دردشة بنات مصر , دردشة حوامل مصر , تجمع بنات مصر

[بنوته عسل]

الله يبارك فيكى يا حبيبتى شيمو وحشانى والله ازيك وانوس العسول عامل ايه ؟ كل سنه وهو طيب بسم الله ما شاء الله بقى عنده سنه وشهر العمر كله يارب ما تخاوى انوس يا شيمو ربنا يرزقك اخ او اخت ليه يا حبيبتى ايون طبعا فاكره والله كانه امبارح سبحان الله هههههههههه طول عمرك بتموتى فى قلة الادب والسفاله حرمى بقى يابت ههههههههههه اطمنى العريس مسافر بقاله 3 اسابيع عنده شغل ومفيش قلة ادب ارتاحى بقى هههههههههههه قال وحشنى الرغى قال خلوا الفيس بوك ينفعكوا ما انتوا متلقحين هناك

[ام البنوتة]

الف مبروووك يا امولة انا كنت والله من يومين فبالي وبقول هي ليه مش بتجي معانا ليه الفيس بوك وكنت فاكراكي بطلتي تدخلي المنتدى انا على فكرة بدخل يوميا بس مش بدخل الدردشة هنا لانها بقت مهجورة وكنت هبعتلك رسالة عالخاص اسأل عليكي قمت امبارح لاقيت شيماء حاطة بوست فالفيس بتقولنا انك اتجوزتي وحامل فرحتلك خالص وقلت لازم اباركلك
ربنا يتتم حملك على خير ان شاء الله

[لارين يكن]

والله يااموله انا لسه مش جهزت الشنطه لحد دلوقتي لسه اما ادخل التاسع ان شاء الله وحتي مش عارفه هحط فيها ايه البنات قالولي وانا نسيت هههههههههههههه وكمان الشنطه اللي عندي صغيره ومش عارفه هتكفي ولا احط فاي شنطه سفر ولا ايه ههههههههههه ربنا يستر بقي

[بنوته عسل]

ازيك يا نانو ومانو عامله ايه ؟
الله يبارك فيكى يا حبيبتى وعقبال ما تخاوى مانو يارب باخ او اخت ان شاء الله
انا كمان بدخل المنتدى كل يوم شفتى بقى الدردشه اتهجرت ازاى كله بسبب الفيس ده

[بنوته عسل]

هههههههههههههههههه والله انتى عسوله يا سامو ضحكت ع البنات قالولى وانا نسيت وكمان شنطة السفر دى ههههههههههههه اكتبى بالورقه والقلم علشان مش تنسى وربنا معاكى يا حبيبتى

[ام البنوتة]

احنا كويسين يا امولة وعقبال ما يجي البيبي العسل ويجننك زي منوش ما مجنناني ههههههههههه

[بنوته عسل]

يارب دايما مجنناكى يوووووووووه قصدى كويسين هههههههههههههه ع فكره انا بموت فى جنان وشقاوة الاطفال وعندى طولة بال عليهم بس مش عارفه الكلام ده هيتغير بعد الولاده ولا ايه ؟؟ وكمان عايزه اعرف انهى تربيته اصعب فيهم ؟؟

[ام البنوتة]

انا كان عندي طول بال فظيع مع بنات اختي وكنت اقولها حرام عليكي استحمليهم
تقولي بكرة تجربي وفعلا لما بقى 24 ساعة شقاوة الواحد بيتخنق
بس اكيد الصبيان تربيتهم اصعب بكتير لانهم اشقى طبعا

[بنوته عسل]

ربنا يخليهم ليها ويخلى مانو ليكى وتفرحوا بيهم يارب
غريبه بس انا دايما بسمع ان تربية البنات اصعب فى كل حاجه مش الشقاوه بس انا كمان زيك بقول الولاد اصعب بكتير طبعا

[ام البنوتة]

انا صراحة مجربتش تربية الصبيان لان انا واختي كنا مالناش اخوات صبيان وكمان خلفنا بنات بس اخوات جوزي عندهم صبيان وبنات لكن بيقولوا الصبيان اصعب وفعلا شقاوة وصريخ وعند شديد هي البنات عنيدة برضه لكن مش زي الصبيان دول عايزين كسر نافوخهم هههههههههه