ديوانية البحرين - دردشة حوامل البحرين - البحرينيات

[طه و ياسين]

السلام عيكن بنات .. شخباركن... الله يتمم حملنا على خير يارب... اللي تسأل عن المراجعة ف المركز ... صح أول لازم تنقلين ملفش للمنطقة اللي انتين ساكنة فيها مع زوجش... و بعدين اذا رحتين اول مراجعة بتطلب منش بطاقة فحص قبل الزواج ضروري تاخذينها وياش.. و بتعطيش موعد بعد ثلاث أشهر على ما اذكر.. بعدين بتصير مواعيدش كل شهر لما توصلينالشهر الثامن بصير كل أسبوعين و ف الشهر التاسع كل أسبوع..أني أراجع ف المركز و الخاص... الخاص عند دكتورة كيران ف مستشفى رويال تسوي لش سونار ف كل زيارة و تكلفش 20 بس اذا لا قدر الله تشكين من شي و تاخذين علاجج اخذت مني 30

عندكم فهيمة المطوع و زينب الجفيري و منى الشروقي يمدحونهن بعد بس فوزية كمال شخصيا ما انصح بها لأنها بس تسوي أشعة يعني ما تقدرين تستفسرين امور الحمل وياها

و اي سؤال اني جاهزة لكن باللي اقدر عليه

[sweeti love]

الله يتمم علينه انشاء الله
باجر باروح المركز الصحي اخلص اموري وعقب كل 3 اسابيع باراجع الخاص احسن واطمن
احس روحي تعبانه هل الايام الم في ظهري وبطني مقطعني خصوصا فليل مو عارفه شنو اسوي في روحي والله

[فاطِم]

شكرا على المعلومات ذكرتوني بامي قبل 11 سنة كانت رايحه لفوزية كمال ههه
افكر اروح لها انا ادور الارخص والاحسن
ياريت تقولون كل دكتورة وين مكانها
ووزين قلتو عن المركز بكرة عجل بروح اكمل
باقي امتحان واحد

[طه و ياسين]

الكل يقول ألم البطن و الظهر طبيعي فترة الحمل بس أهم الشي الراحة

الدكتورة منى الشروقي في سند صوب رويان ..الدكتورة زينب الجفيري ابن النفيس على مااظن الحين هناك هي... الدكتورة فهيمة المطوع قريب لعيادة سميرة المتروك لليزر ع نفس الشارع... بالنسبة للمراجعة ف المركز و الخاص كلش مريح ترى و اوفر من ناحية الفحوصات ترى بتكلفش ف الخاص .. لأن الدكتورة بتسألش ف الخاص عن الاتش بي للدم و السكر فتكونين مسوتنهم ف المركز اما الخاص بتدفعين

[sweeti love]

انا اليوم رفيجتي انصحتني اروح حق منى الشروقي بس مو الحين باروح له انشاء الله ادا خلصت 3 اسابيع
وصج الخاص يبيله ميزانيه وايد وباجر من الصبح باروح المركز علشان الملف وايد احاتي وهامله روحي وايد

[امل الوجود]

فاطم حبيبتي انا بصراحة اتابع عن دكتورين .. الاول احمد بركات لان حملي عن طريق الانابيب وهومتابع حملي .. بس على التحاليل هم ما يسوونها فقالو روحي المركز رحت المركز لوعو جبدي وما ناخذ حالتج وروح وتعال ومعاملتهم زفت .. فزوجي قال نروح نسوي التحاليل بالخاص .. ومرة وحده للودلاة لان دكتورة ما يولد الا قيصرية بس وبمستشفى الكندي وما ادري وين بعد .. وطبعا سعر المسشتفى غير وسعر الدكتور غير ... فسالنا والحين اتابع عند دكتورة كيران في مستشفى رويان ..


ومرتاحه من الاثنين .. وكل شهر عندي مراجعة عند احمد وعند كيران ..


سويت لاف .. لي هاملة روحج .. المفروض اتابعين على طول .. عشان تطمنين

[فاطِم]

للأسف زوجي صادته انفلونزا واخاف الحين يعديني انا بسرعه امرض
شسووي ؟ ما نمت وياه امس قلت له ما ابي امرض ههه بس يقطط لي كلينكس في كل مكان
خليت له كوب وقلاص وصحن وملعقه بروحه يستخدم واخلي له اكياس بكل مكان عشان ما يرمي ع الاشياء الجراثيم
وحطيت لي ديتول وماء في انبوبة رش وارش منه على كل المكان عسى يفيد
لا تلوموني تخصصي عقدني

ما قدرت اليوم اروح افتح الملف لان ما اسوق
ادعوا له بالسلامه وما انعدي والله يتمم علينا ونجوف اول فرحه لنا

[sweeti love]

المشاركة الأصلية كتبت بواسطة فاطِم

للأسف زوجي صادته انفلونزا واخاف الحين يعديني انا بسرعه امرض
شسووي ؟ ما نمت وياه امس قلت له ما ابي امرض ههه بس يقطط لي كلينكس في كل مكان
خليت له كوب وقلاص وصحن وملعقه بروحه يستخدم واخلي له اكياس بكل مكان عشان ما يرمي ع الاشياء الجراثيم
وحطيت لي ديتول وماء في انبوبة رش وارش منه على كل المكان عسى يفيد
لا تلوموني تخصصي عقدني

ما قدرت اليوم اروح افتح الملف لان ما اسوق
ادعوا له بالسلامه وما انعدي والله يتمم علينا ونجوف اول فرحه لنا

ماجوف شر اختي ترى حاسبي لاتعادين منه انا اول اسبوع عرفت فيه حامل صادتني اصخونه كرهتني حياتي كل ما اروح مكان ما يعطوني اله بندول تميت 5 ايام على العصير ليمون ونعناع وبرتقال ترى المرض حق الحامل كلش غرباله انا اليوم الحمدالله رحت المركز وافتكيت وفتحت فايل وعطوني موعد في شهر 5 الله يتمم علينه

[Um Fa6oom]

سلام عليكم
انه عضوة جديدة وياكم
ومأعرف اسوي لي توقيع الحمل
من يساعدني

[فاطِم]

وانا بعد حاولت اسوي وما رضى يصير
انا ودي من Baby Ticker - The Baby Countdown Pregnancy Ticker
آخر دورة لي 21-2-2012