تجمع اللي بيولدون في شهر ذو الحجه

اجوان · 09-04-2011, 12:07 AM

كيفكم بنات وحشتووووووني,,
والله بطني جالسه تكبر بشكل سريع ماشالله يارب ماتصير كبيره مره,,وياااااااااااااارب اولد بالتاسع ولا ادخل العاشر ..

فيولا · 09-04-2011, 01:33 AM

مرحبا انا بولد بنهاية الشهر

رحبو فيني

أميره وين ماكنت · 09-04-2011, 01:34 AM

مرحبا كل عام وانتم بخير لو انها متأخرة بس انت تعرفوا ايام العيد ودوشتها
اليوم ضاق صدري رحت لموعدي واخذت لي سونار وقالت الالم اللي فيك تحت من الجنين عشانه جالس وضاغط ع الحوض بس ان شاء الله راح يتعدل بالثامن او التاسع

عسله · 09-04-2011, 01:38 AM

سلااااام ياقماري
كيفكم
مراااااااا وحشتوني
كل سنه وانتم بخيراات
معليه متأخره
الحمدلله كان عيدي من احلي مايكوووون
ودحينا انا عند اهلي
بس والله كنت تعبانه واحاول ماابين لزوجي وأهلي انو تعبانه ماابغا
اخرب عليهم فرحتهم

ماشالله قلبي مدينه
دخلت التامن يعني انا زيها في التامن
وي وي ياقلبي وبطني مغصتني
الله يسهلها
اجوان

كيفك قلبو
الله يسهلك اهم شي المشي وأكل التمر
وحليب بالعسل

عسله · 09-04-2011, 01:44 AM

فيولا

هلا قلبو منوره
الله يتمملك ع خير

اميره

وانتي بصحه وعافيه
قلبو ان شاالله ماتجي المراجعة التانيه الا وضع البيبي تمام
بسالك معليه
يعني دحينا الشهور الاخيره كيف لازم يكون وضعه؟؟؟؟؟

اجوان · 09-04-2011, 01:55 AM

عسله,,
مشكوره ياقلبي ,,
بس بالنسبه لوضع الجنين انا الدكتور قاللي بالتاسع ينقلب مو ضروري الحين ..

عسله · 09-04-2011, 02:01 AM

احيانا احس بحركته ماشالله اسفل بطني
اخااااف
بس دحينا رجليني الله يكرمكم مراااا منفخه عن اول بكتير

نوني القمر · 09-04-2011, 07:17 AM

هلا وانا كمان بولد باول الشهر ودحين انا بالاسبوع 30 ويومين بس الله يكرمكم دخوول الحمام يضايقني ومره مااقدر استحمل ثانية لمن تقل المثانة ويجيني الم مو طبيعي على جمبي اليمين يالله هانت يارب ويسهلها عليكم وعليا يارب

عسله · 09-04-2011, 09:45 AM

نوني
انا سرت أكسل اخرج من هرجة التواليت الله يكرمك
هاااااانت الحمدلله
وبدا العد التنازلي ع خير ان شاالله

اجوان · 09-04-2011, 10:09 AM

بنات بفضفض شوي لانو بصراحه مافي احد مستوعبني :((

الحمدلله ربي مخلي تفكير انو الولاده سهله مره واحس اني متطمنه,,بس دايم انا بحياتي لمن اكون متطمنه بشي يجي عكسو :(((
مره خايفه بعد هالاحساس ان الولاده سهله انو يصير شي وقت الولاده ومااولد بسهوله وماما ماحتكون عندي :"(((

كمان خايفه من الطبيعي اخاف ماارجع زي اول,,وبرضو خايفه من القيصري ماابغى يشقوا بطني وادخل غرفة عمليات :(((

بعدين بعد الولاده مااعرف ايش راح اسوي مع النونو ,,امي يمكن تجي اسبوع وترجع عشان ماتقدر تسيب البيت كثير وانا حاكون ماعرف شي لوحدي :((((((

وبعدين وقت النفاس حاكون مع زوجي في الشقه اخاف مع منظري بالنفاس ودايم بجايم وشكلي حوسه اخاف يكرهني :""""(((((

مره شايله هم كل شي وحاسه مررررره حووووسه,,,ومن اول ماحملت اقول لزوجي راح اولد عند اهلي وهوا يقولي لا ابغى اشوف النونو اول ماينولد مو زي الغريب ماشووفو الا بعد شهر ,, ياااااربي مره التفكير ذبحني ولا احد فاهمني لمن اتكلم يحسوني اتدلع وابالغ,,وكل قرايبنا يلوموني اني ماراح اولد عند اهلي مايدروا انو موووو بكيييففففييييييي :"""((((

غير كذا الحين فين الاقي شغاله زي الناس؟؟؟ ومتى اجيبها بالضبط؟؟؟ غير كذا يقولوا رواتبهم اكثر من 1500 بالشهر يعني هذي كم بتكلفني لو بغيتها اربع شهور تقريبا 7000 ريال مرررره كثيررر :(((

سوري بنات ادري كل وحده شايله هم ومو ناقصه بس حبيت اكتب وافضفض شوي مره هلكني التفكير ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM