تجمع حوامل ليبيا

[ميمونة]

هههههههههههه بالذات تموره يوم بيوم مدايره مغطسه اشبح في شنو لاهيه

[يقين]

تي وين يا ريت نلقاه بنموت عليه وفايح يهبل مش زي السمك العادي

[ميمونة]

زعمه مرات هكي ندير نطيبها عالسريع

شن اللبس عندكم رخيص والا شنو احكيلي تعرفي هنا راكبه فيه النار والله مانحكيلك وناقصه البضاعه هلبه

[ميمونة]

موقــــــــــف وتعليـــــــــــــق

كان ياما كان..كان فيه مراة حساسة ديما تقول لراجلها اني مانتحملش تكشخ عليا ولا تهيني قدام حد..رد بالك تديرها..

مشي مرة من المرات كانت المراة هادي في حوش امالي راجلها..وقرر الراجل على حين غرة انه يختبرها ويشوف هل حق ماتحتملش ولا لا!!

وهما مقعمزين بحدا الاهل والاقارب..قاللها: صبيلي امية يا حمارة ( حاشاكم)
وماكان من المراة الا انها خدت مالقي المية وبزعاته على راسه وقالتله ( خوذ يا حمار) ( حاشاكم برضو)

وروحت لاهلها حرجانة فترة..وبعدها راجلها رجعها زيه زي الراجل الطيب..ومنها لحد يومنا هذا الراجل معاش كرر غلطته واحترمها خصوصا لما يكون معاهم اشخاص آخرين..وتوتة توتة خلصت الحدوتة..

وهذا الموقف ونبو التعليق منكم


يلا يقين انت هنا ردي يافالحه

[يقين]

ايه شكله راجلها اجازه يدهوروا وخلاص ربي يهنيها والعقبه ليك
تهرفي قبل النتفائله ولا ام نوزه يخشوا في الصبح شي ما هناك حد اليوم

[ميمونة]

مره مره يبي قرصه الراجل بس مش هكي انتم شن رايكم لكن كان مايفهمش يستاهل ههههههههههههه

[يقين]

هههههههههههههه احسن ما دارتله المفروض بعد ما بزعت عليه الميه كفخاته بالمالقي باش استاقض علي روحه ما صح وجهه يا حماره مره وحده غيره راهو قاللها يا حشره اهون علي الاقل ههههههههه

[ميمونة]

شكلك تتوحمي يافالحه هههههههههههه مسرعا عالحوت

وينهم المدامات رقدين لسه زعمه ههههههههههه

[ميمونة]

ههههه باش تشبحي باهي شوفي هذه وقولي رايك

بعض الشباب يكون لا مخلي لا سكير ولا نكير ولا بنات ولا نهار احرف مغبر على راسه..ولما يجي بيخطب يقول نبي بنت حلال!! وزيادة يتشرط علي اماليه لما يدوروله..( نبيها عاقلة وعمرها ماصاحبت) ( ياريت ماتقراش في الجامعة) ( ياريت ماعندهاش موبايل) ( مانبيش واحدة عندها جو الطلوع مع صاحباتها) تو بالله عليك بنت الحلال علاش بتاخد واحد هكي!! ربي قال الزاني ياخد زانية..لهذا مفروض يوفر على روحه ويمشي يدور نوعيته ويعرف وين يلقاهم..الا لو تاب وندم على فعايله السود..بعدها يحلم ببنت الحلال..وانا الولي هذا اللي صارلي مادامه مش قد المسؤليه يمشي يشوف زيه مايجيش لبنت العيله المقومه
وبعض البنات..تبدا من صاحب لصاحب..وتكلم بالعشرة اولاد في نفس الوقت..ورقم تلفونها منتشر في الدنيا كلها..وهذا تطلع معاه..وهذا تتلاقي معاه..وماخفي كان اعظم..وتحلم بانها تتزوج واحد دين واخلاق وعينه مش زايغة!!بالله عليك اللي هكي شن مداير في حياته باش ياخذ واحدة سوابق زيك!! .اتقي الله في روحك وفي اماليك وبعدين احلمي بقوة السعد..صح الكلام والا لا --هذا اللي ماشي توا موضه صارت

[يقين]

صحه الوجه اني ما نحبش الراجل اللي يهين مراته قدام اماليه والله مرات نكون زعلانه من راجلي وهوا زعلان مني وقدام اماليه نهدرزوا معاهم ونبصروا عادي جدا لما نولوا لحوشنا نقطع معاه الكنكت