أحلى تجمع لحوامل التوأم الجزء الرابع

[فوائد]

بنات توي جايه من الدكتوره يا حبي لها قلبها وسيع
المهم قالت واحد عمره بالسونار 14 اسبوع والثاني عمره 13 أسبوع و4أيام
قالت الاول ولد 100%
والثاني بنت أول شي قالت مو أكيد بعدين قالت اكيد

قلت لها والمشيمة قالت وحده وفوق
قلت اللي أعرف ان المشيمه الوحده جنس واحد قالت لا مو صحيح
قلت أنا آخذه منشطات قالت عادي

هذي ثاني دكتوره تقول مشيمه وحده

وطمنتي على صحتهم الحمدلله


الله يتمم للجميع ويعوض اللي فقد غاليه اللهم آمين

[فوائد]

لاظوا عمارهم بالسونار أكبر من الشريط غريبه!

[دلع غربي]

ياقلبي ياسوم كلنا حاسين فيك وياربي تصبرك وتربط ع قلبك وتخلي لك بنتك يارب

[دلع غربي]

فوائد غريبه انا دكتورتي قالت لي لومشيمه وحده كنت قلت لك نفس النوع قالت لي انتي مشيمتين يانفس النوع يامختلف انا اللي فوق من اخر الثالث يقولون ولد واللي تحت كل مره مو واضح ومره قالوا بنت

[رزان عبدالعزيز]

بنات نصيحه حافظو على الاذكار والرقيا الشرعيه

كنت بخير ومافيني الا العافيه الين الاربعا اللي راح رحت استراحه

اليوم الثاني بدت معي حكه في البطن وبسرعه طلعت حبوب حمرا وانتشرت بعد يومين

صارت في كل البطن واليدين والرجلين وفيها حكه فضيعه المهم رحت للدكتور وعملت تحليل انزيمات الكبد

طلع واحد من الانزيمات مرتفع وهو اللي يسبب الحكه يقول لازم نتابعه اذا ارتفع زياده لازم تولدين

واعطاني ابرة كورتيزون يقول نفس الابر اللي يعطون للرئه بس عطاني هي عشان الحساسيه

واعطاني حبوب كرتوزون ...

يقول ماتضر الاجنه بس ممكن تخف حركتهم شوي

ارجع اقول التحصين والاذكار لاتهملونها ولو تتركون حضور المناسبات يمكن احسن

[jood]

الله يشغيك رزان
ويقر عينك بسلامة أجنتك
والله المناسبات انا مودعتها من ايام النزيف
للحين على فراشي
الله يعظم اجر امهاتنا
ويغفر ذنوبنا بهالتعب
طمنينا عليك

[وسيمو محمد]

السلام عليكم حبيباتي
أنا اختكم من المغرب
ربي يثبت حملكن و يرزقكن بالذرية الصالحة
بس أنا زعلانة منكن لأنكن بمجرد تحملون بتنسونا نحن اللي بننتظر الحمل على أحر من الجمر
لا تنسونا حبيباتي
ممكن تشاركو معانا بقصصكم في الموضوع ده كي نستفيد
جزاكن الله خيراااااا
هذا رابط الموضوع
http://forum.hwaml.com/t233677.html

[jood]

هلا بيك
ونتمنى لكم الفائدة
بس الحمل ماكان بعلاج ولله الحمد

[اوراق الخريف]

الله يربط على قلبك اسوم حبيبتي ويصبر قلبك ويفرحك بطلعة بنتتك وانا اريد وانت تريد والله يفعل مايريد والخيرة في مختاره الله وعسى ان تكرهو شيئا وهو خيرا لكم الواحد مايدري ياقلبي وين الخيرة فيه اصبري واحتسبي وجعلها عصفورة من عصافير الجنة وشفيعة لكم يارب ويعوضك خير في اخيتها يارب




اوراق الخريف

[رزان عبدالعزيز]

المشاركة الأصلية كتبت بواسطة jood

الله يشغيك رزان
ويقر عينك بسلامة أجنتك
والله المناسبات انا مودعتها من ايام النزيف
للحين على فراشي
الله يعظم اجر امهاتنا
ويغفر ذنوبنا بهالتعب
طمنينا عليك

تسلمين ياقلبي مشكوره

ايام وتعدي الله يصبرنا بس

والله يتمم لنا على خير جميعا