دردشة بنات فلسطين, دردشة حوامل فلسطين, تجمع بنات فلسطين

جارة القمر · 02-02-2013, 08:36 PM

مسك::

ما تخافي يزن كان هيك وكان يفضحنا مين ما يحمله يؤشط عليه بس للشهر 9 بيخف ومع الاكل ...
هلا اللي مو منيح ازا ما بيستفيد من الحليب ....لازم تراجعي الطبيب ..كان يزن حتى لو كتير يؤشط بس صحته ممتازة
بس انا ما فهمت الصيدلي ليه رفض على العكس الاكل اتأأأل من الحليب ومو بسهولة يطلعها ....وصدئيني طبيبي نصح فيهاااا
وازا بدك تبدأي بالاكل ابدأي بخضاااار

صحيح كنت استخدم ليزن حليب مكتف مو عادي لانه أأتأأأل من العادي ......

beboo · 02-02-2013, 08:52 PM

مسا الخير

احساس

النت مابعرف مالو هو والكهربا عنا بردو مخرفن بعين الله

جارة

العصيدة موجودة بصيدليات غزة ؟؟

مسك

فى طريقة ممكن تزبط وممكن لا هلا لما ياكل ابنك او ياخد الببرونة ماتعطيه الببرونة كاملة لا اعطيه اياها على مراحل يعني لو مثلا هي 120 مل اعطيه 60 وبعد ساعة كمان 60 او اذا بياخد لهاية اعطيه الببرونة وبعدها على طول اللهاية مابيستفرغ ان شاء الله

احساس أنثى · 02-02-2013, 08:53 PM

هلا جاره انا والله زهقانه حاسه اعصابي وخلقي صغرانين
أولاد عمتي الصغار جننوني فوق مهوا أبني مجنني
توي نتيت فيهم بصوت عالي رغم اني بعاملهم متل الكبار بس عل الفاضي طلع الحكي
الصغير في 12 سنه وبغار من زياد بلاعبو بدفاشه بشدلو دانو بقرصوه من خدودو
والتاني كمان في 15 بيضل يزغزغو من افخادو ومش دايما الولد بيضحك بحسو انفرا وبحسهم طقولو عروقو
وبحكي معهم ع الفاضي توي نتيت فيهم قلت يلي يزعل يزعل

مسوكه ليش طيب بيطلع الولد الحليب؟؟ يمكن بتعطيه جرعه كبيره؟
وغريبه العصيده مارضي الصيدلي مع انها لامالحه ولاحلوه مابتضر ووجبه وحده بتكفيه

جارة القمر · 02-02-2013, 08:54 PM

بيبوو::

البنااااااااات اللي هون من غزة بيستخدمووو معناتو في منووو

احساس أنثى · 02-02-2013, 08:56 PM

بيبو

انا شغاله على الماتور .. وموجود العصيده عنا انا جبتها لزوزو اسرائيلي يمكن في اماراتي
اذا مافهم عليكي الصيدلي احكيلو رز مطحون للأطفال

جارة القمر · 02-02-2013, 09:02 PM

هلا احساس::

طيب احكي مع زوجك ينبهم ........من انه الدفاشة حرااااام معوو بعدو صغير اشهر ..........
او احكي مع عمتك .........بجد ديري بالك ضلك منتبهاااا .......الله يعينك الابن الاول صعب وصعب كتييير
وخاصة ازا ولد .....ودلوع متل زياد ...وهيك كان يزن

احساس أنثى · 02-02-2013, 09:08 PM

بيني وبينك جاره عمتي مدلعه اولادها كتير عشان اجوها بعد شوق
أنا مابرضى يحملوه بروحو لعمتي بتقلي اعطيهم اياه شويه
وجوزي مابيخليهم ياخدوه كمان

حتى من كتر الدلع انا بنمغص والله مع انهم مش اولادي
بس ماتعودت على هيك تعودنا عند اهلي الدلع الو وقتو
والجد والاحترام الو وقتو ... بس بنمغص مش بايدي هههههههههه

بتمنى يسيرلي بيت واربي ولدي على كيفي وأمشيه على اطباعي
وع الاشياء يلي انا بشوفها صح

beboo · 02-02-2013, 09:19 PM

احساس

حبيبتي حاولى انت تفهميهم انه خلص هما كبروا وهو لساته صغير مابنفع يلعبو معه

صراحة انا اولاد اخوتي اطفال لسا اكبر واحد فيهم 5 سنين ومابعملو هيك مع ابني لاني مرعباهم هههههههههههه

انا كتير بخاف على ابني متلك لدرجة اني مابخلى حد يقرب عليه وعندي يزعلو الناس كلها ولا انه ابنه يصير فيه شي

وفهمي عمتك انه هيك بعمله فيه ماراح تقبل انه يمسكوه لانه اول بيبي وحتخاف عليه كتير

جارة

ان شاء الله بس هي منيحة لعمره يعني لانه جديد لسا جربتله السيرلاك وخايفة يكون باثر اتنين بنفس الوقت

احساس أنثى · 02-02-2013, 09:25 PM

بيبو

والله انا كنت اقبل يحملوه عشان مايقولو مابدها ايانا نقرب منو ومن هالكلام
بس لما كبر وشفت قديش بغلبوه مابعطيهم اياه ... والله

ومتل ماقلتي اي شي بسيرلو ع راسنا احنا والواحد مرارتو فقعت بدري سلف ههههههه

والله بحكي وبلمح بتقلي بحبوه

beboo · 02-02-2013, 09:37 PM

الله يعينك

طيب احكى مع امهم انه ابنى كتير تعبان من اسنانه ومو حمل لعب بس يطيب انه تبعتهم يلعبو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM