دردشة بنات فلسطين, دردشة حوامل فلسطين, تجمع بنات فلسطين

[جارة القمر]

يسعد مساكم جمعا وهلا وغلا بالاخوات لجداد اسراء وسندس.................

سهى ربي يصبر قلبك ويقوم انت وجنى بالسلامة يااااااااااااارب

احساس مبروكين الملابس

حواء يسعد مساكي

عسولة خير ان شالله ليش كنت بالمستشفى





عيون المها يسعد مساكي............والله ابني يزون قبل ما احمل كان كتير يحكي انا وين اختي

وكل ما يشتري شي بيخبيه لاخته كان بسميها دانه لحملت وقبل ما اعرف النوع كان بيضل يقلي متى اختي دانه بدها تيجي

بعد ما عرفت النوع ما تقبل انه ولد بدو ياها بنت بس هلا بضل يبوس بطني ههههههههههه ويسألني
شو حكى اخوي لاني بوسته ههههههههههه

والله بيستنى فيه باليوم ............بس ان شالله ما يتغير ويغار منه .............

[سندس سامي]

شكرا كثير الكم
بس انا بروح عالجامعة لاني بقدم امتحانات آخر فصل خريجة ومضطرة
وكمان رحت على دكتورتين قبل هيك
كتبولي علاجات منها الفوليك وفيتامين وبارافومين ( للوحام )
وما قالوا لي اني محتاجة لمثبت
إن شاء الله خير

[عيـ‘ـون المهـ‘ـا]

ســـــSuhaــــهى
كلنا عم ندعيلك و دائما الخيره فيما اختاره الله --- ان شاء الله الاسابيع
تمر بسرعه بس انتي ما شاء الله اعتقد بالاسبوع ال31 اذا مو غلطانه
يعني اخر السابع ربي يتمم الك يعني لو خلصتي الاسبوع ال35 ما في خوف
ان شاء الله على جنى
بالنسبه لوزن جنى لو تكتب الك الدكتوره على حليب خاص ما بعرف
اذا بتسمعي فيه مدعم بالفيتامينات كتير ممتاز للجنين
و اذا سمعانه بالحلبه اشربي حلبه+حليب بتزيد وزن الجنين
و الحلبه ممتازه للسكري و بنفس الوقت بتزيد الحجم بس ما تكتري
منها

ليله هاديه و سعيده الك و لكل العيله

[عيـ‘ـون المهـ‘ـا]

عســـولة فلســــطين
يسعد صباحـك و مساكٍ حبيبتي الك و للاميرات..مشكوره على تحيتك
هههههه عقلك ضارب ليه ..؟؟ لسى كمان شوي من التقل و التعب منيح
ما يصيبنا زهايمر حمل ههههه و ازواجنا يطفشوا
و بعدين في الاسابيع المتقدمه مع البطن اللي راح يوصل للركب من التوينز
ما شاء الله بسيروا ازواجنا يئولو يارب سهل و بستعجلوا بالولاده قبلنا
هههههه ,,, بحس الايام ما عم تمشي بدي الايام تمر بسرعه
بتعرفي اني ما بعرف انام عندي الولد على جهة اليمين فوق و البنت على جهة اليسار تحت اذا نمت على الجنب الايمن بسير بتحرك و يرفس و اذا نمت على الشمال
بتسير الحلوه تتحرك شو اعمل و صعب و ما فيني انام على الضهر

انتي كيف نومك هلآ على الشهر السادس هاديين و ألا مشاغبين بالليل
ايه صحيح خلصتي امتحانات ما حكتيلنا

[سهى2012]

المشاركة الأصلية كتبت بواسطة عيـ‘ـون المهـ‘ـا

ســـــsuhaــــهى
كلنا عم ندعيلك و دائما الخيره فيما اختاره الله --- ان شاء الله الاسابيع
تمر بسرعه بس انتي ما شاء الله اعتقد بالاسبوع ال31 اذا مو غلطانه
يعني اخر السابع ربي يتمم الك يعني لو خلصتي الاسبوع ال35 ما في خوف
ان شاء الله على جنى
بالنسبه لوزن جنى لو تكتب الك الدكتوره على حليب خاص ما بعرف
اذا بتسمعي فيه مدعم بالفيتامينات كتير ممتاز للجنين
و اذا سمعانه بالحلبه اشربي حلبه+حليب بتزيد وزن الجنين
و الحلبه ممتازه للسكري و بنفس الوقت بتزيد الحجم بس ما تكتري
منها

ليله هاديه و سعيده الك و لكل العيله

عيون المها

تسلمي حبيبتي والله باخد بنصائحك كلها وبعمل فيها واكيد فادتني بالفترة هي وان شاء الله جنة تيجي بسلامة وبتكون بخير وصحة وسلامة صرت خايفه افقدها باي لحظة صحيح ربنا رزقني بأولاد قبلها بس سبحان الله بعد عشر سنين وكانها لس أولا أولادي وخايفة كتير عليها والله قلق والخوف والمرض ذبحني بالفترة هي وكل يومين صرت بشوفها على جهاز تصوير عشان اتابع وزنها ونموها وكمان عشان مية سكري حواليها دعواتكي اختي الغالية لها ويارب انتي تكون بالف بالف بالف خير وتحضني صغارك بحنانك وعطفك ياغاليتي

[أم عزمي]

مساء الخير
أنا صارلي متزوجة سنة و 5 شهور
و حملت وولدت ولادة مبكرة بسبب اتساع عنق الرحم
و الله رزقني بولد بس ما لحقت أفرح فيه
ولدته و ما حضنته أخدوه على الحضانة و عاش 5 أيام و بعدين توفى
و الحمد لله أنا هلأ حامل بالشهر الثامن و أخدت غرزة بعنق الرحم و أتمنى الله يكملي على خير
ادعولي أخواتي المسلمات

[عيـ‘ـون المهـ‘ـا]

المشاركة الأصلية كتبت بواسطة أم عزمي

مساء الخير
أنا صارلي متزوجة سنة و 5 شهور
و حملت وولدت ولادة مبكرة بسبب اتساع عنق الرحم
و الله رزقني بولد بس ما لحقت أفرح فيه
ولدته و ما حضنته أخدوه على الحضانة و عاش 5 أيام و بعدين توفى
و الحمد لله أنا هلأ حامل بالشهر الثامن و أخدت غرزة بعنق الرحم و أتمنى الله يكملي على خير
ادعولي أخواتي المسلمات

يسعــــد مســـــاكي اختنــــا بالله ~~.~~ أم عــــزمي ~~..~~
ادعوا الله عز و جل ان يقر عينك و عين زوجك بحملك ,, و أسأل الله العظيم رب العرش العظيم
ان يجعله او يجعلها من عباده الصالحين ,, و تفرحي برؤية جنينك سليم معافي بين احضانك
الحمد لله انك هلا في الشهر التامن و تعتبري تعديتي مرحلة الخطر ,, فلا تقلقي ,,
ان شاء الله ربي يبلغك شهرك التاسع ,,
و عندي الك سؤال :::: ولادنك المبكره الاولى في اي شهر كانت و اي اسبوع ؟؟؟
و كم كان وزن الجنين ؟؟
تحيــــــــــــــاتي الك

[أم عزمي]

مرحبا وينكم صبايا فلسطين؟
ما في حدا يرد؟
أنا حابة أتعرف و أدردش مع الحوامل اللي متلي

[أم عزمي]

أهلا فيكي أختي بالله
ولادتي الأولى كانت بآخر يومين بالشهر السابع على حساب العيادة
بس لما رحت المستشفى قالولي انتي بالأسبوع ال 31 يعني بأول أسبوع بالشهر التامن
و لما ولدت ابني ما فتح عينيه ولا صرخ عشان هيك عاش على التنفس الصناعي و لأنه مولود بالشهر التامن توفى
أما مواليد الشهر السابع بيعيشوا و كل شي بأمر الله بيصير و الحمد لله و لما ولدت كان وزن ابني 2 كيلو
وأنا هلأ ما عديت بالشهر التامن يعني كمان 5 أيام بأعدي بالشهر التامن باذن الله
و أنا كتير مطمئنة لأني أخدت الغرزة و كمان أخدت ابرتين لاكتمال الجنين
و الله يتمملي على خير

[عيـ‘ـون المهـ‘ـا]

ان شاء الله يكون شفيع لكم يوم القيامه ,, عسى ان تكرهوا
شيئا و هو خير لكم ,, و ان شاء الله ربي ببارك الك في حملك هاد ,, رغم انو الجنين كان وزنه كتير منيح و مولود على الاسبوع ال31,,بس ارادة الله ,, لانو في مواليد ولدت على الاسبوع ال28 و 29 و كتب الله الها الحياه ,, الخير كله ان شاء الله
في حملك هاد ,, و برحب فيكي مره تانيه معنا في هاد التجمع و ربي يتمم الي و الك و لكل الصبايا الموجودين معنا

بتمنالك ليله سعيده