دردشة حوامل أهل القصيم - دردشة بنات القصيم - تجمع حوامل القصيم

ردينة · 08-05-2011, 11:07 AM

اخبارك ام رموسه واخبار الثقل معك الله يسهل لك يارب ...

لين العسولة · 08-05-2011, 01:11 PM

اخباركم يا حبيباتي الله يتمم لنا على خير يارب من فية بمستشفى سعود حلوة ولادتها وتعاملها

غير كمالا ودي اعرف ومن جربتوا

فجر المحبة · 08-05-2011, 06:02 PM

مررررحباً كروشات القصيم....
مبارك عليكم الشهر>>>بدري..
تكفووووون بنات ابغى مساعدتكم انابكريه وصار لي 3ايام داخله العاشر والرحم مفتوح 2سانتي ومعي طلق من اسبوع بس بارد.......ولي يومين ماأكل شيء ابد بس على السحور 7 تمرات ومويا والفطور 3تمرات ومويا وبس وفقر الدم عندي 9.....والصدق انا خايفه على البيبي يصير له شيء من قلت اكلي 'من غير شر'>>> قصة حياتي....
زوجي يقول بكرا بوديك مستشفى الملك سعود يعطونك طلق صناعي... تتوقعون لو اروح وأطلب طلق صناعي يعطوني ولا يقولون انتظري يومين ولا ثلاثه... انا بصراحه خايفه يصير لولدي شيء... هم عطوني موعد يوم الأربعاء وزوجي يقول ماعندي استعداد انتظر اسبوع وانتي على هالحاله...*

روحي فدوة له · 08-05-2011, 06:14 PM

فجر ... الله يسهل عليك يارب انا بحملي الاول طلقي بارد بقوووووه ولاكان عندي طلق كنت باول التاسع وقعدت بالمستشفى ثلاث ايام ونزلت المويا بدون طلق والرحم بقى ثلاث ايام فاتح ثلاثه سانتي ماتغير واخر شي اضطرو يعطوني طلق صناعي يعني كل وحده وحالتها انتي روحي وشوفي وش يقولون لك وتطمنين اكثر بعد والله يسهل عليك يارب وتسعد عينك بشوفت البيبي سليم معافى يارب دعواتك

لين العسولة · 08-05-2011, 07:29 PM

ياوخيتي روحي بس وش تنتظرين الله يسهل عليك يارب

فجر المحبة · 08-05-2011, 08:41 PM

مشكووووووورات ياروحي فدوة له،،، ولين،،،
وربي ماقصرتوا معي وإن شاء الله بروح بكرا وأشوف وش يقولون لعل وعسى يوافقون ويعطوني صناعي....وإن شاء الله ماأنساكم من دعائي..... ربي يوفقكم ويسعدكم....

smo · 08-06-2011, 08:55 AM

حبيباتي كل عام وانتم بخير
حبيت اسألكم عن محلات التجهيز ملابس الاستقبال للأم من وين في القصيم ؟؟؟؟

روحي فدوة له · 08-06-2011, 04:58 PM

يابنات لاتكشخون بالنفاس نصيحه لكم مني النفاس معرضه لاي شي تتكشخين اللي تقول ماكانه والد وكاشخه ومدري ايش ومن هالكلام تعرفون عاد الحريم زين اهتمي بادويتك والله احسن والبسي اقمصه فضفاضه عشان ماحد يعرف اذا سمنتي او لا وبعد النفاس اكشخي ع راحتك

لين العسولة · 08-06-2011, 09:26 PM

والله انك صادقة فدوة لة وياقلبي يا فجر المحبة استودعتك الله جعلك تدخلين هنا تبشريننا بفرج

الله والصحة والعافية الله يسهل علينا وعليك

سـكر زمـاني · 08-07-2011, 04:32 AM

الســـلام عليكم...هلا وغلا بالقصيميات الكروشـــات كلهن,,رمـضان مبااارك علينا جميعا
انا الصــراحه متابعه لكم من زمــان بس توي اسجل ,,
بنـات منو منكم دخل شهرها التــاسع ؟انا صـارلي اسبوع داخل التاسع الله يعيننا يارب
وين مقررين تولدون ان شــاءالله؟