تجمع اللي بيولدون في شهر ذو الحجه

عسله · 09-05-2011, 06:50 AM

قلبو
عندك قرية مدري واحة الجلابيه ارواب النفاس
انا سمعت ان نعومي عنده بس مدري أكيد ولا

الله يسهلها لكي

بالنسبه الأعشاب أسالك ماما لانها كانت تسوي لاختي واديكي خير

حبيبة موني · 09-05-2011, 11:22 AM

اهلييييين قلبي مدينه ،،

انا الحمدلله كويسه واوضاااعي تمااااااام بس ليا يومين ماسكني الم في جنبي اليسار جهة الكليه مررره متعبني وان شاء الله في موعدي اشوف ايش حكايتو

عسله ،،

ياحياااااتي الله يخفف عنك ياااارب حاولي تريحي نفسك وضرووري تشوفيلك دكتورة شاااطره عبال ماترجع دكتورتك

عطر المكان ،،

الله يعينك وتخلصي تجهيزااتك بس عجلي احس خلاااص ماباقيلنا وقت

عسله · 09-05-2011, 02:36 PM

حبيبة موني
الف سلامه عليكي
ان شالله كل خير يارب

اليوم روحت لدكتور
احلي مافي الموضوع من يوم مااجي دوغري يدخلني أموت انا ع الواسطات هههه
الحمدلله تمام ضغطي وولدي كمانا
بس قالي لازم ماتنشي دحينا تريحي مراااا ع الاخر عشان رجليني الله يكرمكم
منفخه قال لايزيد الزلال
سالته انا في اي اسبوع

ع حسب السونار 30 نص التامن
وقال كل 10 تدخلي شهر
تولدي يوم 12/10
فرق بينه وبين دكتورتي يوم

والحمدلله

حبيبة موني · 09-05-2011, 03:05 PM

دحين في الاسبوع الكم ندخل التامن؟؟؟ والاسبوع الكم ندخل التاسع

وكمان ابا اغسل ملابس النونو ،، فين الاقي صابون غسيل ملابس الاطفال ؟؟؟؟ << مالقيتو في السوبر فين القاه

حبيبة موني · 09-05-2011, 03:07 PM

عسله

ياااعيني ع الواسطات ،، الحمدلله اطمنتي على البوبو

انتي ولادتك 10/12 هجري ولا ميلادي؟؟

GhoOosha · 09-05-2011, 07:56 PM

عسله مره شكرا حبيبي..من جد استناكي تسالي مامتك وترديلي
وبالنسبه للشهر الثامن تدخليه في الاسبوع 31 ويوم مو 30..والتاسع 35 و5 ايام

حبيبيه موني..بالنسبه للصابون خدي الصابون المبشور هوا انعم شي للاطفال وغسيليه معا كمفورت وخلاص بعدين حطي الملابس فس بوكسات في الدولاب عشان لا تتغبر البوكسات تلقيها في ايكيا
والله يسهل للجميع

عسله · 09-05-2011, 08:32 PM

الاسبوع 31
اجل دا الاهبل كيف يقول دخلتي التامن ههههههههه
وربي انا حسيت انو من جنبها
بس تجي ماما من خرجتها ع طول اسألها

حبيبة موني
12/10 بالهجري
وصح كلام العسوله بصابون المبشور

قلبيــ مدينهــ · 09-05-2011, 09:56 PM

الله يسهل على كل حوامل هدا التجمع ...

عسله ..أنا أصبع السبابه في يدي اليسار ما اقدر احركه منفوخ ولونه كدا متغير واصابع يديا كلها توجعني ومنفوخه وكمان رجولي منفخه سألت الدكتوره قالت عادي مع الحمل واحيانا يدي تنمل وقت النوم اقوم مفجوعه وما احس فيها مع ان وزني عادي موكتير بس الله يسهل علينا يارب ....نفسي يا عسله تقولي لنا على الاعشاب اللى من مامتك نفسي ابدأ اجهزها ...
GhoOosha من زمان عنك ...الله يهون عليكي انتي تقريبا اول وحده فينا موعد ولادتها....
حبيبة موني الف سلامه عليكي وكتري شرب المويه ...

موف · 09-05-2011, 11:21 PM

اهلين بنوتات
الحمد لله اليوم رحت المستشفى وطمنتني الدكتوره تقول مافيك الا العافيه تقول الم الظهر والارجل طبيعي مع انه قوي ساعات بس الحمد لله ,,,,اليوم جاني رعب من كشك الولاده احس اذا دخلته تجيني حاله نفسيه بس على قولهم من بغى الدح ماقال اح
احس اذا وقفت وبذلت اي مجهود على طول ظهري ورجولي وشد ببطني الله يعيننا ونعدي ذا الشهر على خير

موف · 09-05-2011, 11:35 PM

قلبي مدينه الدكتوره اليوم تقول التنمل طبيعي مع الحمل انا فخوذي تنمل مرررررررررررررره الف سلامه عليك

عسله الحمد لله انك تطمنتي على صحتك والدكتوره تقول تدخلي الثامن الاسبوع31 تقول كل يوم 9 تدخلي شهر
حبيبة موني وربي انا نفس مشكلتك اذا نمت عالجنب اليمين احس كليتي بتنفجر وبرضه عاليسار واحس اني انخنق وما اقدر اتنفس وعلى ظهري الم فضيع مع رجولي يعني جيبي لي حل كيف انام

انا كمان لسا ماجهزت ولا شي انشا الله ربك ييسر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM