دردشة حوامل أهل القصيم - دردشة بنات القصيم - تجمع حوامل القصيم

[؛بيلسان؛]

صباح الخير ياكروشات وينكم ما عاد تدخلون التجمع وتقلون لنا اخباركم
انا من السابع والرحم منفتح عندي ا سم ودخلت طوارئ النساء والولاده وقالو تنويم على طول ودخلت قلت بجرب اذا انفتح الرحم زياده طلعت لان ناويه اولد بالحبيب ودخلت من الظهر ولا شفت احد الى المن بكره الظهر الا الممرضات السعوديات اللي شايفات انفسهن يحسبنهن اخذات شهادات الماجستر ياليت يردن او يعطن وجه او يقومن بوظيفتهن وقمت لبست عباتي وزرحت لمهم يقولن الدكتور يجيك بعلم الغيب يمكن الحين يمكن بكره يمكن بعد سنه بالله هذا منطق رفعت ظغطي قلت يعني لو بموت عادي استنى لحد ما يجي الدكتور بعلم الغيب قلت طيب بطلع على مسؤليتي قالو كمان لا لحد ما يجي الدكتور ويكتب لك خروج وانا كان عندي موعد بالحبيب الساعه 11 المهم شفتهم ما عطوني وجه ورحت للغرفه وفكيت المغذي وحلته بالزباله وطلعت وجابوا الامن والاخاصيه الاجتماعيه على باله بتقنعني وازفهم ذيك الزفه وشكلهم قالو ذي ما به فايده خلوه تطلع قالوا لازم تمرين شؤن المرضى وكان زوجي تحت وتسحبت انا وهو واثرهم ناويين يولدوني م يبون يعطوني مسكن للطلق حسبي الله عليهم ورحت للحبيب وانهبلت الدكتوره يوم قلت له بيولدوني قالت لا لازم مسكن للطلق واذا ما فاد تولدين واتنوم عندهم يوم بس فرق بالعنايه والمعامله سبحان الله بس والله ما استفدت ورحت لموعدي امس كملت اسبوع من التنويم وقالو لازم تنويم وطلعت على مسؤليتي وشاشت الدكتوره علي لاني ما تنوم واقوله عطين مسكن للطلق قالت لا لازم تنويم ما فيه شي للبيت وارجع للبيت وانا واليوم الفجر رحت للملك سعود كشفت علي وقالت ما بك ولاده وعطتني مسكن وانشاء اللله ما راح تولدين والله فرحت وتغيرت نفسيتي طولت عليكم بس بقولكم معاناتي مع المستشفيات
والله يهون علي وعليكم باذن الله

[ام رموسه]

الله يكون بعونك بيلسان
والله هالمستشفيات حضوض يا تطحين بدكتورة زينه او الله يعين بس
والله أنا الى الان مادري وين اولد مخليته على الله بس*

[|| A L W A N ||]

هلاوات ام رموسه كيفك حبيبتي؟

الله يحفظنا ويهون علينا يارب

هالمستشفيات بعضها مصايب .. ما لنا عنهم.. والله الحافظ.. وما رايح يجينا الا المكتوب علينا..

انا الان لي اسبوع تقريبا بالتاسع.. وعلى اعصابي.. خااايفة من الولادة.. كني ما جربت 5 مراات..!!
ونفسيتي زفت.. وضغطي حوسة من الخوف.. واعررررررررررق والمكان برررررررد..

يااااااااااااااارب يهون علينا جميعا .. ويسير ولادتنا.. ويقر عيوننا بصلاحنا وصلاح ذرياتنا..
--------------------

[فتاة القصيم]

صباح الخير.....
وينكم يا جماعه .. اشوف الحااال واقف

[حبيبة فوفي]

السلام عليكم ورحمة الله وبركاته
اهلين وه بس يازين الكروشات متى تكبر كرشتي

انا حامل بالشهر الثاني والله يعين الوحم عامل عمايل
ياليت تفيدوني انا اول مرة احمل
لمى رحت المستوصف سحبو مني دم عشان التحاليل وطلع معاي< سكر حمل> صراحة خفت انا ماعندي خلفية عنة وكيف اتعامل معاه
دكتورة قالت راح نعطيك تحويل للولادة يتابعو معاكي السكر ويعيدون التحليل
بليييييز ياليت تفيدوني بالموضوع بروح للمستشفى السبت ان شاء الله
اممممم وبعد طلب كيف احسب دخول كل شهر
مشكورين خواتي الكروشات لاتنسوني تكفوووون

[فتاة القصيم]

حبيبة فوفي
اعطيك بعض المعلومات لاني معي سكر بس مو سكر حمل سكر عادي و اخذ انسولين مرتين باليوم .. بس والله ما انضبط معي السكر من يوم حملت يا مرتفع او نازل .. الله يكون بالعون ..
شوفي خليهم يقيسون السكر قبل الفطور يعني وانت صايمه وبعد ما تفطرين بساعتين ويشوفون النتيجة عاد يا يعطونك علاج او تكفي الحميه.. و اشتري جهار تحليل السكر موجود عند صيدلية الحبيب اريح لك علشان تطمنين .

[حبيبة فوفي]

مشكورة فتاة القصيم على الرد
والله انا ضايق خلقي احد يقول لي عادي واحد يقول لازم تسوين حمية
حتى وزني زااااااد من اول حملي وثيابي ضاقت علي ههههه وانا باول الحمل
ولا حتى اكل ماني عارفة ايش السببب
ممكن طيب تفيدوني كيف احسب انا باي شهر
اخر دورة نزلت معاي 1\6 \1432

[طيف الغربة]

ربي يسهل عليكن حملكن جميعاً

[|| A L W A N ||]

غاليتي حبيبةفوفو
اذا كان التاريخ هذا هو اول يوم من أخر دورة فموعد ولادتك بالميلادي 8/2/2012
وبعد تحويله للهجري يطلع 16-3 -1433هـ بإذن الله تعالى
يعني انت الان بالشهر الثاني وبتاريخ 16 من كل شهر تدخلين شهر جديد..

اما السكر حبيبتي ما عندي اي معلومات وان شاء الله البنات يفيدونك..

أخباركم ياااااااااااااااااااااااااااااناس ليش نايمين؟؟؟؟؟؟؟؟؟؟؟؟؟؟؟؟؟؟؟؟

-------------------

[حبيبة فوفي]

شكرا يالغالية
من جد الحال نايم بس الله يكون بعون الكروشات
اكيد من التعب والاجازة