دردشة حوامل القطيف- تجمع بنات القطيف

[أحلام أم]

طفطوفه
ماعليه خيوو إنشاء الله تردين تروحين للأهل بحال أفضل من هالحال وتفرحيين وياهم ،لا تضيقين نفسيتش علشان زنوب الحلوة
أدري مافي على قرب الأهل ولا أحن من صدورهم ربي يخليهم لكن زوجش بحاجة وجودش وياه وتدرين بعد الطريق
شوفي أني مثلش ماأروح لأهلي ولا أهلي يجوني وأدري بحاجة شديدة ليهم حتى في الليل أصيح أقول لو أمي ويايي إنكان أخذت هنووي عني وخلتني أنام أو ساعدتني في البيت ،اني ماأحس روحي نفاس ،بس بعد في ناس بحاجة وجودي ويرتاحون لشوفتي قربهم
ديلارا
لاتخافين شكلش بكرية ،أني ولا مرة عوشرت ولا أكمل التاسع وهالمره ولدت في الثامن الحمدلله
على الأغلب راح يحطوون لش طلق صناعي ولاتخافيين ولاشي الطلق الصناعي حطووه عليي للضروره هالمرة ،هو يحفز الرحم على الإنقباض والطلق والمخاض ويجيش طلق وتولدين بالسلامة إنشاء الله

[ام حسين الدار]

مساء الخير ياحلوين اخباركم؟؟؟
ابشركم سويت العمليه ونجحت وسويت الاشعه والبيبي ابخير والحمدالله على كل شي
ام كرار فديتك يارب ماعليش الاالعافيه وسيدي يارب مايولد الافي وقته
احلام ام وبنات البحرين فديتهم الي يسالو عني يارب الله ينصركم وتنفرج عدكم
بنات القطيف اخباركم؟؟
بنات تجمع حوامل قطيفيات اتجمع بكره عندي تعالو بدري لانكم وحشتوني مره والكل في تجمع مرحب فيه الي حابه تدخل معانا في تجمع اترسلني على الخاص
دعواتكم

[hazina]

مبـــــــروك خيتــــــي آم حسيــن
عــلى نجاآح العملية وعلى تطمنش على البيبي وشخبآآره
المهم تطمنتي عليه ويآرب يقومش بالسلآمة وتشوفينه بين
عيونش ويرزقنآ بالذرية الصالحه ... :)

[ام حسين الدار]

هلا ياعمري الله اسلمك اي امانه ادعو الي كل مادعيتو الى نفسكم الله اسهل هل ايام يارب
وسهل على الجميع ياررررررررررررررررررررررررب ياكريم ويرزق كل محرومه

[فلونة]

سلاااام عليكم ،، مأجووورين

ام خليل ،، الحمدلله على السلاامة ويتربى في عزكم :)

ام حسين ،، ما تجوفين شر حبوبة

باقي البنات شخباركم ان شاء الله الكل بخير .. بسألكم بنات اياام الدورة عقب الاربعين طبيعي تزيد ؟؟

دعواتكم لنا بقضاء الحوائج وتيسير الامور بحق سيدة نساء العالمين عليها السلام

نجوفكم على خير اذا الله كتب لنا عمر وياكم.. اليوم بغيت اروح فيها يا طفطف بسبت مشوار طلعته الصبح يعني الحمدلله رجعتي بيتكم انتي وزنوب بالسلااامة :)

[ولائيه]

أم خليل
ألف الحمدلله على سلامتش او سلامة البيبي او يتربى بعزكم

شخباركم بنات

المشاركة الأصلية كتبت بواسطة ديلارا

السلام عليكم اخباركم؟؟

انا باقي يومين وخلص التاسع ونفس اليوم الي حددوه علشان موعد الولاده المتوقع عندي موعد بالمستشفى الحكومي الي اتابع عنده ابليز قولو لي أيش راح يسوون هل راح يعطوني طلق اصطناعي ولا عادي راح يخلوني أبليز من الي صار لها مثلي يعني خلصت التاسع ولا ولدت انا خايف اكثيرر

هلا ديلارا
بالنسبة ليي بحملي الثاني تأخرت يمكن 10 أيام على موعد الولادة بعدين عادي ولدت طبيعي والله يسر ولادتي مع ان قالو ليي ان الجاهل بوصخ بطنش او بصيدش تسمم اذا ما رحتين المستشفى لطلق صناعي بس اني عطيتهم الاذون الصمخه او وكلت امري لله والحمدلله بالنهايه ماااااااا صار شئ
والحين أني باااقي 5 أيام و أتمم التاسع بس مو حاطه ببالي الموعد وقت اللي مكتوب عليه يطلع بيطلع قبل عقب الله العالم أهم شئ التيسييير
والله ييسر ليش او نسمع عن سلامتش بموعدش

[ولائيه]

أم حسين الحمدلله على سلامتش
طفطف
خلي أملش بالله قوي ترى النصر قريييييب ترى الظالم ما يظل يمهل ولا يهمل
أني سبحاااااااااان اله عندي يقين قوييييي بالله ان النصر قريييييييييييب يعني ما بجي رجب الا احنى انتصرنا بمشيئة الله وسوف نحييي المواليد المباركه باحسن من كل سنه ..

[ام حسين الدار]

هلا ياعمري اني ابخير والحمدالله فديتكم انتو اخباركم؟؟؟
وووووووووووووووووووووووحشتوني مره
الله اسهل على الجميع يارب

[أحلام أم]

مساء الخير أخواتي ربي لايحرمنه من طلاتكم الحلوة وربي يحقق كل أحلامكم ويقضي حوائجكم يااارب العالميين ،صدق أني ماأعرف شلوون أشكالكم ولاشلوون أصواتكم بس سبحان الله أحس إني أتحاور مع أرواحكم الجميلة والطيبة ربي يبقيها عامرة بالإيمان والطيبة
فلونة
هلا حبيبتي
عاادي خيوو الدورة بعد الأربعيين تطول علشان تنزل بعد بقاي إللي مانزلت في النفاس شفتين عااد شلوون الوحدة شغلتها شغله
أم حسين
هلا بأهل القطيف وساكنيها
الحمدلله على سلامة عمليتش ومن هذا لبشارة ولادتش بالسلامة مع البيبي حبيبتي

المشاركة الأصلية كتبت بواسطة ولائيه

أم حسين الحمدلله على سلامتش

[QUOTE=ولائيه;974747]
طفطف
خلي أملش بالله قوي ترى النصر قريييييب ترى الظالم ما يظل يمهل ولا يهمل
أني سبحاااااااااان اله عندي يقين قوييييي بالله ان النصر قريييييييييييب يعني ما بجي رجب الا احنى انتصرنا بمشيئة الله وسوف نحييي المواليد المباركه باحسن من كل سنه ..[/QUOTE]
هلا خيوو ولائية
تصدقيين عندي نفس الشعور بس ساعات أغالط نفسي وماأمبى أمنيها بس ربي قاادر على كل شي ولا عاااد أحلامي بالناصفة كله أحلم أوزع توزيعات حلاوة في الناصفة ههههههه أضحك أني وأحلامي بس مو عسيرة على رب العالميين
ربي يحفظكم مع أهاليكم وأحبابكم
دعواتكم

[محتاره بأمري]

اخباركم كروشات..

الحمد الله ع السلامه ام حسين..

بنوتات بسألكم اني الحين في نص الرابع والدكتوره اللي اتابع عنها مسافره ..

قولو لي استخدم حامض الفوليك وبس.. يعني هالشئ يكفي.. ولا..

والله اني خايفه وهي شكلها مطوله غيابها..

انصحوني مالي غيركم..