دردشة بنات الجنوب, دردشة حوامل الجنوب, تجمع بنات الجنوب

[الديماس]

جلست اضحك من الاخطاء المصبعيه هههههههههه اكتب في الظلام ودايخه نووووووووم

[ام عبدالكريم؟]

السلام عليكم بنات ديرتي كيفكم انا جديدة على التجمع بس بغيت خبرة بنات الجنوب الله لايحرمني منهم
انا الحين حامل بالشهر السابع هذا حملي الخامس ولاداتي الاولى كانت في مكة الله يعمرها بس هالمرة بولد في ابها
بما انه ولادتي توافق الاجازة قلت اولد عند امي الله لايحرمني منها حبيت استفسر عن مستشفى غسان نجيب فعون من احسن دكتورة تسوي تجميل وكيف عنايتهم الله يوفقها اللي بتساعدني ويرزقها ماتتمنى

[ام عبدالكريم؟]

الله يسعدكم لا تنسون اللي جربت هالمستشفى تفيدني وبسال يدخلون امك او زوجك معك غرفة الولادة

[أم رنيم وسديم1]

مشكوررررره يالديماس ماقصرتي طيب هو مصري؟؟وكيف تحسي شاطر ولازم احجز ولا اروح كذا يعني عليه زحمةمعليش كثرت عليك اسالة ،،،
ام عبدالكريم هلا فيك يالغاليه الله يقومك بالسلامة
ان شاء الله تفيدك الديماس توها والده فيه الله يتمم لك ع خير ويعينك

[احلى وردة]

صباحكم مسائكم ورد وجوري
كيفكم صبايا

ديماس قلبي شوربة اذا ولدك بسته شهور في اشياء تنقصينها منها مثل العدس واللحم لانها قويه على بطنه ........



ام رنيم ان شاء الله ربي ينزل العافية على ولدك ...ما ابغى اخوفك لكن ناقص وزنه ... لانه باول ابتدائي لازم يكون اكثر اشوي ..
ولا ابغى اجيب لك احباط بنتي صغيرة عمرها ثلاث سنوات وزنها الحين 14 ولا يفوتكم بالمستوصف اللي جنبي يقولون لازم تودينها عيادة الطفل السليم لانها متعرضة للسمنه بالرغم انه بنيتها عاديه جداااا ... ما وديتها لانها اي مرض يجيها الانفلونزا تصير مثل الريشه .... فخليها على الاقل ما تنهد عليه بسرعه وقت الامراض ولا تكون مناعتها ضعيفه ...


حلومه منعت وزارة الصحة الولادة بالمستوصفات الخاصة اذا مستشفى خاص عادي غيرها لا بعد سالفه اللي صارت بالرياض .. كنت بولد بالرحمه لانهم يمدحون دكتورة هدى بالخياطة قالوا ممنوع ..

عندك مستشفى ابها الخاص .. ومستشفى دكتور حسن البار .... ومستشفى الالماني ....
لكن مو متاكده غسان فرعون مستوصف او مستشفى ....

[ام عبدالكريم؟]

مشكورة ام رنيم وسديم على الرد
والله يسعد يالديماس حكينا عن تجربتك وقصتك بالتفصيل
مع ولادتك مشكورة

[الديماس]

مساء الورد

طالعه ومستعجله ابي البس عدولي بس لجل عيونك يا ام عبد الكريم راح الرد عليك يا قمر

احلى وردة غسان مو مستوصف هو مستشفى وبصراحه انه روعه اما ابها الخاص الله لا يرده << تجربه مريرة على ولدي البكر خياطه زفت وميمي نفس الشي ولدت عندهم وتشكي من الم الخياطه اكثر من وحده ولدت عندهم وماش خياطة يتعلمون في الحريم لانهم قابلات مو طبيبات اللي يولدون

ام عبد الكريم
انا ولدت عند الدكتورة منى السودانيه في غسان فرعون وقبلي ولدت عندها حماتي واختي وكلنا نمدح خياطتها وتعاملها وتعامل الممرضات يمين بالله انه رووووووعه بس انتي بعد زوريها وافتحي ملف وشوفي كيف

بكتب قصة ولادتي بالتفصيل بس افضى انزلها لان مابعد خلصت الاربعين وعيالي مزعجيني
لكن من تجربة شخصيه والله انها طويله بال وحنونه وخبره وخياطتها رهيبه ما كاني خيطت >>> اتكلم عن الم الخياط اما الي بالي بالك باقي لا خلصت الاربعين قلت لكم كيف الوضع وان شاء الله انه تمام

تراها خبره كانت في المدني 15 سنه ولها اللحين 3 سنوات في غسان الله يكتب لها الجنه وييسر امرها يارب والله اني دعيت لها من قلب يدها خفيفة مرررة الله يسعدها


احلى وردة ترى القصة اللي صارت بالولادة في مستوصف صارت في خميس مشيط ونقلوا الحرمه لرياض لان وضعها تازم اعطتها الطبيبه طلق صناعي وكثرت الجرعه وما كان فيه تجهيزات للحالات الطارئة لانه مستوصف وانجر رحم المسكينه
في مستوصف الاقصى والمرة عندها بنتين الصغيرة تدرس رابع وما صدقت بهالحمل جابت ولد ومات حسبي الله على هالطبيبه وهالمستوصف


عرفت قصتها لانها مشرفه في الكليه الادبية زميله بنت حماي يعني الكلام صدق زطلعت في سبق ومن بعدها منعوا الولادة في المستوصفات

على فكرة ام عبدالكريم لا ما يدخل معك احد غرفه الولادة وبصراحه ما راح تحتاجين لاحد لان فيه ممرضة بتجلس معاك بالغرفه اللين تولدين والطبيبه تروح وترجع كل نصف ساعه ولما يفتح 6 سم تجلس الطبيبه معك اللين تولدين لانها بتكون لك لانك طالبتها وهي متابعه حالتك بصرحه روعه مو مثل ابها الخاص ممرضات وقابله وحده لخمس حالات وتجلسين بغرفه الولادة لوحدك

ام رنيم الطبيب اردني اوقات يكون زحمه بس انتي روحي له وقت دوام الصباح عشان الناس في اعمالهم او روحي الخميس بدري الساعه تسعه وتسعه ونص يفتح عيادته

[أم رنيم وسديم1]

مشكوره يالديماس الله يصلح لك عيالك يارب ويهديهم لك
ان شاء الله بس يفضى أبوه راح اوديه وهذي اخر تجربه بعدها خلاص تعبت واحرق اعصابي بدون فايده

[أم رنيم وسديم1]

احلى ورده اسم الله ع بنتك والله انك صادقه باقي ينزل وزنها مع التعب ماعليك من كلامهم اهم شي انها بخير والله ولدي عارفه انه وزنه قليل والمفروض انه 25 وزنه بس وش اسوي عجزت فيه الله يصلحه مع انه انولد ووزنه الحمدلله كيلوين و800 بس سبحان الله 😔

[أم رنيم وسديم1]

وينكم يا اخواتي الجنوبيات الغاليات 😘😘😘