السلام عليكم سعادة الروح أرجو ان يكون ماتقدميه في ميزان حسناتك يارب ويسعدك
انا حامل مثل ماهو موضح بالشريط خلاص بنص التاسع بالسونار قالولي بالرابع والخامس ولد اكيد وبعدها قالو بنت وآخر مرتين قالو الحبل السري بين الارجل وصعب التحديد
انا طبعا مو فارق معايا لأَنِّي الحمدلله عندي ولد وبنت وده ثالث حمل ليا على خير صحيح اني فرحت لمن رجعو قالو بنوته لان بنتي نفسها ببنوته وهي الكبيرة على اي حال كل اللي يجي من الله يامحلاه عندي كم حلم وأتمنى وقتك يسمح لتفسيرهم
الحلم الاول كان قبل الحمل بأشهر حلمت اني ماسكه ولدي الصغير وجالسه أرضعه من صدري مع العلم اني كنت قد فطمته
الحلم الثاني حلمت في ولدي ده نفسه انه طالعله ضرس من فوق جهة اليمين وكان وقتها اضراسه قاعده تنمو برضو الحلم قبل أشهر من الحمل
ليلة اللي حللت ودريت اني حامل حلمت انه انا وأختي السوق نشتري عبايات واشتريت انا وياها عبايتين ع الكتف مرا حلوة وفخمه مع العلم انها غير متزوجه والتفسير صدق بالنسبة لها لانها عن قريب اتخطبت
والاحلام الباقيه احلم بأخي كثيراً وآخر حلمين حلمتهم اني اتزوج وجالسه ع الكوشه والكل يبارك لي
وانه اشوف نفسي في مكان ووحده تتصفح مثل الدفتر الكبير وتقول لي اش ده اقولها زوجي وهي تطالع في صوره له وهو بالبشت وانا بفستان الزواج جالس يقبل جبيني وتقول ماشالله اش اسمه اقولها اسمه صالح مع العلم ان هالاسم مو اسم زوجي :)
ومرت اخوي حلمت فيا حلمين حلم إنّو تشوفني ولدت خلاص بس ماشافتني انا شافت البيبي وهو معطيها جنبه وهي مو قادره تعرف نوعه بس تفكر إنّو بنت وكان دكتور واقف جنب البيبي يبغى يقص مدري اش بيعمل وزوجي واقف معاه خايف ومتوتر ومرت اخويا ومعاها ابوها جالسين يخاصمو زوجي يقولوله حرام عليك البنت تختنوها بطلو هالعادات من زمان وهو يطالع فيهم ويقولهم ماااهي بنت ده ولد
وحلمها التاني حلمت انها تشوفني انا وولدي نايمين بغرفه كبيرة من دون مكيف وولدي حران مو قادر ينام قامت قالتلي خلاص نامي انتي وياه وانا بأخذ اخوه برا وأنتو ارتاحو وأقول لي اللي أخذته نفس وجه اللي بالحلم الاول
مرا خايفه مرا من أحلامي وأتمنى تفسريها وتريحيني