تجمع حوامل العراق واتمنى اكو احد موجود

[ام تمار]

عزيزتي أم ألق الورده تسلمين عمري اكيد كل الامور تنحل بالتفاهم
اني ويا زوجي متفاهمين الحمد لله وبعدين ماانسى وكفته وياي خلال الحمل
ماراح اصير ناكره الجميل لان داراني وماخلاني احتاج اهلي او احس بغيابهم
وبعدين هو ابو حنون زوج حنون ماينسى اي مناسبه دائما يبادر بالمناسبات
اني احبه وحبي اله اكيد ماراح ينتهي بمجرد اشياء عابره مثل الفيس بوك
اي شي ماراح يخرب علاقتي بيه لو سعادتي اني وياه وبنتي

[ام تمار]

اني هواي اشكركم على تفاعلكم بموظوعي والله نعمه الخوات

[ام تمار]

ام ألق شلونج ويا الحمل وتحسين بحركات الق
انتي بدايه شهرك الخامس راح تحسين حدوث فقاعات هواء داخل البطن او الرحم
يبدا الجنين بالتجاوب مع الضوضاء الخارجي بتحريك قدميه وكأنه يرفس بطن أمه

[ام تمار]

بنات عندي بلغم كان ذابحني بصدري وصفتلي الدكتوره شراب الدكسون
بس اثناء نزول البلغم من الفم ينزل ويا خيوط دم يعني يصير بلاعيمي مجرحه
لان خايفه من الخيوط الدم ويا البلغم والله تعبت من الفلاونزه

[رويدة_ أم ألق]

عيوني أم زها سلامتج .. التهاب اللوزتين ينزل وياه دم بكثير من الأحيان لتخافين
وبالنسبة لبنتي إيلي للآن ماتحركت صارلي يومين بالخامس
لكن حاسة بضغط على معدتي وعموم أحشائي
بحيث طول الليل أتقلب.

[*ام هيمن*]

هلو بنوتات شلونكم
شخباركم شكوماكو؟؟؟
ام الق الله يسهلج يارب وتفرحين بالوقة

[حبيبي]

السلام عليكم اشلونكم
ام زهااا سلامتج متشوفي شررر
ام الق اشلونج والله يتمم حملج وهشي طبيعي كبر بطنج وضغط على المعده دليل حركه البنوته مبروك عكبال الرفس هههههه
نورس اشلونج وشلون التعب وياج ولسه مو لدتي هههه
الله يقومج بسلامه اتمشي كل يوم نص ساعه عللا الاقل
وكلي تمر

[*ام هيمن*]

ههههههههههههههههههه لوتدرين شلون ضايجة ومتوترة فدنوب
داامشي يومية اقل شي ساعة ودااكل الحمدلله
بس ماادري ليش عاصي الافندي

[حبيبي]

لانه البكر لازم يطول تاخذين الشهر كله ههههه
وليه التوتر ؟
من الولاده سهله ان شاء الله كلها صرختين هههههههه

اولادي مو مخليني اكتبلج اهئ

[حبيبي]

عندج اعرض ولاده لو لالالا