تجمع حوامل ليبيا

[ام لقمان]

السلام عليكم ورحمة الله وبركاته
تحياتى اخواتى انا ام لقمان من زليتن ليبيا
ولن تصدقوا فرحتى بهذا التجمع
المهم انا موعدى 10- 6-2010 ربى يسهل على الجميع ويرزقهم الابناء الصالحين

[ميرنا]

ياهلا والله وحياكى الله وانستينا يا ام لقمان ونور التجمع بعرب زليتن
ها يا زليتنية انتى بكرية ولك كم سنة متزوجة وانشالله وجهك خير علينا لى حمل يتمم لها ربى على خير ولى ماهى حمل تحمل قولى آآآآآآآآآآآآآآآمين

[ميرنا]

المشاركة الأصلية كتبت بواسطة hatoo

اهلين بنات شنو كلكم راقدينننننننننننن

ولله ياهاتو كلهم فى سبع حلامة خميرة نووووووووووم وشدى حتى انتى معهم

شكل اعراض الحمل عندهم مافى شى يشتغل ألا هرمون النوم مرتفع امشايط ياستر الله بعد ما

يجيبن ما نلقو واحد يمسك العويل

[ميرنا]

المشاركة الأصلية كتبت بواسطة ام اسيل

ثانيا نبي نسالك الباردويل تاخذي في حبة ولا اثنين وحجم البويضة كيف تقيسي فيه عند الدكتورة؟ اصله ماعمري سمعت عليه

ام هيمو واسيل الدورة جاتنى اليوم تعرفى لو ما جات ركبتنى حالة نفسية باركيلى

اما بلنسبة لدواء ارتفع هرمون الحليب لبارلوديل تصرف فيه لى الدكتورة 2 حبتين فى اليوم قالت لى خوذيه الى ان تحملى وحتى فى مصر قالولى نفس الكلام

[COLOR="DarkOrange"]وحجم التبويض : عندم تاتى الدورة تحسبى من اول يوم الى ما تصلى 12 يوم من الدورة يعنى اتقولى انا لى 12 يوم جايتنى الدورة تذهبى الى الدكتورة وتقولى لها نبى نعرف هل عندى تبويض اكويس هذا الشهر علشن نبى نحمل الشهر هذا فاتقوم الدكتورة بتصويرك بجهاز السونار وتشوف كم عندك بويضة فى كل مبيض وكم حجم كل بويضة وفى بعض الدكاترة يصورك وهم سكتين يقول اكويس واخلاص بس انتى انتبيهى واسالى الدكتورة قولى لها كم حجم البويضة واين مبيض الذى فيه التبويض المبيض الايمن او المبيض الايسرى وامتى نبدا فى الجماع للتلقيح البويضة والوضع فى الجماع من الامام اوالخلف فى بعض النساء ماتحمل الا من الخلف ومنهم خيتك وتبويض اذا كان قالت لك 18 فما فوق معنها ممتاز واذا قالت اقل فمعنها ضعيف انشالله ان كون افادتك[/COLOR]

[ميرنا]

هاتو

مقاس حذاك 40 وطولك 175 (انشالله ولادتك طبيعية ) //////



لان صغر لاقدام من 35 واقل يدل على ضيق الحوض بدرجة لاتسمح بمرور الجنين وكذلك الطول لى اكثر من 180 واقل من 150// تزداد فى هذه الحالة العملية القيصرية

[ام اسيل]

خيتي ميرنا شكرا ليك تعبتك معايا انا الشهر الي فات كان هرمون الحليب 168 وخذيت حبة وحدة بدون استشارة دكتورة لان عندي خبرة من المرات الي قبل وانا من جيبتي الاولى بعد الفطام ما جتنيش الدورة وحللت لقيت الهرمون عالي ومنها ابتدأ مشوار الباردويل . بس ديما يعطو فيا حبة وحدة وتوا بعد عملية التنظيف الي كانت بتاريخ 8_2 جتني الدورة في 24_3والى الان مازالت ما جتني وامس واليوم عندي الام في بطني وغازات رهيبة لين الراجل طفش من الدار لكن الدورة مازال ما نزلت وانا طبعا ديما تتأخر مع اني يوم 21_4 من الهبال عديت درت تحليل حمل وطبعا طلع سالب مش عارفة شن ايصير ؟؟؟

[ام اسيل]

وعموما ميرنا ما تزعليش الي كاتبه ربي ايصير وانشالله الشهر الجاي نحملو مع بعضنا يارب

[hatoo]

ان شاء الله ياميرنا نولد طبيعي ,وانتي كيف حالك انتي بس الي تخشي باقي البنات راقدات ههههههههههه

[ام لقمان]

السلام عليكم ورحمة الله وبركاته اخواتى
كيف حالكم اليوم جميعا؟
مشكوره اختى ميرنا على الترحيب
اختى ام اسيل انصحك بالمتابعه مع الدكتور فواز الخطيب فى موقعه نوافذ طبيه
ولقد استفدت منه انا شخصيا
اما عنى يااختى ميرنا فانا متزوجه منذ ثلاثة عشر سنه
وهذا هو حملى الثالث ادعولى ان يتممه المولى بخير
وطبعا مش فلاحه منا ان يكون لدينا طفلين فقط ولكن لوجود مشاكل صحيه عندى وعند زوجى والا قليل من يشد الفرينوات هكى
المهم ادعولى بالخلف الصالح السليم فانا اعانى من السكرى منذ عامين
وانشالله يااخت ميرنا عن قريب تلحقى بركب الناعسات ونضحكوا عليك

[ميرنا]

المشاركة الأصلية كتبت بواسطة hatoo

ان شاء الله ياميرنا نولد طبيعي ,وانتي كيف حالك انتي بس الي تخشي باقي البنات راقدات ههههههههههه

يا خوفى يهلبهن موعد الولادة وهن مراقدات وخاصتنا ماسر وصابرة شخيرهن نسمعو فيه لعند هنا