الوقت المناسب لاعلان الحمل.. متى اعلنتي انك حامل؟؟

[ام محمد عاشور]

انا احكي بسرعة ما يهني بس اذا كنت خايفة تنزلي لا تقولي الا في الشهر الثالث عندما تقل خطورة الاجهاض والله يقومك بالسلامة يا غالية

[ام سيف الفرا]

اقضوا حوائجكم بالكتمان
الافضل بعد الثالث بيكون الحمل ثبت و الله يسهلك أمورك و يتمملك على خير

[اطخم بنت]

انا قلت لمي اول ماحللت طلعت من مستشفى خبرتها
والواحد اشوفه عيب يطول يخبر امه لازم على طول
زوجي جلس كم اسبوع ثم خبر اهله
البااقي افكر اذا دخلت الرابع او الخامس لان هم مايعلموون
صديقااتي علمتهم وانا في ثاني

[ام ملك العراقيه]

حبيبتي الله ايقومك بالسلامه ويارب يجي البيبي بالسلامه وتام الخلقه
بما انك بكريه افضل شي اتقولي ما تدخلي الشهر الخامس افضل وقت
اتكون بطنك كمان كبرت

[امينة ابراهيم]

انا شيفة انو كل شئ بيد الله عزوجل والمهم انو نحصن انفسنا بالدعاء

[3beer]

ماشالله اغلبكم قادرين تسكتو

انا مااقول لاحد غير ماما الله يحفظها وبعد فتره بسيطة لازم اقول لزوجي و احرص عليه لايتكلم بس مافيه فايده خاصة انو عندي تجربة اسلاب بعد ماانتشر الخبر وانا لسة كنت في البدايه

عموما انا مااؤيد اعلان الخبر بدري الا اذا بان الوحم واحد حس فيكي بس من نفسي اقعد ابشر نو نو نو

[ساندرا..]

ايش الي ماتخبري حتى امك سلامات حبيبتي كل هذا تششاؤم حبيباتي الي كاتبه ربي بيصير
انا الكل عرف من ثلاث اسبوع ايش مشكله بالعكس من فرحتي ماقدرت اسكت
والله يثبته ياررررب وتحصنوووو دايم واستودعي جنينك دايم والله يتتم علينا يارب

[زووووز]

في حملي الاول بس حللت علمت امي وخواتي وحريم اخواني
وبعدها باسبوعين العايله كلها عرفت امي قالت ولو ماقالت وحامي شديد حيل
المهم بعد ماولدت بالسلامه وكملت شهر جات وحده من صديقاتي وبعد ماطلعت عطول جاني نزيف
وظليت اتعالج 9 شهور وكنت مابي احط بذمتي ان عين

والحين بنتي عمرها 5 سنوات بعد فتره علاج انا الحين حامل ونفس الشي من اول يوم تحليل علمت امي وخواتي
وحريم اخواني وكان حملي بس اسبوعين المهم بعد اسبوعين قلت بعلم صديقاتي المقربات لانهم يحاتوني
ومن ضمنهم الي جاتني يوم النزيف وهي تعلمني بكل حملاتها من البدايه وانا افرح لها وبس علمتها وسولفت معاهالاسبوع الي طاف الظهر الا العصر جاني دم وللحين مراجعات ومثبت والدم ماوقف والله اعلم اذا بيثبت او بينزل والحدلله على كل حال
دعواتكم

انا طبعاً ضد اللي يخافون من العين ويخبون ودايم اقول اللي كاتبها ربي بيصير بس هالمره ماصدق هذه صدفه ولاعين
وفي النهايه كل شي بيد ربي
الله يثبت حمل كل وحده حامل ويرزق الحرومين يااارب

[ام نرجوسه]

المشاركة الأصلية كتبت بواسطة ρυяỉтч •

ياعيني بس هههههههه من جد فرحه اول بيبي غير ق1
شوفي حبيبتي دايم يقولون العرب ( كل مجحود ملحود ) يعني اي شي تجحدينه راح تلبسينه اللحد ..
انا من الناس اللي عندي ايمان قوي الشي المكتوب راح يجي والحمدلله
انتي خبري امك وام زوجك لانهن احق بالفرحهه وكذا .. بس اكيد بعد ماتسعين نبض البيبي وكذا
غيرهم اللي يسالك علميهم انك حامل .. واللي مايسال خليه على وجهه
اعرف وحده من النوع اللي تخبي حمل ومن النوع اللي نهائي مايطلع لها بطن ولا تتوحم
عاد خبت حملها لين ولدت تخيلي .. العالم انفجعت متى حملت ومتى توحمت ماحسينا فيها مو حنا لما نحمل نموت تعب ومن هالكلام
والله المسكينه ماكملت رابع يوم بولادتها الا ماتت من المغص طلعوا ناسيني قطن برحمها خصوصا انها تولد قيصري
تعفن الرحم واستئصلوهه .. كله مكتوب لكن الواحد ماوده ب الفجعه والشهقه ..
انا كل حملاتي هيك من الاول لين الاخير مرورا باللي اجهضت
اللي يسالني اقوله حامل وكذا .. واللي مايسالني ماحب اجيب طاري او اطش وجهي عليه واقوله تراني حامل ..
لاني احس الموضوع ماله داعي .. بكرا يكبر بطني واللي مو عارف بيعرف ..
واخيرا .. سوري على كثرهه الهرج وهيك ..
ويجي سالم متعافي يارب ويفرحك فيه

السلام عليكم اختي مع أن الموضوع صار له أكثر من سنة بس حبيت أعلق على كلامك وعلى مثل(كل مجحود للحود)ﻹن لما قريته أستفزني مع أني أحترم رأيك ومعتقداتك
بس أقولك ليش أستفزني عشان ما تزعلي مني انا قبل ما أحمل ببنتي البكر كانت أمي دائمآ تسألني وتقولي حملتي اولا وكنت وقتها مو حامل وكانت أمي بتعتقد أني بأخبي عليها موضوع حملي ﻹني تعرفني كتومة وأتقولي في هالمثل (كل مجحود للحود) ولمن حملت عرف كل أقاربي ومعارفي بإني حامل ومرة صارت مناسبه في عيلة أمي وانا بنص الرابع وشافوا بطني وهيا طالعة من الحمل وقمت أشوف في نضرات الحقد بعيونهم والله زي ما بحكيلك ولما رجعت للبيت أبتديت أستفرغ علمآ أن كل فترة حملي ما أستفرغت إلا ذاك اليوم وبعد ما كملت مدة حملي وأانجبت بنتي أكتشفوا اﻷطباء أن بنتي عندها مرض خبيث بالدماغ وما عرفوله سبب وأستغربوا في هالمرض كثيرآ وقالولي هالمرض ليس له تاريخ وراثي وماليش أي علاقة بالعوامل الي تحيط بالحامل من هواء ملوث أو أكل شيء مو زين اواواو إلخ من التوقعات وبعد شهر بالزبط بنتي ماتت فا ها شو رأيك في هذا المثل الي يقول المجحود للحود هل هوه صح والا بس كلام فارغ وماله أي اساس من الصحة وخصوصآ أن رسول الله عليه الصلاة والسلام قال (أستعينوا على قضاء حوائجكم بالكتمان فإن كل ذي نعمة محسود؟؟!!!
) واكرر كلامي مع احترامي لرأيك ومعتقداتك بس حبيت إني أرد على كلامك

[كاجول]

أمي حبيبتي أكيد هي اول وحدة لازم تعرف في كل حملاتي الثنين الأولين خبرت عمتي أم زوجي وحمواتي بعد وماكان عندي مشكلة بس بعدين لماتزوجوا وحملوا كانو يتعبون بداية الحمل ويروحون عند أمهم يرتاحون لما اسألهم عن تعبهم كل وحدة تفاؤل على نفسها بمرض !!!
مستحيل اسوي كذا .بحملي هذا ماراح أقولهم الا إذا سألتني عمتي بصراحة ماأعرف أكذب