تجمع سيدات وبنات المغرب..

[huyam]

Salam lbnat ana yallah jit kolchi fat Mlih w lbébé mezyan had sa3a wrésultat hta le 4aout 3ad n3rafha wakha tkhroj 9bel tbib ykoun vacance
Nmchi nrta7 3yit w m'en ba3d ndkhol n7kilkom

[om-maram]

السلام عليكم اخواتاتي كصبحتو كداز ليكم نهاركم لول اختكم حتى اليوم عاد صباحت صايمة الله اتقبل مني ومنكم ومن جميع المسلميين انا اليوم فقت الحمد لله صليت و شديت القران الكريم قريت صورة اليقرة كملتها وبديت ف ال عمران ولكن وقفت حيت اميرة دارت لي بحال انوووسسسس كتجي تبوسني و كتشدل لي فالقران ان شاء الله حتى العشية ونكمل انا عجبابني سسيستيم اللي قال اسوم يعني ف سبعة ايم نتختموه ان ربي اتقبل منا و يغفر لنا اسومة حبيبة الله اسمعك خبار الخير ان شاء وراك ديما فبالي وكندعي معاك شوشو حبوبة كصبحتي قلي دارها بيك اليوم انوستي يا حلليييلييي هههههههههههه مي بصحة تحميمة وخرجة لانوسي الله احفضه ليك اختي والله اجبلك ايمن على خير يا رب سوسو فغ قولي حتى نتينا دارها بيك ادومة وفيقك ع نبوري و غير سلك اختي معاه الله اخليه ليك ان شاء و تقاد ليك لالة مولاتي باش تحملي ان شاء الله بشي بنوتة تخاوي خاها ضحى ضححححححىىىىىى نقولو مبروووووك ولا باقي الله اجيب لي فيها خير احبيبة زوزوو فيينك كصبحتييييي كوتررر يا حليلي قولي شهوددددةةة ولالت كتضحك الله احفضها ليك ان شاء وتفرحي بيها طول حياتك خديجة ختيتو كجاك رمضان ف غربة مها حمالة اش خبار مروتي بارح غسلت زلافات هههههههه فااااتتي فلور كصبحتي كصبحات كريشةةةة لولاا فينك اش خبارك وخبار جنتي و كريشةةةة نتمتى تكوني مزيانة ان شاء الله سهااااااممم توحشناااك ان شاء تكوني مزيانة و سلمى و جاد حتى هو اكون كبر شوية و لبناااتتتتتت قولولي مبروووووووككككككككككك راه تلشاغجيت العربية هههههههههههههههههههه

[zouzou 012034]

salam haboubati kifsbahto ntouma wa wlidatkoum wa lakrichat labas 3likoum asouma ahbiba lah isam3ak khbar lkhir chouchou lah ichafik ahbiba wai3afik dounya kifsbahti nti oamira laila khadija kawtar siham douha fati flor ntmana tkouno labas 3likoum

[zouzou 012034]

haboubati 3afakoum bghit nsawalkoum 3la hsab tal9ih ana gali docteur hata twaldi 3ad ghada dirih ana sma3at chhal man wahda kadiro filahmoliya

[ام مروة]

واحد السلام عليكم ،اش خباركم يا بنات وخبار الكتاكيت الغزالين المشاغبين ديالنا وخبار البيبيهات فالكريشة انشاء الله تكونو بخير
انا الحمد الله لباس عليا اسول فيكم الخير ومروتي والمشاغبة فالكريشة حتى هي فينما تضربني الفيقة ملي نكون ناعسة تفيق حتى هي تبدا جيمناستيك ديالها الحمد الله والبارح داز مزيان سبحان القدرة الالهية حسيت بالجوع شوية وخا ماتعشيت ومتسحرتشولكن النهار الحمد اللله داز مزيان
دندن مبروك العربية فالجهاز ،اش خبارك برا الراس شوية والضهر اشنو كالوليك ملي دوزتي عليه ، وكيدايرة امورتي لباس عليها كنتصورها بحال شي قطيطة فنيكيشة وهي كتبوسك ربي اخليها ليك ويرزقك شي حمالة بوليد لي اخاويها ويونسها ، مروتي صافي راها خدات الديبلوم مبقاتش تغسل الماعن حيت مبغيتش نضصرها كل نهار تولي جارا لي الكرسي وترجع لي الكوزينة بيسين هههه
اسوم حبيبة الحمد الله لي المورال مزيان دابا، الله اسمعك خبار الخير ،وانشاء الله ربي غدي ارزقك شي ولييد حلييييلو ممنوش
شوشو بصحة التحويصة المبكرة ،اش خباركم اختي نتي والكتاكيت ديالك لي الداخل ولي خارج الكريشة ، كوليلي ختاريتي سميت ايمن زوييينة الله اجيبو على خير ويرزقك انشاء الله ويانا فكاكة ساهلة ماهلة
سهام كيديرة وكيداير المشاغب الله احفضو ليك لي مفيقك بكري وكيدرتو مع سيدنا رمضان ، ديما كنبغي نجاوبك على ود الجلبة لي درت حتا راجلي نفس التفسير ديالك لي عطاني ولكن انا ملي قلبت فالنيت لقيت هادوك المعلومات لي كلت ليكم وحتى فاش سولت ساج فام داك نهار فاش درتها بقات كتشرح لي بداك الفوكابيليغ ديالهم مفهمت والو توكلت على الله ودرتها حتى راجلي مكانش معايا ديك ساعة
ضحى كيف دايرة وسي نجيمو وقيييييلة راه باغي الوناسة الله اجيب لي فيه الخير اختي
زوزو اش خبارك وخبار النونو وكيف داز نهار الاول فرمضان ياك مجاك قاصح
لولي لباس عليك اختي وخبار جنى وخوها ، كوليلي مبقيتيش مشيتي المغرب ياك لباس
كوتر دلوعة التجمع كيف عاملة وخبار شهودة كتكبر شوية واش كترضعيها بعدا
سهام غبرات الله اسمعنا عليها خبار الخير والله اعاونها على المسولية دوليتاتها ودارها
فاتي لباس عليك اختي وكيدايرة الكريشة فهاد رمضان ، معرفتش واش جاوبوك البنات على ود المشاش لي عندك ولكن عادة مخصكيش تحتاكي بيهم ونتي حاملة ، والله اشافيك من الافرازات لي عندك .
البنات الغيبات انشاء الله اكونو كلهم بخير ووليداتهم حتى هما.حنان وسناء وبشرى ونوال غبرات بمرة ...

[oumdarda2]

السلاﻻﻻﻻﻻم حبيباتي هنا جيت توووووووحشتم كيف دوزتو النهار اﻻول فرمضان ماشاءالله عليكم والله يقويكم
اسماء الله يسمعك خبار الخير وان شاءالله راه مغيكون غير الخير
ضحى ياضحى هي نقولو مبروك يااااااربي تكوني حاملة وتجيبي شي امورة تخاوي نجيمو ياربي امين
شيماء ميكون عندك باس اختي الرجل راه عادي انا زيديني عليك راني فحال شي مهرسة خثني غير العكاز الله يشافيك ويتمم ليك ولينا على خير انوسة خرجاتليه الكوشة غير من الحليب اللي شرب حاولي من تفيقو للسحور مديروش الصداع باش ميفيقش ليك
البنوتات ﻻخرين كلكم سﻻمي لكن ولبيبيهات ديالكم
انا عجبني اﻻقتراح ديال اسماء نتشاركو مع بعضنا طبلة الفطور ﻻكلشي موافق نبداو باذن الله
انا البارح وكيف عارفين منقدرش نصوم على حساب الكﻻوي اللي ناشفين ليا لبارح وخا شربت غير تقريبا نص لتر مكليتش غير نص لتر دالما واجيو تشوووفو ختكم بايتة كنتقطع بالوجع على الصباح فاق راجلي مشا جابلي الدوا حززنت بزاف غير محاولة وقع لي هدشي ياربي اغفر لي كون غير الحمل نصوم المشكلة هوما الكﻻوي ايوا ماشاء الله قدر الله وما شاء فعل ربي يسمح ليا
المهم وجدت الحريرة طلعاتلي ميااام فنة وشنيك بالكريم باتسيير ليسيكار جبدتهم قليتهم والمسمن كملتلو الطياب وعصير واتاي بالنعناع تمر وشباكية وسلو هادشي اللي عطا الله والحمد لله على نعمه

[oumdarda2]

ديديجة خلي الحادكة ديالنا تعاونك الله يخليها لك أختي مزياااان مرة مرة توريها باش تكب عارفة بان خصها تساعدك ﻻن ياختي فهاد الوقت تنشوف البنات متيساعدوش ماواتهم غير اﻻم اللي تطير مسكينة بوحديتها الله يصلح لينا ذريتنا جميع يارب ويفرحنا بيهم اللهم آمين

[oumdarda2]

ماشاء الله تبارك الرحمن عليكم يابنات سورة فالنهار انا قريت جزئين واليوم نبدا فالثالت إن شاء الله ربي يجعلنا من العتقاء من النار ونبقاو هكدا ان شاء الله فرمضان ةبعده
ايوا قبيلة غفلت على جنى مشيت بسرعة ورجعت خليت القرآن فين كنت جالسة ركعت لقيتها قطعاتلي الصفحة اﻻخيرة من الفهرس ربي يغفر لي مكنتش ناوياها تمشي ليه

[oumdarda2]

دندنتي مبروك العربية فالطاب واخييييرااا ووووي هكدا تهنيتي من العرنسية

[oumdarda2]

عندي واحد المكينة خصني ننشرها نوض ونرجع ليكم
اه فاتي كيف قاتلك خديجة خصك تبعدي من القطوط انا هوما سبابي فست شهور عاد جاني ﻻطوكسو المهم داكشي أمر الله قتلوني غير بالخلعة الحمج لله بنتي جات بخير وعلى خيير مفيها والو الحمد لله انا مبغيتكش دوزي من تجربتي ﻻن فعﻻ اﻻطباء تيخلعونا على والو الله يتمم علينا وعليكم بالخير ويرزق كل منتظرة