دردشة بنات فلسطين, دردشة حوامل فلسطين, تجمع بنات فلسطين

[عيـ‘ـون المهـ‘ـا]

كيفـ ــكم صبــايـاااا

هلا بضيفاتنــاااا الجـــدااااد

سهـــى مسائك ورد و ريحان كيفــــك؟؟؟
الحمد لله انك طمنينا عليكي و على جنى ~ ربي يتمم الك على خير و يختارلك الافضل
كيفهم الاولاد خلصو امتحاناتهم ::بالنجاح يارب::


عسولة فلسطين خلينا نضل نطمن عليكي لا تغيبي كتير ان شاء الله تكوني في احسن حال
ربي يجعل الرضا يغمر قلبك

[سهى2012]

المشاركة الأصلية كتبت بواسطة عيـ‘ـون المهـ‘ـا

كيفـ ــكم صبــايـاااا

هلا بضيفاتنــاااا الجـــدااااد

سهـــى مسائك ورد و ريحان كيفــــك؟؟؟
الحمد لله انك طمنينا عليكي و على جنى ~ ربي يتمم الك على خير و يختارلك الافضل
كيفهم الاولاد خلصو امتحاناتهم ::بالنجاح يارب::


عسولة فلسطين خلينا نضل نطمن عليكي لا تغيبي كتير ان شاء الله تكوني في احسن حال
ربي يجعل الرضا يغمر قلبك

حبيبتي عيون المها

أنا بخير ياروحي والحمد الله مع علاج ودعاء لربنا طبعا انا بخير

الصغيرة ماشاء الله عليها بفضل ربنا وبنصيحتك لي زاد وزنها صارت 2كيلو و400 غرام والحمد الله بلشت رئتين بالنمو بس طبعا بطيئ لانه سكري عندي مرتفع عليها حتى مين بيشوف بطني وحملي بيفكروني بشهري التاسع وحامل بتوأم وطلع كل هاد ميه حولين جنى كتيره بسبب سكري

اما بخصوص رجلي تحدد لها عملية بعد ولادتي وباخد لها علاج تجلطات دموية

أولادي الحمد الله خلصوا امتحانات وكتير مبسوط فيها لأنهم الحمد الله قدموا كتير منيح هما بفضل من ربنا من ممتازين في مدرسة بتنافسوا مع بعض مين يكون اشطر وحاليا وعشان ما اطلعهم على شارع راح نعمل لهم مسبح في البيت عندي لانه بيتي كبير فيه الارض كبيرة وفيها شجر وهيك بعمل لهم مسبح عشان يقضوا اجازة بالبيت وكمان رمضان حرام بيجي في شوب وهما كلهم بيصوموا وبيصلوا سنة الماضة عملنا لهم مسبح في الارض وكيفوا عليه وسنة هي راح نعيد تاني فكرة عشانهم

انتي كيفك وكيف بناتك ان شاء الله بخير وامتحاناتهم يارب بتوفيق والنجاح الباهر

كيف توأم ان شاء الله بخير قربت خلصي سابع يارب تمم الك على خير وعافيه حبيبتي ماتحرمنا منك ومن كلامك عسل ودائما خلينا على تواصل

[احساس أنثى]

حواء كيف بدهم يوصلولك هلشغلات وسما من غزه ؟؟

[سما الدنيا]

نو انا مش من غزة انا ساكنة ببير زيت بتبعت اي حد عرام الله قريبه كتير عبيت لحم وبياخدهم...

[سما الدنيا]

مساء الخير طله عالسريع شو عاملين

[سهى2012]

مرحبا صبايا كيفكم اليوم

ما شاء الله عليكم منورين دردشة ومنتدى بتواجدكم

وكلامكم الحلو وطبخاتكم ام عزمي هلا فيكي بينا

بينك روز صحة وهنا على معكرونة بدي اطمن على اسراء شو اخبارها وكيف هي ان شاء الله بخير

جارة وسما وعسولة وام يامن وغموض انثى وحواء مثالية يسعد مساكم والايامكم طمنوني عنكم حبيباتي معلش بتأخر عليكم كل مرة بس دائما انتو في بالي ومابنسى صحبتكم وكلامكم حلو متلكم

[سهى2012]

سما ياسما

بسم الله وماشاء الله على ابنك عسل ربنا يحميه ويحفظه من كل شر

يتربى بعزك وعز ابوه ان شاء الله وتشوفي على راسه صبيان وبنات قولين امين يارب عالمين

احلى شي الامومة واصعب شي بالحياة تربيتهم وهما زهرتنا وثمرت تعبنا بالدنيا المال والبنون زينة حياة الدنيا

الله يحميه ويحفظه لك ياسما يسعد مساكي ومسااااا ابنك عسول

[عيـ‘ـون المهـ‘ـا]

تسلملي هالطلــــه الحلـــــوه سهــــــى

************
الحمد لله شو بفرح لمى بسمع اخبار حلوه عنك و عن امورتنا جنى من زايد الى زايد ان شاء الله ,, بفضل الله انو وزنها صار احسن و وضعها مستقر ,,
و ربي يعافي رجلك من كل شر و يتمم عمليتك على خير و يكتب الك في كل خطوه سلامه ,, بعز علي انو يصيبك لا سمح الله اي شي يدايئك ,,لانك بتعرفي معزتك في قلبي ,, المحبه من الله شو اعمل
ربي يخليهم الحلوين(ندى , فراس , مجد) و دائما يرفعو راسك و يوصلو لاعلى الدرجات
متل حبوباتي اسيل و لانا كتير مبسوطه منهم انا و زوجي و السنه كافئناهم ب
new bike & android tablet
و مشروع البركه كمان كان من ضمن مشروعنا انا و زوجي السنه للبنات لانو متلك عندنا ارض خضرا و كبيره و كل اسبوع لازم زوجي يقص الحشيش ما شاء الله بطول بسرعه لانو هون عندنا رغم صيف بس كتير بيجي عندنا مطر و لهيك بحكي لزوجي
البركه بتاخد مساحه و بتخفف عنك شوي,, و عندنا 2 من جيرانا عندهم بركه و بناتي
كل مره ماما تعالي شوفي عم بسبحوا ,, و نحنا ما بدنا نروح على الYMCA
بدنا وحده خاصه فينا ,, رغم انا و زوجي ما كنا مقتنعين بالبركه بس خلص حكينا السنه بدنا نرضيهم ,,, و كمان عندهم slide <swing بس خلص بدهم شي جديد ,,, ان شاء الله السنه اولادك و بناتي بيقضوا وقت ممتع بالصيف
و الحمد لله قربت خلص السابع بفضل الله ,, و حمل التوام مش سهل ,,, تعب و تقل غير شكل عم بعد بالايام و الاسابيع ربي يهون علي و على الجميع
و الحديث معك لا يمل ابداااااااااا

كل شي بسير معك جديد خبرينا حبيبتي لحتى نضل ندعيلك انا و كل الصبايا هون
لاني بعرف معزتك عندي و عند الكل
اتركك في حفظ الرحمن و ربي دائما يقدم الك الخير سلام خاص الى حبايب قلبي
ندى و فراس و مجد و جنى بس ممممممم جنى اكتر شوي ههه(*_^)

[عيـ‘ـون المهـ‘ـا]

مساء النــــور و البسمـــه هبــــه

[عيـ‘ـون المهـ‘ـا]

ايه سهـــى صحيح كنت بدي اعلّق على شي
بخصوص الصلاه ,,حكيتي انو اولادك كلهم بصوموا و بصلو
ما شاء الله,,
اسيل بنتي قد ندى ربي يخليهم الحلوات
هلآ انا عندي مشكله انو لازم على كل موعد صلاه ازكر اسيل و لانا ,,,و بتعرفي ما في اذان هون عندنا للصلاه
فنزلنا على الكمبيوتر عندنا اذان على كل موعد صلاه
و رغم هيك بضل ازكرهم لانا اسيل صلاتو ماما
كيف ندى لحالها بتزكر لمى بتسمع اذان و ألا انتي كل مره بتزكريها ؟؟؟
بحكي لانهم لسى صغار مش عم بركزوا بمواعيد الصلاه
بحكي لآسيل ولولو
الرسول صلى الله عليه و سلم حكى (علموهم سبع و اضربوهم عشر)
بتحكيلي اسيل بس انتي ما بتضربينا ماما
بتحطني في مواقف محرجه البنت هههههه