【ツ】أحلى تجمع لأحلى حوامل التوائم 【ツ】 ‏الجزء الثالث

اول غرام · 04-23-2011, 02:20 AM

صباح النور
الحمدلله بخير
واللهي رضاعات افينت حلووه
انتي جربي وحده واذا ضبطت مع عيالك خذي منها اربع
زوجي جابها من الصيدليه
واتوقع مب اي صيدليه تبيعها
وتلاقينها بعد بمذر كير واتوقع بسنتر بوينت

انتي وش مسوويه .. مع عيالك
ومع الغبرا شغالتك
ومع الدنيا وووالخ هاتي هاتي

سآره · 04-23-2011, 02:31 AM

والله ياغرومه شغالتي خلاص وديتتها والمكت وانا الحين بدون شغاله والله تعب وصايره فيني حاله كله اصيح جايتني ضيقه في الصدر مو طبيعيه

اول غرام · 04-23-2011, 02:59 AM

الله يعينك ياقلبي
انا والله زي حالتك ضايق صدري وحتى اللقمه ماتمر بحلقي من التفكير
بس وش اسوي ...
يلا هونيها ان شاء الله وتهون ..
على اني ناويه اطبق كلام الرسول صلى الله عليه وسلم .. يوم طلبت منه فاطمه خادمه وقال لها ألا أدلكم على ما هو خير لكما مما سألتما : إذا أخذتما مضاجعكما فسبحا الله ثلاثا وثلاثين ، واحمدا ثلاثا وثلاثين ، وكبرا أربعا وثلاثين

عشمانة في ربنا · 04-23-2011, 03:18 AM

السلام عليكم بنات
بنات امانة عليكم ادعولي في ظهر الغيب
انا الحين محجوزة في المستشفي امس الصباح صحيت من نومي الا وماي الجنين كلها نازلة من غير اي مقدمات ذهبت علي الطوارئ قاسوا الرحم لقوه مفتوح 1 سم المهم حطوني تحت الملاحظة 24 ساعة لو جاني طلق طبيعي اوكي ما جاني هيدوني الصباح طلق صناعي ويدخلوني ولادة وحاليا مسويين لي تخطيط علي طول وبيدوني مضاد حيوي
ادعولي بنات يا رب يكمل لي علي خير

اول غرام · 04-23-2011, 03:30 AM

أمين يارب
الله يتمم لك على خير ونفرح بسلامتك
واذا ولدتي طمنينا عليك عشوم لاتاخرين

رضاك ربي · 04-23-2011, 06:05 AM

مشكورة غروم عالحديث النبوي جزاك الله خير
عشمانة ربي يسر امرك ويكتب لك السلامة ولسنافرك
سارونة ابشرك سهرت للساعة 12 وصحيت 3 او اربعة وللصبح وعندي قلق والم من القولون ههههه حمدلله الذي لايحمد على مكروه سواه

كاسبر · 04-23-2011, 06:56 AM

السلام عليكم
كيفكم ياحلوات ؟

ديم الوفا ..والله ياليته وحدة تسويه عندها بس خلاص الواحد يتجمل وش اسوي ؟!!
الامل ارسلي لي ع الخاص اللي عندك .. والله تسوين خير خاصة طريقة الفوتشيني زمان ماسويتها
غرومه ابشرك اجلو اللقاء اسبوعين قدام ان شاء الله يكون وضعي أفضل.. وموضوع الشبه تأكدي لايكون بدع وخرابيط لانه لو ماثبت بشكل صحيح اخاف يكون مفعولها العكس بسم الله عليك انتي وعيالك
يعني شي مايقوله الله ورسوله خربوطي وحليفه ابليس
ندوش اهلين يالقاطعة وينك اشتقنالك
الله يتمم لك نونو ويكتب لك الحمل يااااارب
رضاك مبروك السهر :))

البقية ان شاء الله بخير ؟

ام منووو · 04-23-2011, 07:02 AM

صباح الخير
تسجيل دخول من الدوام
الله يعين
كيفكم كروشات
بسالكم بنات انا الحين لي 25 اسبوع و5 ايام يعني باي شهر

سآره · 04-23-2011, 07:06 AM

صباح الخير على احلى تجمع

رضاك..اي احسن كذا اجل من 9نايمه يابنت الحلال اسهري واستانسي قعدي على النت والتلفزيون وحطي حيلك في الاكل هذا اللي كنت اسويه في حملي والشارع مااشوفه الا من الموعد للموعد

الامل ..اخبارك وشخبار الشغاله والعيال حتى انا رسليلي طبخات يمكن اتسنع واشتهي اطبخ تراني فااااااااااشله في الطبخ ومالي خلق المطبخ بس بحاول اسنع نفسي

عشومه..انشاء الله تقومين انت والنونات بالسلامه والله يكتب لك الولاده الميسره

غرومه..بطبق الحديث والله يخفف عني وعنك الضيقه وان شاء الله تجيني شغاله سنعه غرومه حسيتي لما ولدك صار عمره سنه ان خلاص خف التعب وقلت المسؤليه ولا؟؟

عذوبه..كيري <<كنت بكتب كرافت بس قلت كانه غلط خخ..طوق الياسمينا..مجرد انسانه..متلهفه لضمته..بنكي ..احلى توينز..الياه

طمنونا عنكم عسى المانع خير ان شاء الله

سآره · 04-23-2011, 07:08 AM

كاسبراخبارك واخبار الوحم وياك ان شاء الله خف؟؟ انت من وين؟؟وشلون الحياه في الغربه وناسه..؟؟؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
▪ ≡ ツ】 ● 需 قمة السخافه 需 ● 【ツ≡ ▪	كاتمة الاحزان	المـنـتـدى الـعـام	12	03-04-2013 09:08 PM
••• 【♥】اعرفـ شخصـيـتكـ الكرتونيهـ مـنـ اجوبـــتــك【♥】•••	زوجي كل حياتي	ملتقى عضوات حوامل	41	08-27-2012 03:49 AM
【♥】【♥】【♥】حملة : أنا حامل بأذن الله ^,^【♥】【♥】【♥】	حبة السكر	منتدى علاج العقم و تأخر الحمل	136	05-29-2012 03:17 PM
【ツ】 اللقاء الأول .. ترى كيف سيكون شكله 【ツ】	لغة صمتي	إستفسارات حوامل من الشهر الرابع إلى الشهر السادس	22	05-27-2012 03:25 AM
••• 【♥】حلا اتعب وانا اقول كشخه بالصور【♥】•••	زوجي كل حياتي	قسم التغذية	19	04-19-2011 09:44 PM