا الدعاء في ظهر الغيب كشما يسهل علينا ربي ومبقيتش نشوفها

[bara]

تصبحو بخييييير في امان الله

[bara]

حبيبتي بيشا ان شاء الله متفيهاش حتى لنفاس

[bicha24]

المشاركة الأصلية كتبت بواسطة bara

حبيبتي بيشا ان شاء الله متفيهاش حتى لنفاس

ان شاء الله براء من فمك لربي مالقري شوربت دوفاستون حبة في اليوم وعندي 5 ايام ملي كملت وماهبطتش و لوجاع تاعها عقابي كون نزلت وهنتني من لوجاعات و القلقة