دردشة بنات فلسطين, دردشة حوامل فلسطين, تجمع بنات فلسطين

[umm 3amr]

الكهربا اليوم اجت ع الساعه8
وكتير في مشاكل
ممكن انغير السكن خايفه كتير
غلبه لسه من 3 شهور اجينا

[احساس أنثى]

تسلميلي ياعيون المها انتي ودودو ع الدعوه الحلوه ان شالله تجيني بنوته بس يكبر زياد شويه :) جوزي نفسو ببنوته :)ام عمر حلوين كتير الصور بس ياعسوله حاليا بس حصمم خزانه لاني عايشه بغرفه مع دار حمايا بس عامله وعامله بدي اعملها بشكل حلو عشان تضللو لقدام بعمل المكتب والسرير عرفتي حبيبتي

وربي يخليلك عموره وعقبال ماتعمليلو احلى غرفه انتي ودودو وعيون النها يارب

[احساس أنثى]

ربي يخليلك ياه يارب وعقبال يارب ماتجيبيلو غرفة النوم وهوا عريس يارب

انا شريت سرير لزوزو خشب في درجين ورف كبير والو ناموسيه وجوا سرير هزاز
بس زوزو تعود ع النومه بحضني يعني ماخد مكان وع الفاضي فالنجار قال لجوزي هاتو وبخصم سعرو من سعر الخزانه
بعدين خفت منو السرير هاد لانو لو بدي انيمو عليه بس يسر سنه حكولي كتير اطفال بسيرو يقفو ويحاولو يطلعو منو خفت لاسمح الله يقوم ويوقع منو
ان شالله تكوني فهمتي عليا :)

انا غرفتي كمان واسعه بس يلي بالعها مكتب وكرسي جوزي ماخدين حيز كتير بس هيو بدو يطلعهم ع غرفة توأمو عشان شغلهم سوا

[لولو حمادة]

مساء الخير


عيون المها انا بحب اعرف الفرق بين الاشياء وانا مثلك كنت بفكر العصفر هو الكركم
بالامارات مافي عنا عصفر عكس غزة فيها عصفر اما الكركم لا
والكركم كثير مفيد


ام عمر الكهربا قاطعة؟
هي بتقطع بالامارات

[عيـ‘ـون المهـ‘ـا]

أحساسـ ـْْْْ
الله يخليكي و انتي كمان عئبال ما تجيبي لزياد غرفة نوم و هو عريس
اهااا اكيد فهمت عليكي شو مخططه حتى تستغلي اكبر مساحه بغرفتك بس
زياد وين بدك تنيميه و كل ما كبر البيبي كل ما احتاج للسرير اكتر, و امان اكتر و كمان شوي راح يسير يقلب على الجنبين انا ادم بحطو بمكان بسير بمكان تاني لانو بضل يدفع برجليه لورى
اعتقد السرير هلآ اهم من الخزانه , ليش ما تستني لعمر السنه
و تشوفي اذا السرير ما ناسب زياد و متل ما بحكولك ممكن يطلع منو
ساعتها بتجيبي الو السرير و الخزانه و من مره بكونو نفس التصميم
انا لمى شريت سرير ادم اخترتو كتير امان و الواجهه الاماميه للسرير بئدر ارفعها لفوق و انزلها حسب عمر الطفل
اما السرير التاني اللي شارياه لآدم و بنيمو فيه خلال النهار فيه كتير مميزات

1. منو سرير بنيم فيه ادم
2. فوق السرير مثبته قطعه بغيرلو البامبرز و هاي كتير استفدت منها خصوصا اول الولاده لاني ولدت قيصري فما كنت انحني كنت اغير لادم و انا واقفه
3. موسيقى و اضاءه على اساس اذا الام قامت بالليل تشوف طفلها
4. هزاز على بطاريه طبعا هاد هلآ استغنيت عنو لانو كبر ادم فشلت الكوت
5. و لمى يكبر البيبي بتشيلي القطعه الفوق اللي كان ينام عليها و بسير السرير متل القفص طبعا كتير امان اذا تركت الطفل فيه و بتحطيلو العاب و بكون بامان

و على الجنب كمان مكان مخصص بتحطي اغراض للبيبي متل الوايبس و البامبرز و البودر و كريم و قطن و مناشف




و في كتير موديلات منهم شفتي القطع الفوق بتنشال و بسير سرير و كمان بتنشال قطعة السرير و بسير قفص بلعب فيه الطفل بامان و بينطوى بسهوله و بتقدر الام ترجعو في box تبعو و تخبيه للبيبي التاني اذا ما عندها وساع
كتير عجبني و شريتو لانو في ميزات كتيره [:

ii
هههههه هاد التعقيب انا كتبتو من امبارح و هلآ نزلتو كاينه تاركه النت مفتوح
لئيتو جاهز [:

[عيـ‘ـون المهـ‘ـا]

~..~ يسعٍـدْ مَسَاكُم ~..~
مسْك
مشكوره ‘ و عئبال ان شاء الله تعملي لآبنك غرفة نوم عرسه ,

ام عُـمر
بالسلامه لآختك الله يتمم الها على خير
وزن البيبي 2 كيلو يعتبر قليل شوي طالما دخلت شهرها تاكل تمر
و تشرب كاسه حلبه باليوم و تحاول تاكل اكتر هاي الفتره
و ان شاء الله ليوم موعد الولاده ان شاء الله بتزيد وزن البيبي اكتر
و اذا بتحب الحليب تشرب 3 كاسات باليوم كامل الدسم
دودو
كيفك عمري ههههه مستعجله على حركة البيبي ان شاء الله تفرحي بحملك
انا حسيت بحركة التوم بنص الشهر الرابع و اول الشهر الخامس بتكون
الحركه واضحه اكتر , بتحسي على شكل نبض خفيف او رفرفه خفيفه
و كل اسبوع بتزيد الحركه اكتر و شرب المي كتير بتنشط الجنين
خصوصا البارده و لآنك بكريه ممكن اولها لسى ما تفرقي حركة الجنين
من حركة الامعاء بس مع المده بتتعودي على الحركه و بتسيري تميزي
ام عمــ((القدس))ــر
هههههه و لا يهمك عمري اكيد نحنا هون لحتى نفيد و نستفيد
بالنسبه للحديد من هلآ حاولي انك تركزي على كل شي غني بالحديد
اانا بحملي اخدت حبوب الحديد لكن ما اعتمدت عليه كليا كنت اخد الحديد من مصادره الطبيعي (ملوخيه,مشمش مجفف ,زبيب,كبده, افوكادو,فواكه,لحم)
و بعد الولاده ما توقفي الحديد و الفيتامينات انا دكتورتي دائما بتمشيني عليهم
بعد الولاده صحيح كيفو عمر كيف حاسس انو في بيبي جديد راح يجي
ان شاء الله تئومي بالسلامه انتي و البنوته
ضلك طمنينا عنك

[عيـ‘ـون المهـ‘ـا]

إحسَاسـْ
هلا فيكي يا قمر ,
على هيك اكيد بدك خزانه حتى تخففي ضغط عن خزانتك
ان شاء الله بتتوفقي و بتلاقي ياللي بناسبك , سبحان الله كل طفل حسب ما بتعود
و على هيك معناتو انتي نومك هاادي اذا عم بتنيمي زياد جنبك , في ناس كتير بتحركو بالليل فما بناسبهم بيبي جنبهم ههههه
انا بنتي لانا ضلت تنام بسريرها في غرفتنا لعمر السنتين لهيك غلبتني لتعودت
على غرفتها لوحدها مع اسيل , كانت يمكن 5 مرات بالليل تجي على غرفتنا
و انيمها جنبي لحد ما تنام و ارجعها على سريرها بغرفتها مع اسيل
نضل انا وزوجي هيك و الحمد لله في الاخر تعودت و ما تنام إلا اذا مسكت ايدي او ايد ابوها
ومبـــــــــــروك الهديه انا بحب النضارات الشمسيه و اكتر شركه بحبها
رالف لورين ,,الله يخليلك زوجك و يضل يجيبلك

[umm 3amr]

عيون المها
يسلمو يا عسل
ما قصرتي ان شاء الله
راح اعمل متل ما حكيتي
ما شاء الله بيتكم كبير
وشكله مرتب احنا
كتير السكنات غاليه

احساس
الله يخليلك زوزو
نفس الشي عمورة
سريره ماخذ حيز
وما بنام فيه
اخ زوجك التوأم
بشبه؟

لولو
الكهربا ابتقطع
شكله في مشاكل
بين صاحب الفيلا
والبلديه في شي
مخالف
العصفر بجيب معي
من فلسطين
والكركم بشتريه من هون

[umm 3amr]

اسناني موتوني
الغسول بطل يجيب
نتيجه شو الحل!!

اختي اخر موعد للولادة
23-1
وزن بنتها 2 كيلو طبيعي!!

[مسك السنين]

مرحبببببببببببببا بنات

ياويلي توي وليد استفرغ بللللللللغم وقعد يعيط فقع قلبي مسكين سويتلو بابونج وحليته وشربته هدي ونام


ام عمر سلامتك وان شالله السلامة لاختك قوليلها تتغذى كويس مشان الجنين يزيد لانو وزنه قليل

احساس روحي بشارع عايدية ورا الشفا منجرة اسمها الوليد ومنجرة ساقالله كتير اشكالهم حلووووووووووين

عيون المها ان شالله بتعملي لادوم غرفته وهوا عريس

حيفا غموض عسولة ان شالله حوامل هالشهر

دودو منوووورة

جارة ماشفتك الييييييييييييييييييووم

بنات انا مفتقدة مايا

حوااء هااا اخبار الوحام ههه انا اي وحدة بتتوحم بضحك عليها لانو انا كنت بموت من لعية المعدة