دردشة بنات العراق, دردشة حوامل العراق , تجمع بنات العراق

[زينب السعدي]

عزيزتي ولاء احنا ردينا عليج هواي بس انتي الظاهر ماقريتي الصفحات السابقة
شوفي اني نصيحتي الج تروحين للببنان لان هي اضبط شي بهالامور تجيكون وضعج ووضع زوج بالبداية ويشوفون ممكن يفيدكم الانابيب لو لاء واذا يفيدكم حيباشرون وهي اضبط شي واكثر اليرحون يرجعون بتوائم بس مركز بغداد ماعندي علم بي ومااعتقد يفيدج هلكد لان مبتدئين اكثرهم ومااكدر هم احكم حكم قطعي
بس ام نورهانه انطتج اسماء دكتورات وكالت زينات يشتغلن بمركز بغداد و(انت روحي ) هم كالتلج ع المركز الي باربيل
كلنا ردينا عليج بس انت تسالين وتخفين وتجين متقرين الصفحات السابقة

[زينب السعدي]

هلو نجوله شلونج حبي الامتحانات ربي يسهلها عليج
نجوله اكو ناس طيبين وحبابين يعني مثلكم من يشوفون الوحدة تسكت ومتجاوب يخلوها ع راسهم ويكومون يستحون منها بس اكو ناس بالعكس من يشوفون وحدة متجاوب وتسكت يستغلوها ع ابو هاي تتحمل وهاي فقيرة بس الي تجاوبهم وتوقفهم عند حدهم يسكتولها وميتجرؤون يحجون وياها ...طبعا اني مااكول لنورس روحي تعاركي وياهم بس اكوللها لازم توقفهم عند حدهم وبطريقة ذكية ولطيفة بدون مشاكل لان هي عايشه وياهم واذا همو استمرو عالوضع وياها هيج راح يستغلوها ومراح ترتاح فلازم كلمن يلزم حده
يعني اني كاعدة بيت وحد ممكن اتحملهم لفترة من يجوني خطار واغلس عليهم بس هي عايشه وياهم صعبة عليها هم تطك روحها خطيه
سجاوي شلونج حبي شخبارج والببو مالتج شلوننه ..ثبتو ع اسم اله لو لسه
صدك فوفو شحتسمين ابنج ماعرفنا

[عسل بغداد]

هلو زوزو شلونج كبد
اني عاجبني اسم بشير هاي قبل مناخذ سونار اني سويت السونار فورا كال لامه بيها ولد ويريد يسمي ابراهيم على اسم ابوه

[أم أيهومي]

هلو حبي سجاوي الحمد لله بعد اسبوع الجاي نصه تخلص الامتحانات وايهومي حرارته مرتفعه ومديفيده شي دائما جسمه حار حبيبي
انتي شلونج حبي والنونو اشلونه مبروك حياتي من اتأكدتي انه ولد يارب يوم الي يجي بالسلامه
ويوم الي يرزق زنوبه واموله وفرح وكل البنات واحد مثله يارب

[أم أيهومي]

زنوبه اني وياج بس لاحظي من كلام نورس انه البيت كله انكلب عليهة بدون كلام او ذنب فكيف اذا اتعاركت او ردتهم مراح اتعرفين العواقب شنو وصعبه انه اتجازف بهذا الامر وتخسر الكل لذلك اني نصحتهة هالنصيحه لانه هي كسبانه بالحالتين اذا محترموهة فأكيد زوجهة راح يحترمهة ويحترم موقفهة ويقدر هالشي وعلى الاقل اتكون كسبته مو كل عائله تكدر الجنه بالرد اتكوكفهم عد حدهم اكو عوائل متتقبل هالشي من زوجة الابن خصوصا اذا بيهة اخوان زوج فما راح يقبلون الجنه اترد على امهم او اتلاسنهة حتى اذا امهم مذنبه بالعكس مرات بطريقه ذكيه تكسب حموينهة وهم راح ايشوفون خطأ امهم واختهم

[مي &]

هلوووووووووووووو
اكو احد لولا

الي تجي اتزلي تنبيه


اكول صدك فروحه اي والله خالده وماجده كلش زينات خو مو مثل هااي الي راجعت يمهه بنت خالتي لعبت بيهه لعب ما ادري شسمهه عيادتهه بسبعه نيسان

خالده امي جانت اتراجع عدهه

وماجده مرت خالي رااجعت يمهه وهذاك اليوم جابت


اي شي تحتااجين اني بلخدمه

[فوفو العراقية]

حبي عسوله الله يبارك بيج
والله ماكو احلى من التجهيزات مال الببوو...


زينب حبي مشكورة ياقلبي
فعلا التجهير حلو ومثير كلش
واني ماجنت ناوية هسة اجهز بس زوجي يلح علية
وكل يوم ياخذني مكانات كومة بيهن غراض اطفال ويشتري ههههههههههه
واني هم وافقته
لان اني اجيب قبل موعدي
يعني بنتي الزغيرة جبتهة على 7 اشهر ونص
يعني اجهز شوية اشوية لغايت ما اكمل كل شي ولما يشرف الببو ماحتار..

[ام نورهانه]

هلو بنات
نورس الله يساعدج يرادلج كعده من اتفرغ اكعدلج اوووويلي على العيال

نجوله شلونج قلب اي ولج باجر اخر امتحان وكمت ادور نيو لوك وطلعت بس اني اريد اغير ولا وحد بيجن غارت مني ههههههههههههه وتغير ويايه علمود اذا يجكم نجكم سوه هههههههههههههههههههههههههه

فوفو يمه فداوي لهدوماته مال لعابات ان شاء الله يلبسهن ويكطعهن بالعافيه اني كلت بالسابع او نهايته ابدي اجهز شويه شويه لان مااحب اجهز قبل بهوايه لان اظل اعد الايام واضوج فأخليها بعد مو هسه

مي حبي شلونج وشلونها بروره الحلوة
طبعا عندي كم شغله اسويهن وارجعلكم

[ام نورهانه]

ها ولجن شكد عوبات عابتلجن رحت كملت شغلاتي وجبتلي كاسه مال كرزات وكعدتلكم ركبه ونص

[فوفو العراقية]

ام نورهان حبي هلوووو بيج
ههههههههه اي كلش حلوات اليوم اخذت جواريب 2 حجم زغيرون هههههه
فدوة لقلبهم الجهال الزغار
حجم 50 يلبس اول مايجي البيبي
اني خو البسهم اصغر بي ماكو بالسوق اقل من حجم 50 هههههههه
لا ومن البس الطفل حجم 50 الرجلين واصلات للنص والجواريب يكونن فالتات ههههههه
اي والله اني هم من اشوفهن استعجل وتمنة اجيب اليوم قبل باجر
بس اكو اشياء صعب الكاهة ويريدلي افتر هواي علمودهن
مثل هسة هذا






هوة جوة المكان الي اغير للطفل بي حوض احمم الطفل بي
ومن اخلص ارجع الغطة ويكون مكان ابدل للطفل بي
وراح استخدمة للسبح ولتبديل اليومي للملابس والحفاظات تكرمين.
يعني كلش مهم لكل ام
واني مو دائما الكا
وهسة اخذته وجان اكو بس واحد ثاني باقي .