.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة غايتي الجنة

اهلين بنات

انا اليوم النفسيه مب خوش كل يوم حال


الله يعين

بنات اكثرو من الدعاء والله يقبل دعاءنا يارب


وهلا وغلا بالغالية اعز

سلامه ماتشوفين شر فقدنك والله

انا ماادري وشلون اتخيلي نفسي بعد الولاده من دون التجمع احس بيقل دخولي للمنتدى

لازم نشوف لنا حل

ربي يبعد عنج كل ضيقه وهم يارب..
تعوذي من ابليس وصلي ركعتين وربي يريح قلبج ..
انا يوميا اقرا سورة مريم قبل انام .. منزلتها بالجوال واقراها ..
واقري سورة الواقعه لها مفعول سحري في كل شي ماشاء الله
وتجيب الرزق ..

اكيد بنطل على بعض كل ما نفضى من النونو .. بس شعور كريه لما تحسين بتفقدين شي حلو .. وتعودنا عليه ..

[meska]

المشاركة الأصلية كتبت بواسطة marawy

هههههههههههههه يعني ابوج معاهم علينا . ياساتر ..
وكله كوم والخوف اللي خوفج اياه كوم هههههههه ما قالت بنتي بسم الله عليها هههههههههه

من جد الدكاتره تعودوا على الامراض والبلاوي .. فصار عادي عندهم تمر عليهم هالاشيا ..
امي من كم يوم تسولف لي عن خالتي .. آخر بنت ولدتها جات منغوليه من متلازمة داون بسم الله علينا ..
تقول امي طلعوها من الولاده اشوف البنت احسها مو طبيعيه !
تقول وانا ساكته خفت اتكلم .. بعدها جاها الدكتور قال لخالتي قالوا لج بنتج وشفيها !؟ قالت لا وشفيها !؟؟
قال بنتج مريضه ومعوقه ومنغوليه !!! تقول امي خالتي صار وجهها احمر وارتفع الضغط عندها واغمى عليها وبعدماا قامت صارت
بس تبكي .. اقول لها طيب والدكتور شنو ردة فعله ! تقول ولا همه قال كلمته وطلع من الغرفه ! ههههههههههه تخيلي ..

ومن فتره ام زوجي مره كبيره بالعمر .. وعينها صار فيها ماي ابيض . راحت المشتشفى الحكومي قالت للدكتورة ما اشوف من عيني ..
كشفت عليها من غير نفس وبعدين قالت لازم عمليه بس ما اشوف له ضروره ! قالت ليش يعني !
تخيلي شنو ردت عليها !!! ههههههههههههه قالت لها انتي خلاص انتهت صلاحيتج حتى لو سوينا العمليه مافي فايده !!
ام زوجي صارت تطالع فيها متعجبه ! ردت عليها وهي طالعه اجل لما امج تصير كبري ارميها بالزباله لان انتهت صلاحيتها ..!!
وربي يقهرون .. وشي يلحس المخ !

لااااااااااااا انتهت صلاحيتك هذذذذذي قووووووووووووووية.... والله ماعندها احساس..\انا جدتي عندها سكر وقلب وفشل كلوي وكبييرة .. الله يخليها لنا ... وماااااتشوف ابد
الحين سوت عملية موية بيضاء بعيونها والحمدلله هذاهي تتمشى لحالها بالحوش

الله يهديها الدكتورة

[Marawy]

المشاركة الأصلية كتبت بواسطة noga88

امس كان موعدي بالحكومي ... طبعا انا ماراح اولد عندهم بس اراجع علشان يعطوني اجازه
الموووهم .... رحت موعدي كان 10 الصبح
سوا لي سونار ماتكلم معي هو وجهه .. طبعا الممرضه كشششش وجه تنافخ
سالته عن الوزن طبعا مايجاوبون لو تموتين قال زين وبس
وبعدين طلب مني اسوي اشعه رباعيه قلت ليش قال سويها وارجعي لي
لما رحت بسويها كان زحمه وقالوا لي تعالي يوم ثاني
رجعت لدكتور قلت له اللي صار ...
عصصصصصصصب وقام وتخانق معهم ودخلني غصب عنهم
وحط دائره على كلمه مكتوبه بورقتي لما سالت الممرضه قالت يعني ضروووووري تسوين اشعه
انهببببببببببببببببببببببببببببببببببببببببببببلت جاني مغص
وكملتها وحده سخييييييييييفه الله يسامحها تقول هالغرفه مايدخله الا اللي عندهم تشوهات بالجنين
قالت لها وحده انا مو حامل طيب ودخلوني بالغرفه تدرون وش قالت لها!!
معك اورام ... كشششششششششششششش في ناس ماتعرف تتكلم
الموهم سويتها ... وانا على اعصابي
ورجعت للدكتور طبعا ينافخ وشايف نففسه .. قال كل شي تمام اشوفك الاسبوع الجاي تخيلوا!!!!!!!!!!!!!
الحمد الله انه تمام بس ليش كذا
ولا تجين الا معك مغص ودم
طلعت معصصصصصصصصصصصصصصصبه
صادق المثل اللي يقول(هين قرشك ولا تهين نفسسك)
مسسسسسسسسسك ... بهاللحظه ماتذكرت الا انتي بعذذذذذذذذذذذذذذذذرك
حسبي الله عليهم ..... كان نشحذ منهم يطمنونا
ماعاد اروح الا مستشفى خاص حتى اجازه ماابي
وبس طولت عليكم

يا الله شي يبط الكبد ويفقع المراره ههههههههه شنو شعوره هالدكتور وهو مسوي كل هالاكشن وبالاخير يقول لج تمام .!
لو انا منج اقوول له بدل ما تقعد على الكرسي اقعد تحته ! لانك مب كفو تصير دكتور !!!

والممرضات وين عايشين ! على بالهم مستشفى ابوهم ! ههههههههه وكله كوم واللي تقول فيها ورم كوم !..
ورم بعينها هالممرضه بدون فحص تقول ورم لو فحصتها وش بتقول !!! احتمال تقول لها انتي اصلا ميته ههههه8ههه

حسبي الله ونعم الوكيل

[غايتي الجنة]

الله يعين يامرواي

انا اذا شفت الناس ولدو قلت مثل مااولد راح اولد

اصبر نفسي ياعمري

بس اتوقع اذا جاء وقت الجد بكون مهبوله بكذا الوقت من الوجع ماادري ليش؟؟


الله يغين ويسهل علينا يارب

[قصيميه وافتخر]

هلا مرواي انا تمام حمد لله والنونو تمام

بس الامساك الله يكرمك متعبني شوي مع الضغط اسفل بطني

كل يوم اقول شكلي بولد بس ربي للحين ما اراد ربي ييسر ويسهل

مخرجه ويرزقنا الولاده السهله انا والجميع

[Marawy]

المشاركة الأصلية كتبت بواسطة ام اسكندر

لازال الموضوع قيد النقاش

ويوم تتسمى ح اكلمكم ان شاء الله

وربي يسعدك حبيبتي ويحفظ لك جميع اولادك




ماحبيت اقعد ع الكنب لأنو صعب افرشو
ماعرف كيف احط الفرش عليه
مو زي السرير اللي تدخلي الشرشف من تحت مرتبته ويطلع مرتب

واللي مخليني اهون بشراء السرير
هو ان ضيوفي حيكونو شوية يادوب ربوع وخميس
وح اخلي اهلي يجو الربوع والخميس ويقعدو وياهم بالمجلس
وانا بغرفتي واحط فيها كنبة للي رايح راجع لعندي


بس برضو مازلت افكر اشتري سرير

احترت :(

وربي يسهل عليكي حبيبتي وتسلميلي ع طيب كلامك






ربي ييسر لك ولادة ميسرة
وتطمنينا عنك عن قريب





ماشاء الله انتي في خير من الله دامك ماتحسي بالضغط
تراه يذبح





شوفي توقيعي حبيبتي فيه عمر الحمل

وترى انا كل مرة قياس النونو يعطي موعد مختلف لانتهاء التاسع
بس الدكاترة يعطوني تاريخ الولادة ع حسب الدورة

يعني مو مشكلة ياقلبي
المهم قياس بنتك ووزنها مناسب لعمرها .. وان اختلف ايام مو مشكلة انتي في خير
شوفي ابن نبعة الحب وزنه وقياسه حق طفل بالسادس ربي يطمنها عليه




انا ماعدت ابي اولد بالمرة
طفشت خلاص
ومتخوفة من القادم




ان شاء الله جالكسي تبشرنا عن قريب

ان شاء الله تجي البنوته بالسلامه والاسم مو مهم كثر سلامتها فديتها ..

وفعلا الوحده مننا لازم تحمد ربها وتشكره مليون مره .. وتشوف مصيبة غيرها وتهون عليها مصيبتها ..
الحمدلله رب العالمين .. الله يكمن قلب نبعة على جنينها ويجي بالسلامه ان شاء الله ..
ربي لا يحط حد في هالمواقف .. من جد شي صعب .. اللهم لا اسألك رد القضاء ولكن اسألك اللطف فيه ..

بالنسبه للسرير انا اقول مافي داعي تشترين .. وفكرتج حلوه دام ضيوفج مو كثار .. ومثل ما قلت لج خذي الكنب اللي يتحول سرير يكون شكله حلو
وناعم وبعدين تستفيدين منه ما ينرمي .. اما السرير يعد النفاس ما راح تستعملينه وبياخذ مكان ع الفاضي ..
والكنب اللي يتحول سرير تحصلينه في ايكيا والوانه حلوه وزاهيه .. تحطينه بغرفة نومج يطلع حلو ..

وشوفي اللي اصرف لج وعلى حسب الميزانيه .. اهم شي لا تكلفين على نفسج .. لانها فتره ويتعدي وانتي والنونو واسكندر وابو اسكندر اولى بهالفلوس..

[نيو أنثى]

بناااات انا جديده بهالتجمع وحابه انضم لكم

موعد ولادتي 14 محرم بس ماودي اولد بمحرم ودي اولد هالساعه ~.~

[Marawy]

المشاركة الأصلية كتبت بواسطة قصيميه وافتخر

هلا مرواي انا تمام حمد لله والنونو تمام

بس الامساك الله يكرمك متعبني شوي مع الضغط اسفل بطني

كل يوم اقول شكلي بولد بس ربي للحين ما اراد ربي ييسر ويسهل

مخرجه ويرزقنا الولاده السهله انا والجميع

ماعليج شر ان شاء الله.. وربي يسهل عليج وعلينا ان شاء الله ياربي
ومن جد كل يوم نفكر انه اليوم الموعود ههههههه وعقبها يخلص اليوم واحساسنا يطلع خرطي ..
الله يصبرنا .. الشهر التاسع ممل ..

[Marawy]

المشاركة الأصلية كتبت بواسطة نيو أنثى

بناااات انا جديده بهالتجمع وحابه انضم لكم

موعد ولادتي 14 محرم بس ماودي اولد بمحرم ودي اولد هالساعه ~.~

مرحبا فيج بيننا
ربي يهون عليج وعلينا ويرزقنا الساعه الميسره يارب
هههههههه كلنا ودنا نولد هالساعه .. لكن اعيالنا يتعززون
ربي يعين ..

[Marawy]

المشاركة الأصلية كتبت بواسطة ام اسكندر

باقي 8 أيام ع قيصريتي :(

حمااااااس
ربي يقومج بالسلامه ان شاء الله انتي والنونو ..
وتجين تبشرينا يارب ..

شعور حلو وغريب ويخوف .. ربي يطمن قلبج ويهدي بالج ..
حاولي تجهزين نفسج وتهيأين نفسيتج لاستقبال الكتكوته القمر ..
وهالفتره شوفي اللي ناقصج وتأكدي من تجهيزاتج كامله والا ناقصه
ربي يهون عليج ..