°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[حبيبي عبودي]

اسأل الله العظيم ان يعوضني ويعوضكم جميعا ويبشر نئ بكم ويارب الحقكم قريب بعد الحج

[كراميلا]

حليموا انا اللي مرة اللي راحت اخدت من مذر كير وسنتر بوينت كمان

[جنان الورد]

كيف حالكم حبايبي
عساكم كلكم طيبين وامنيحين

ام تالا
زين رحتي سويتي مسحة افضل من التفكير والخوف وان شاءالله تطلع سليمة

اخباري
اني كويسه بس امتعبني الشد اللي يجيني ويجيني ادا كنت منسدحة وباقوم يجيني يالله مالينا الا الصبر

[أسوم]

السلاااام بنات انا بالاسبوع 15بنهايته
وقرارولي عملية ربط قولولي توجع تتعب ايش ممكن يصير معاي بعجها انا لحالي واهلي بعيد عني الله يخليكم فيدوني بأي شي تعرفونه
او حابين تحذروني منه لاحد يبخل علي والله ضايقه فيني دنيا

[كراميلا]

اسوم موضوع سهل وبسيط. عملية ربع ساعه ماتعور تتطلب منك الراحة تامه فترة الحمل وتحت بنج عام ماتخوف كلنا مسوينها وكنا خايفين مثلك والحمد الله بخير ومافي شي يدعوا للقلق

[kaika]

مرحبا ياحوامل
معاكم كيكه حامل في الاسبوع 17 وهذا حملي الثالث من بعد اجهاضين
ومن بعد الاجهاض سويت الربط وجبت ولد وبعد سنه ونصه حملت وسويت ربط وجبت بنت
والان انا حامل ومسويه ربط بالاسبوع 14 صار لي شهر تقريبا من سويت الربط
وان شاء الله ربي يتمم علي وعليكم حملكم ونولد بالتاسع يارب

واي احد حاب يستفسر عن الربط انا حاضره "

[كراميلا]

كيكه حبيبتي تسلمي على دفعة الامل الأجهاضين كانوا باي شهر واكيد مقدرة وضعنا الخوف بعد اجهاضين الولادة في تاسع حلم بالنسبة لي اني يصير عندي بيبي

[كراميلا]

كيكه عندك اولاد او اللي ذكرتيهم اللي أجهضتيهم. بالربط؟؟؟

[kaika]

بعد زواجي بست شهور حملت وكنت فرحانه لانه اول حمل لي طبعا لكن ربي ماراد انه يكمل فانزل علي دم مع الم
ورحت المستشفى قالو ان الرحم مفتوح 1 سم وفيه ولاده حاولو ان يخفون الطلق بالابر والدويه وتنومت بالمستشفى اربع ايام
لكن كان الرحم ينفتح اكثر واكثر لحد ماكتب الله وودلت وانا بالسادس في 24 اسبوع وجبت بنت وعاشت 10 ايام ولكن اتوفت
الله يشفع لي فيها يارب ..بعد ست اشهر حملت بحملي الثاني وصلت الى الشهر الخامس ونزل علي مويه وانا بفراشي نايمه
ورحت المستشفى قالو ان موية الطفل نازله ولازم ولاده وولدت وجبت ولد وعلى طول طبعا توفى
وجلست سنه تقريبا ماحملت وحملت مره ثالثه وقالو هالمره لازم ربط لان الرحم عندك ضعيف مايتحمل ثقل البيبي
وكنت خايفه من العمليه وسويتها على نهاية الشهر الثالث ولازمت الراحه لان كنت خايفه جدا والحمدلله جبته في التاسع
والحين هو بالصف الثاني الله يحفظه
وبعد سنه ونص تقريبا حملت وسويت كمان ربط لكن بربطي هذا زاولت حياتي عادي لكن مع الحذر طبعا والراحه
وفي اول التاسع افتحو الربط وجلست اسبوع من بعد الربط وولدت وجبت بنت الحين هي بالتمهيدي الله يصلحها ان شاء الله

والان انا حامل ومسويه الربط الله يتمم ان شاء الله

واذا تبين شي ثاني اسالي حبيبتي"

[كراميلا]

حملينك الاولين مثلي بس بالعكس انا بالخامس فقدت الولد وبعدها بست شهور حملت بنت في اسبوع 23 انفتح الرحم فجاءه وضليت الى اربع وعشرين ولدت وماتت بعد اربع ايام وقالوا لي لازم ربط وانا رابطه وكل املي ان يتم الحمل على خير.

وخليتتي اتفائل مشكورة