دردشة بنات فلسطين, دردشة حوامل فلسطين, تجمع بنات فلسطين

[لولو الفلسطينية]

صباح الخير
ههههه حيفا ضحكتيني * يللا ان شاء الله اذا مش هالشهر الشهر الجاي بتكوني حامل يا رب
دودو شو اخبارك ؟؟

[إنبثاقة أمل]

صباح الخير

شو أخباركم .. كيف اصبحتو اليوم

مزاجي اليوم مو رايق بالمره

امبارح نمت وانا عم ابكي كنت كتير طفشانه وبحاول بزوجي يسهر معي بس ماكان فيه حيل

زوجي دوامه طويل بطلع من الصبح وبرجع بعد التسعه او العشره بالليل

بحاول اصبر حالي واتحمل بس بحس في وقت اني مليييت كتير

مهما حاولت اشغل نفسي ب أشياء كتيره بس بضل عندي وقت فراغ كبير

الله يعين ويهون علينا

حبيت افضفض شوي مافي غيركم اقدر احكي بصراحه معهم


ام عمر الله يهون عليك ويسهل ولادتك

ولما تولدي بالسلامه ادعيلنا ربي يرزقنا الذريه الصالحه

[em3omar]

المشاركة الأصلية كتبت بواسطة حيفا

ههههههههه دودو حبيبتي زوجي جابه مبارح ، بقله يا زلمه الدكتورة قالت الامل ضعيف هالشهر ، والتبويض ضعيف ، وخلينا عالاقل نستنى لتفوت الدورة ، ابدا ما رضي فعملتو بالليل ، وطبعا سلبي :)
زوجي كل شهر هيك بيعمل هههه ، جدا جدا حابب يكون عنده ولاد
مرة بقله شو بدك تعمل لما يصير حمل ، قال احتمال من الفرحه اطلقك ههههههههههههه
ربي يجيب اللي فيه الخير


انا بدي اعمل كبده ، وحواضر :)


صباحك مليان سعاده :)

هههههههههههههههههههههه صبابا جوزك حيفا
الله يطمن قلبكم ان شالله اذا مش الشهر الشهر الجاي تكوني حامل
اديش الك متجوزة ؟

[em3omar]

صباح الخير صبايا كلكم كلكم
انا اليوم صحيت بدري ورجعت نمت لقبل شوي
صايرة باخر ايامي يا صبايا كل يوم بفكر بالولادة وكرشي قدامي سبعة متر
تعبانة كتير ونفسي اولد خلص زهقت
اليوم انا مش طابخة جوزي بدو يجيب سمك وهو جاي بس يجي بشويهم ومبارح عاملة متبل وشوربة طلعو كتير زاكيين واهم اشي جوزي قلي ارتحنا من اللحمة والجاج زهقناهم الحمد لله
اذا حدا بدو مني اشي امانة يحكي هيني هون

[~{{ DoDo }}~]

حيفا
حبيبتي ولا يهمك ضللك سايري وما تتعبي نفسيتك
سبحان الله الرجال لما يكون نفسه في بيبي
ما بيفهم انه بكير او لسا عرسان
وانتي باعتبار لسا والله عروس ما كملتي السنة
انا زوجي لانه تاخرنا سنة ونص ، يوم ما عرفت اني حامل ضله مش مصدق
بيقلي لا اكيد التحليل غلط وما صدق الا لما الدكتورة قالتله مبروك بالمستشفى

الله يفرح زوجك ويفرحك يارب قريبا بس ضلك استغفري وادعي في كل سجوووود
صحتيييين عالكبدة ؛)


لولو

انا تمام الحمدلله وكل الامور كويسة
انتي كيفك وشو اخبارك انتي والبيبي
رحتي للدكتور ولا لسا ؟

[~{{ DoDo }}~]

ام عمر

اهلا اهلا والله منورة حبيبتي
ربنا يقومك بالسلامة يااارب
وتيجي وتورحينا صورة البنوتة ونباركلك
وانشالله تكون ولادتك سهلة
وصحتين عالسمك والله احنا كمان زهقنا من الاكل واللحوم بجد الواحد بدو تغيير

[~{{ DoDo }}~]

انبثاقة

يسعد صباحك حبيبتي
سلامتك من الضيق تعوذي من الشيطان الرجيم
ولما تلاقي حالك متدايقة صلي ركعتين او اقري قرأن بترتاحي
والله حاسة فيكي انا زوجي كمان دوامه طويل ومرات بتوصل الساعة 10 بيكون خلص
مشرقادر يفتح عيونه وبينام ومرات كتير بسهر لحالي
الله يعيننا ويعينهم شو بدنا نعمل هي الحياة هيك الواحد لازم يتاقلم

[لولو الفلسطينية]

دودو اه رحت على الدكتور و الحمد لله طمنني و طلشي منيح و الجنين كان يتحرك و وضعه منيح
و حكالي اناو انا باخر اسبوع من التالت و طبعا ما سألته عن جنسه لأنه اصلا كان داير ضهرو
و حكالي ارجعله بعد شهر و ان شاء الله اقدر اصبر شهر ههههه
و انتي متى موعدك ؟؟ ان شاء الله يا رب تتطمني
ام عمر ربنا يقومك بالسلامة ان شاء الله و تجيبيلنا احلى بنوتة
انبثاقة و لا تزعلي كلهم بتيجيهم ايام بكونو مش قادرين يفتحو عيونهم و تعبانين و ما فيهم حيل على قولتك * بعين الله و ان شاء الله يا رب عن قريبا ربنا ببعتلك توم ولد و بنت و بتملي حياتك فيهم ياااااا رب

[em3omar]

دودو
الله يسعدك يا رب وان شالله ربنا بيسمع منك وصدقيني اول ما اولد راح انزل الصورة بدون تفكير بس ان شالله تطلع حلوة زي اخوها

انبثاقة امل
ما تزعلي ولا تنهمي انا زيك بس الفارق جوزي بيروح ابكر شوي وانا لسا ساكنة بين يهود يعني والله الشباك ما بفتحو مرات بزهق وبتطلع روحي لولا عمر شوي بيخفف عني
الله يبعتلك ولد يا رب يملى عليكي حياتك وتصيري باحسن حال حبيبتي والله قلبي حاسس فيكي لاني بعاني متل

[لولو الفلسطينية]

صبايا انا صارلي كم يوم مش قادرة اشم ريحة الجاج و اللحمة و جوزي على طول بزعل لاني ما باكل لا جاج و لا لحمة
و الله بطلع الجاج او اللحمة من الفريزر و لما اجي بدي اشتغل فيهم بقرف من ريحتهم قبل ما ينطبخو هههه و حتى لو كانت مطبوخة اذا قربت ريحتها على منخاري بقشعر بدني و بفضل اكل سلطة تكون مالحة و حامضة او برتقال و هاي الشغلات
و المشكلة هاليومين ما بنام من وجع اسناني و دكتو الاسنان حكالي ما بشتغل باسنان الحامل الا بعد الرابع يعني لازم اتحمل الوجع شهر كامل
وو جع الاسنان جناااااان