~تجمع نفوسات شهر *رمضان* 1432 ه~

[الغيوض]

شذاها
دكتور /محمد القصاب اردني او سوري بس شغله تمام وخفيف عالمعده خخخ
في مستوصف اضواء العلاج بالشفاء
انصحك فيه
ودكتوره /سماح سوريه بمستوصف المميز شغلها عال العال بصراحه لكن سعرهم شوي غالي بحكم كلهم اخصائين
في شارع الابراج الشفاء
جنب عطاره بن منقاش
بس شغلهم مره مريح
وماعندهم استهبال
اتمنى اكون افدتك

[ام روينا]

اهلين شذاها
سلامتك
عندك سيجال اللي في الضباب مرره كويس بس اسعارهم شوي مرتفعه

[Razan77]

مساااء الخير بنااااااات

اخباركم ؟؟

ان شاء الله اموركم طيبه ..

بنااات تعرفوا شيء ينوم انا عندي بنت قلقه اذا نامت دقيقتين وتصحى تبكي ابغى اطبخ اكنس اغسل بس تبكي طوووول اليوم كل الي تنامها 8 ساعات ف يومها وانا استغلها اني انام معاها بس مااقدر اسوي اشغالي صرت يوميا بطبخ وشايلتها واغسل وشايلتها تعبت

وزوجي الله يهديه ماعنده طولة بال مايحب يمسكها بس يشوفها من بعيد ويهرررب على غرفته لانها بس تبكي طفشتنا الله يهديها

قولت لزوجي حتى ف يوم عيد ميلادي مافي راحه :( كل يوم كرف ظهري انكسر

شغل البيت + بنت بكاايه شيء متعب :(


كيف تنظموا وقتكم البيبي مع شغل البيت ومع طلبات الزوج ؟؟

[تفاؤل]

الله يعينك اختي رازان و يهي بنتك

شوفي اشبها تبكي اكيد في سبب مغصانه او في شي يتعبها احد شالها غلط

او من بطنها فيها امساك او حتى جيعانه ما تخذ كفايتها في الرضاعه

وديها الدكتور يفحصها و يطمنك

جربي حمميها ساعات بيتضايقو من حرارتهم بس تحمميها تلاقينها نامت دغري

عني انا سرت اصحى الفجر اطبخ الغدا و ارتب البيت اجهز السفرة
و اخلص شغل البيت بدري و ارجع انام اذا في وقت واذا ما في جلست لعشرة بالليل و نمت او 11
وبكذا ارتحت كثير

[Razan77]

يعين الجميع ياارب

المشكله مافيها شيء اعرف مدلعه اسويلها كل حاجه دوا المغص يوميا بعطيها هوا مرتين باليوم

واروشها يوميا واغيرلها كل ساعتين والعبها حق ربع سااعه وكل ماجاعت اعطيتها القاروره

بس مجرد مااحطها ف السرير ولا على الكنبه ويييييييييييييييييييييييييه تفك الونان اشيلها تسكت

هذا اسمه دلع حتى لمن اجي انيمها خلاص انبسط غمضت عيونها الا شويا احطها ف سريرها على طووووووول تفتح عيونها وتفرقزلي كانها تقولي وين رايحه وتفتح الصوت الين مااشيلها تسكت هع وعلى هذا الحال كل يوووم

وعندها مرجيحه واحطها فيها واشغلها قناة براعم حق الاطفال قولت يمكن تشوف الوان واصوات وكدا وتنبسط هع وبرضوا ولا في فايده

الله يهديها ويسهل عليا تربيتها ويحنن قلب ابوها عليها

[أم ح ــنونـہ]

كيفكم نفوسات
اااه دوبي صحيت من النوم
نوني ما نيمتني طول الليل صح ساكته ما تبكي
بس ما اقدر اتركها وانام طبعا بقيت معاها لغاية الساعه 8 الصباح
بعدين ما قدرت نمت على نفسي بس امي الله يحفظها ويخليها اخذتها مني
وقالت لي روحي ارتاحي ونامي وانا بهتم فيها
انا اول شي مارضيت عشان امي ما تتعب بس اصرت انها تاخذها
عاد انا رحت على طول على السرير ونووووووم على السريع
الله يحفظ امي ويخليها ريحتني والله

[أم ح ــنونـہ]

انا ان شاء الله رايحه الدكتور بعد العشاء
عشان اشوف ضغطي كيف صار
ما ادري الضغط عندي ليه صار عالي
من يوم ما رحت اولد لقوه عالي عندي :(
رغم انه ما كان عندي ضغط ولا شي اهئ اهئ
الله يعيييييييييييين

[تفاؤل]

هذي مشكلتها اتعودت عالدلع

والله انا اكثر شي اكرهه هز البيبي لأنو اذا تعود على الهز انسي انك ترتاحي
لا في بيتك ولا في خرجه
و لا تعوديها بس تقول وا الا انت شايلتها خليها تبكي شويتين الدنيا ما بتطير
و الله عبودي لما كنت عند اهلي ادلع عليه بس يبغى احد يشيلو دحين انا في بيتي ما عندي دلع
والله اخليه يبكي اذا متأكدة انو وضعه تمام و ما اشيله مجرد ما يفك الونان دحين انضبط
وبطل دلع

[تفاؤل]

سوسو الله يخليلك ما متك يارب و يديها طولة العمر عالطاعه يارب

والله حتى انا جاني الضغط مع الحمل بس ما كنت ادري

اول وانا في الثامن كنت اشتكي من يدي مرة تتعبني و منملة طول الوقت

عمري ما حسيت يدي انها طبيعيه

و اي شي اشيله اطيحه من يدي طلع بسبب الضغط
و ما خف التنميل الين ولدت وكملت شهرواسبوع بس الحين مشكلتي مفصل الكف
مرة يوجعني من الشهر الثامن وليومك وهو يوجعني حتى البيبي ساعات يصعب علي اشيلو

بس ليومك ما رحت شيكت عالضغط لأنهم ما طلعوني من المستشفى الين تأكدو من الضغط

بس ساعات احس بصداع قوية احس عيني بتطلع من مكانها

الله يعين بس و يشفي الجميع يارب

و سلامتك يا قمر و طمنينا عالضغطك يارب تمام

[ام روينا]

مراحب وين الناس