دردشة حوامل أهل الامارات - دردشة بنات الامارات - تجمع حوامل الامارات

[عذب الجوارح]

حبيبتي أقصوصة أناسويت شغلة وما عرف إذاصح ولا لأ
أنا وريلي من زمان متفقين إن مافي بلاك بيري بحياتنا بس أفكر فيه ربعه كلهم مسويين جروبات ويبونه معاهم وهورافض يقول مابيه حتى واحد يابله بلاك بيري هدية رجعها قمت أنا وشريت أمس واحد كأني فتحت على نفسي باب؟
بس ماباقي أحدماعنده هالسوالف حتى اليهال اش رايج؟

[اقصوصه]

انا هن نفسي ريلي عنده بلاك بيري بعد ودون يحن ع راسي يباني أخذ بلاك بيري بس انا من كثر ما شفت إدمانه الغير طبيعي ع البلاك بيري رفضت اشتري عشان ما استوي مدمنه عليه انا بعد
بس وانا حامل بسهووي الاخيره فكرت بالموضوع لأني كنا أبا شي اتسلى فيه بعد الولاده خاصه أني بقضي ساعات طويله بالرضاعه وبكون اغلب الليالي سهرانه بروحي فبحتاج لسي اتسلى فيه عشان ما احس بالوقت
وكنت محتاره أخذ البلاك بيري والا لا بس يوم شاورت أهلي نصحوني بالي فون وفعلا خذته كبديل واستأنست وأيد عليه
والحين تلقيني في الليل سهرانه مع بنتي او يالسه ارضعها وبنفس الوقت اكتب ردود فالمنتدى لهالسبب ما امل:)

[عذب الجوارح]

مشكلة البلاك بيري مايسسسسكت أربع وعشرين ساعة شغال فها المسجات وأنا ريلي بدون بلاك بيري شغال مسجااات أول اهووربعه قلتله استخدمه بشروطي بس أعرف إن هالكلام بكون عالفاضي خخخخخخ

[عذب الجوارح]

أنا الحين بظهر بشوف عيالي مالهم حس من الصبح أكلمج المسا عيوني

[اقصوصه]

والله لو البلاك بيري بعده ما دخل بيتك من الحين
أنصحج تستمرين وما تدخلينه
لانه ل. دخل وادمنتوا عليه
صعب جدا تفهمون منه
بحفظ الله عزيزتي واشوفج في الليل

[ام صيصة]

السلام عليكم
انا بطل عليكم كل شوي بس ليوم بسلم عليكم و بسال عل شي ممكن تساعدوني فيه
انا عوزه اعرف مستشفيات الشارقة ايه نضامها و اسعارها
انا متابعة مع دكتور في الشارقة في مركز خاص و هو الي ولدني في الولادة الاولى قيصري في المستشفى المركزي و بصارحة كانت العناية كويسة جدا و كان الدكتور يجيني كل يوم يشيك على العملية و على البيبي بس الكلام ده من سنتين
فعاوزة اعرف ايه الي تغير في الاسعار انا العملية عملتها ب 7000درهم من سنتين
فانتم بحكم انكم سكان الشارجة او دبي ممكن تعرفوني باماكن الي خلفتو فيها و بكام
الله يجزاكم خير و السلام عليكم

[ام صيصة]

اختي اقصوصة اخبارك ايه و اخبار العروسة ايه الله يحفضها لك و تفرحي بيها
ان شاء الله تكوني كويسة و ارتحتي من بعد الولادة

[اقصوصه]

هلا والله ام صيصه أنا الحمدلله بخير
وحور زينه بس مسهرتني كل يوم ههههه

بخصوص المستشفيات انا اعرف ان مستشفى الزهراء الخاص يمدحونها بط طبعا ألاسعار ما عندي فكره عنها للأسف بس اعرف 2 من ربيعاتي ولدن هنتك ووايرثز يمدحونها
الله يسهلك ولادتج ان شا الله ويقومج بالسلامه حبيبتي

[عذب الجوارح]

مساالخيرعزيزاتي
أختي المشتاقة سألت لج كذه وحدة قالوا إن في واحد دكاترة شاطرين بها السوالف فالفجيرة موشرط الطب الوقائي مثل الدكتورة نزيهة وأميرة في مركز الفجيرة الطبي والله يوفقج الغالية

[عذب الجوارح]

حبيبتي أقصوصة مساالخير حبيبتي تعرفين إني أحب إسم حوووور حيييييل وكنت أبي أسميه بس الله ما كتب