تجمع حوامل العراق واتمنى اكو احد موجود

[روضانيه]

ام تمااارررر خيتي انتي ورده وكولنا نحتاج انكون صداقات

خصوصا هالفتره
لا خيتي شنووو مكتووب لج تبقين وحيده اني اختج وصديقتج من هاللحضه صدووووك تحجين
وياريت اتقبلين صداقتي
ومثل مكلتي لمتنا لمة حبابيب

[روضانيه]

توتايه اللهم امين يارب يسمع منج ويفرح قلبي والله صار عندي انهيار بعد مااكدر استحمل
دا ادوام بالكليه واحس اني بعالم والناس بعالم حتى من انام مااكدر اكممل نومي بلا مااكعد ابجي
ام محمد ماقصرتي خيتي واحمدلله عى كل حال
اني ب ثالث
اللهم ارزق كل البنات الذريه الصالحه كامله الخلقه وتمم حمل الجميع بجاه الحسين

[ام تمار]

اني اشكرج رضوانيه الله يفرح كلبج يارب صح لمتكم لمه عراقيات وحبايب واني محتاجه
هاي المه لاني بغربه داخل الوطن يعني بالعراق بس احس بغربه لان اهلي مو يمي
على العموم الدنيا تعلم اكبر مدرسه وبنوتي الي راح تجي يارب تكون احلى شي خرجت بيها بهاي الدنيا
اني يشرفني اكون بين لمتكم الحلوه لاني محتاجه خوات ......راح ادعيلج رضوانيه يم ابا عبد لله بجاه مصابه يطلعله نبض للجنين ويفرحج
شوفي اني بحملي الثاني همات ماكو نبض وانتظرت 10 ايام كانت صعبه صحيح بس ماايست من رحمت الله وضليت ادعي وبعدين الحمد لله بين النبض والله بجيت
يم الدكتوره حتى بستها مااعرف شنو جانت فرحتي الله يفرحج يارب وتجين تفرحينه تستاهلين

[مجنونة بحبها]

السلام على من اتبع الهدى


ايه على بختج حبيبتي ديري بالج على يوسف تره كلشي متسوين بلاياه وعن زوجج الله يهديه مثل ماكتلج ابتعدي عنه جم يوم وراح يتغير وانتي نفسيتج ترتاح مو كتلج انا لما رحت لاهلي اشتاقيت لزوجي وهو نفس الشي صح بلبدايه ضوجني بس لانه يكابر ويريد يحرك كلبي بس هسه الف الحمدلله والشكر ويارب دوم مو يوم والله اتغير انتي غيري جو وان شاء الله ترجعون احسن من قبل


ام تمار حبيبتي ليش مو انا رحبت بيج وجاوبتج على كل اسئلتج بس عن سؤال تجهيز البيبي لاني ماعرف بالتجهيز امي جهزت لبنتي وانا لاطالعه ولا شي ماعرف الدنيا شبيها مابيها ههههههههه بس كلشي ولا زعلج عيوني اس سؤال انا حاضره


نجلاء الله يسهلج باجر وان شاء الله تجيبين طبيعي وبسررررررررررررررررررررررررعه حتى لاتخافين هع هع

حبيبتي ومشكوره على الدعاء وانا ادعيلج بكل وقت



مهاوي شلونج وشلون الجهال وشلون حمودي


كوكي شلونج وشلون لولي


ام محمد وعلي اهلا وسهلا مره ثانيه بس ماعرفتينه عن نفسج

مبينه مو عراقيه ماادري احساسي يكول هع هع وان شاء الله عن قريب اروح لكربلاء وادعيلج واذا الله سهل اصليلج ركعتين انتي ورحوبه الغاليه


روضانيه الله يكون بعونج والله احس بيج وبمعاناتج انا نفس حالتج
بس يارب يارب يارب ينفخ بيه الروح وتفرحين بيه وتفرحينه ويااااااااااااااااااااااااااااااج



رحوبه حبي وينج مشتاقتلج موووووووووووووووووت

قمورررررررررررره شلونج وشلون الالتهابات ههههههههههههه
ويارب يرزقج الحمل بهذا الشهر بس انتي لاتفكرين ياااااااااااااابه بعدج عررررررررروس تلحكين ان شاء الله


صعب ويسرى ووئام وزينب السعدي وغنى ودلوعه وهواي بناااااااااااات

ماكو غياااااااااااااااااااب ربي المانع خيرررررررررررررررر

[مجنونة بحبها]

بنااااااااااااااات باجر موعد الاشعه وعايشه بررررررررررررررعب

الله يستر يارررررررررررررررب سهل علي بحق الحبيب محمد

[توتايه]

صدك امونه هسه خالتي كالتلي الاشعه الملونه بيها بنج واذكر ابنها سواها بيومها ما اكل شي علمود البنج بس حبيت اكولج حتى تستعدين وربي ينولج الي ابالج

حبيبتي ام تمار اني مجنت اكدر ارد على التجهيزات بس هسه راح اكتبلج ياها بالتفصيل الممل

[ام تمار]

حبيبه ماما صح انتي رحبتي بيه اني محتاجه تجمعكم ولمتكم يارب تكون لمه حبايب
عليج الله اذا اجيتي للكربلاء تجين بيتي اشيلج بعيوني والله اني بوحدي بالبيت محد يمي
بس زوجي وهو يحب اكون صديقات ويجون يزوروني باي وكت تجين للكربلاء تنوربيج
وبيتي مفتوح ولله اشيلج بعيوني
بعدين كل البنات خواتي وصديقاتي محتاجه لمتكم وتشجيعكم .....

[ام تمار]

حياتي صارت بدون ملح بدون دهن بدون شاميه ههههههههههههههه اني احب الشاميه الحاره
شوكت تخلص على خير تعرفون من خلصت الاشهر نفذ صبري اريد اجيب واخلص
والله اني بالبيت وحدي وتعينات ماكو ويمر الصبح واني بالفراش انتظر رجلي يرجع احجي وياه بشر ههههههههههههههه صايره مثل الفاره محبوسه بالبيت

[توتايه]

ام تمار والله اني رحبت بيج ورديت عليج بس على الجهاز مرديت لان النت مالتي جان ضعيف واحنا كلنا خواتج ونزعل منج اذا تكولين غير هيج

باعي حبحب يرادلج

فنايل ردن طويله 6 اذا شته واذا صيف 6 نص ردن 3 وبدون ردن 3
كماطات اذا ردتي تكمطين 5
بطانيه اذا بالشته ولحاف اذا بالصيف
كيس طفل يخلون بيه الطفل
حفاظات نوعيه زينه اني استعمل بامبرز الاصفر اول منولد ابني
حفاظات الج
بجامات او دشاديش للنونو 7
كلاوات او قبعات او كاوريه 4
مجموعه بيبي جونسن يصير صابونه وشامبو وبودره ولوشن
بس نصيحتي اول ميجي من تغسليله وتشطفيه بصابون ركي لان ماكو منه وميسوي التهابات
معقم بيتادين حتى تعقمين بيه جرحج او الخياطات وصرة النونو من توكع
ومشط صغيروني مال جهال
ودشداشه الج وروب وجواريب
ها جواريبات للنونو فد 3
وكريكوت او قريوله للطفل
وبعد بنات ذكروني اخاف نسيت شي
وانصح كلها تاخذيها قطنيات لان انعم شي على بشرة الطفل والله يكومج بالسلامه

[توتايه]

ام تمار اروح اتأكد واجيج بالشغلات الضروريه بعد