دردشة حوامل مصر - دردشة بنات مصر - تجمع حوامل مصر

[dr.princess]

سمر والله انا رأيى معاكى يعنى هى مصاريف على الفاضى
والله هى ماكنتش عاحبه اختى وهى بتشتريها بس جوزها وعمى فضلوا يقولوا انها هتعجبنى فاشترتها

[MALAK2010]

ام دنا ازيك يا جميل النهاردة؟؟؟

[Om Rodina]

ملوكة حبيبتى الحمد لله انا بخير واحسن الحمد لله ربنا يبارك فيكى يارب ويطمنك على النونو ياجميل يارب

[dr.princess]

انتوا عارفين اللى مشجعنى اقولها تغيرها ايه ؟؟
انا شقتى ضيقة جدا والاوض الله مايوريكوا حجمها عامل ازاى المهم ان السجادة دى للسفرة وهم جايبنها كبيرة اوى يعنى هتدخل تحت النيش فانا قلتلهم ليه ماجبتوهاش على اد الطرابيزة انا رايى يرجعوها ويجيبوا واحدة صغيرة كده ومحندقة ومتدخلش تحت حاجة
وخايفة اقول لماما جوزى يزعل

[ماما قلقانه]

انا الحمد لله بخير يا ام دانه
انا قولتلك يا لولو اللى لو مكانك هعمله وخصوصا يا حبيبتى انتوا لسه وراكوا مصاريف كتير فمتستهونيش بتمنها.لان ممكن على بال ما ترجعوا بالسلامه المحل ما يرضاش يبدلها ويبقى تمنها راح على الارض

[MALAK2010]

طالما كبيرة لا غيريها
ماتحطيش حاجة تحت النيش ابدا
يعنى لو عاوزة تشيلي السجادة توقعى اللى فى النيش ولا تفضى النيش مش عملية خالص

[ماما قلقانه]

لا يا لولو انا من تجربتى مع شقتى.يا دوب هاتى حاجه صغيره .وبعدين مش لازم تعرفى جوزك انك قولتى لمامتك

[dr.princess]

ملك هى الشقة عندى كلها بيج فى بنى كلاسيك اوى يعنى فمفيش هيبقى فى افتكاسات فى السجاجيد
وفى نفس الوقت لو نزلنا واشترينا واحدة تانية دى هتروح فين ملهاش مكان نهائى الشقة ضيقة بغباء
ولما سألت جوزى قالى نحطها فى اى حتة حتى لو نزلناها تحت عند حماتى يعنى بصراحة مش موافقة دى فلوس ماما انزلها عند حماتى بتاع ايه

[MALAK2010]

المشاركة الأصلية كتبت بواسطة dr.princess

ولما سألت جوزى قالى نحطها فى اى حتة حتى لو نزلناها تحت عند حماتى

هههههههههههههههههههههههههههههههههههههههه

[Om Rodina]

لا يالولو فعلا اوعى تجيبى سجادة كبيرة وتحطيها تحت حاجة الافضل انها تبقى مش عليها حاجة هاتريحك بعدين كتير