دردشة بنات العراق, دردشة حوامل العراق , تجمع بنات العراق

[منى عمري]

اتشرف بيج وباهل بغداد الطيبين
نوم العوافي حبيبتي والله شعندج كاعده من الصبح
اني اليوم جان عندي مراقبه فرحت للدوام وفتحت من الصبح نت

[المهندسة ام تيم]

حياتي واني اكثر كلش احب الجنوب الطيبين المسالمين
ليش انتي مدرسة ..؟ ديري بالج توكفين هوااية ترة موزين كعدي لان هسة وزنج ثكيل..

[منى عمري]

لا معيده بالجامعه بكلية طب الاسنان
بس مو تعيين اجر يومي والله هده العميد وكال لتجون بس ايام المراقبه
ورئيس القسم حباب خلالي بس يوم واحد مراقبه
لا والله اليوم شويه اوكف وشويه اكعد يعني بين بين

[منى عمري]

اي والله صدك وزني ثكيل صاير واني ناعمه
زوجي يكلي رجليج اصغيرونات مايتحملن وزنج ههههههه كتله خاف اتكرم منا للتاسع
لان من اكعد الصبح املزمه بالكنتور وبالجربايه وامشي
يلا الله يهونهه انشالله

[المهندسة ام تيم]

ماءالله عليج حياتي انتي طبيبة اسنان بس هم الاطباء تعيينهم مركزي شون اجر يومي..لو انتي موظفة بالكلية

[منى عمري]

لاحبي مو طبيبة اسنان اني خريجة علوم بايلوجي بس بالمختبر ادرسهم احياء طبيه

انتي شعجب ليهسه ممتعينه

[المهندسة ام تيم]

ههههههههههههههههه الله يهونه عليج ياااارب ويفرحكم بألطفل ياااارب

[منى عمري]

حبيبتي تسلميلي ويهونه عليج رب العالمين وتكملين حملج وتجيبين للدنيا احلى نونو

[المهندسة ام تيم]

والله التعيين ببغداد مو مثل المحافظات بالمحافظات اسهل تصوري اني ماجستير حاسبات وكاعدة شسوي الا واسطات وهسة حمل وعندي نزول وقبله هم جنت حامل يعني مااكدر ادور شغل اهلي اخاف يتعبني ويأثر على حملي
الظاهر نصيبي بالحمل هاية الصعوبات بلكي تعدي والله يعوضني وكلشي فدوة لحبيب امه البيبي

[منى عمري]

يلا حبيبتي اني راح اكوم احضر للعشا
وهم راح ياذن اصلي واسوي العشا وراجعه