تجمع الجزائريات الغاليات المتأخرات في الحمل ‏

[bara]

السلام عليكم

[أمة الرحمان السلفية]

[أمة الرحمان السلفية]

لبنات جربو هذ البطاطا درتها للعشا روعة عجبتني بزاف

[أمة الرحمان السلفية]

المكونات :

3- حبات بطاطا كبار مقطعة مكعبات متوسطة الحجم
1- حبة بصل متوسطة مقطعة شرائح
4 - فصوص ثوم كبار مقطعة شرائح
3- ملاعق كبيرة زيت
1- ملعقة كبيرة زبدة
التوابل:
ملح
فلفل أسود
فلفل أحمر
كمون
ثوم بودرة
الأعشاب العطرية:
زعيترة
معدنوس مقطع رقيق
اكليل الجبل

الطريقة :

أولا : نقشر البطاطا ونقطعها مكعبات متوسطة الحجم ماشي صغيرة باش ماتتفتتش وماشي كبيرة بزاف باش طيب من داخل وجي بنينة وباهية في التقديم
نحط البطاطا المقطعة في ماء بارد ونغسلها رايحة تطلق النشاء نتاعها والماء يتعكر لذلك نصفيها من هذاك الماء ونبدلو بواحد آخر صافي وبارد ونخليها على الأقل نصف ساعة هكذا من بعد كي نحطها في المقلاة ماتلصقش في المقلاة وماتلصقش في بعضاها

إضغط هنا لرؤية الصورة بحجمها الطبيعي.

ثانيا : في الوقت اللي تترقد فيه البطاطا وجدو باقي المكونات : قشرو الثوم وقطعوه ونقيو المعدنوس وقطعوه و قشرو البصل وقطعوه شرائح
سيدتي إذا عندك حاجة في خاطرك أبكي بردي قلبك واللي يسقسيك قوليلو راهو البصل


ثالثا : قطري البطاطا من الماء مليح لازم تكون ناشفة تماما من الماء باش ماتلصقش ,
أنا حطيتها في هذي اللي نشفو فيها السلطة أكيد كامل عندكم كيفها
إضغط هنا لرؤية الصورة بحجمها الطبيعي.

واللي ماعندهاش هذيك ممكن تنشف البطاطا بمنديل نظيف
إضغط هنا لرؤية الصورة بحجمها الطبيعي.


رابعا: نحط مقلاة كبيرة وواسعة تسخن على نار قااااااوية ( أنا حطيتها على الكانون الكبير وقويت للنار على الآخر )
سخنو المقلاة بصح ماشي حتان تولي دير في الدخان
كي تسخن نحط الزيت والزبدة يسخنو مليح بصح ماشي حتان يتحرقو ويديرو الدخان لالا يسخنو مليح باش البطاطا كي نرميها ماتلصقش
إضغط هنا لرؤية الصورة بحجمها الطبيعي.

خامسا : نرمي شوية ملح حوالي نص مغرفة صغيرة و نرمي البطاطا في المقلاة وما لازمش نكثر بزاف بطاطا بحيث تكون متراكمة فوق بعضاها ثلاث حبات كبار مرة وحدة يكفي باش طيب مليح وتتحمر كامل مليح لانو كمية الزيت قليلة وعلى هذي قلتلكم مقلاة كبيرة وواسعة ومن الاحسن تكون ثقيلة المقلاة باش البطاطا طيب مليح وماتتحرقش

إضغط هنا لرؤية الصورة بحجمها الطبيعي.

لاحظو النار راهي قااااااااوية ماتنقصوش للنار

في الخمس الدقائق الأولى مانحركش البطاطا غير نحرك من ذراع المقلاة باش ماتلصقش البطاطا

سادسا : بعد خمس دقائق نضيف البصل لانو يتحرق بسرعة مانحطوش من الاول
إضغط هنا لرؤية الصورة بحجمها الطبيعي.

والآن نبدى نحرك كل شوية نحرك والنار قاوية هنا الهدف انو البطاطا تتحمر وتكتسب لون مايهمش طيب من داخل
هذه المرحلة تتطلب حوالي ربع ساعة

سابعا : كي تتحمر البطاطا نضيف الأعشاب العطرية كاملة والتوابل كاملة والثوم شرائح وننقص للنار خلااااااااااااااااااااص يعني أقل درجة ممكنة نار هااااااااادئة جدا ونحرك المكونات باش تتخلط مع بعض وتكتسب النكهات من بعض
في هذي المرحلة تكون البطاطا راهي قريب طيب ، هنا تكمل طيابها وترجع طرييية وبنينة مممممممممممم
نحرك بالشوية لانو البطاطا راهي الآن طرية بزاف ممممممممممممممم
هذه المرحلة تأخذ حوالي خمسة حتى عشر دقائق
نذوق الملح إذا ناقصة نزيد الملح حسب الذوق

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

ثامنا : تقدم مباشرة مع دجاج ، سمك ، سلطة ......................... الخ راهي بنة عظيمة وحتى اللي مايحبش الأعشاب العطرية هذو تعجبو

[أمة الرحمان السلفية]

صدقوني رووووووووعة هذي البطاطا وتغيير عن المألوف وخاصة رانا على أبواب الصيف والوجبات الخفيفة مطلوبة بزاف في السخانة ,

من فضلكم طبقو الوصفة بكل حذافيرها وماتخافوش راهم الأعشاب العطرية في هذي الوصفة ملاح عائلتي ما تحبش التوابل والأعشاب العطرية وعجبتهم بزاف والله العظيم حطيتهالهم مع جاج محمر خلصو البطاطا وبقالي الجاج

إضغط هنا لرؤية الصورة بحجمها الطبيعي.

عن قرب شوفو البنة والطراوة تذوب في الفم ممممممممممممممممممممم
إضغط هنا لرؤية الصورة بحجمها الطبيعي.

[أمة الرحمان السلفية]

هنا قدمتها مع دجاج بصح ماكانش عندي البصل مالقيتش والزعيترة لقيتها تعفنت في الخزانة عليها راهي فرطاسة خخخخخخخ قدمتها مع دجاج محمر مممممممممممممممممممممم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[AMAL JADID]

تبان بنيييييييييييييينة ههههههههههه منبعد نجربها

ربي يبارك فيك

اهلا بارا واش راكي.؟؟؟

[ASMA layal]

مساء الخير بنات توحشتكم كامل

[أمة الرحمان السلفية]

المشاركة الأصلية كتبت بواسطة amal jadid

تبان بنيييييييييييييينة ههههههههههه منبعد نجربها

ربي يبارك فيك

اهلا بارا واش راكي.؟؟؟

اهلا وسهلا امال واش كاشمة مزال منبعد ريحة تسحريها بنينة روعة انا اليوم درتها وعجبتني

[أمة الرحمان السلفية]

لبنات هني حطيت عصير هذا من قبل ونزيد نحطو اليوم من قوة ماعجبني بزاف راني تقريبا يوميا نديرو ولي ماجربتوش راحت عليها صدقوني غير روعة