تجمع حوامل المدينة المنورة

[الاموره رغد]

ام ليونه كم طفل جايبه لو اكثر من اربعه اتوقع طبيعي مايخيطونك لان اكثر الي مخلفات اكثر من اربعه صار معاهن نفس الشي يعني ماخيطوهن

[أم الجودي]

دلع.. بالعكس مرة أبغى منال ولدت عندها قبل كدا وكانت اروع من رائعة وتسمي عليا طول الوقت ... بس الناس بيقولوا المستشفى وضعه اختلف وخدماتهم سيئة ومافي اي اهتمام ...خوفوني..

أم ليونه ... ألف الحمد لله على سلامتك.. مرة غريبة ماخيطتك أنا ولدت في المواساة مرتين وفي المرتين شقوني وخيطوني!!!
بس ترى عادي لاتشيلي هم يمكن راس طفلتك مرة مرة صغير وماكان يحتاجلك شق وخياطة .. أختي ولدت قبل سنة وماخيطوها ورجعت زي أول بالضبط تقول ارتاحت من هم الخياطة..


الأمورة رغد.. الله يبشرك بالخير ريحتيلي قلبي كنت شايلة فين أولد ....
الله يخفف علينا كلنا ..ويقومنا بالسلامة ....

[الاموره رغد]

هلا فيك ام الجودي الله يقومك بالسلامه انتي كم باقيلك الحين وتولدي

[أم الجودي]

أوووووووووووه لسه مشواري طويل .......

أنا في أول الثالث...

[عروسه]

بنات السلام عليكم
حبيت أسألكم اش أحسن مستشفى ولادة في المدينة أحد أم الولادة
أم المستشفيات الخاصة وأي وحده أحسن فيهم؟؟
لأني دايم مقتنعه أن المستشفيات الخاصة فلوس وبس مافي أمانة
واش الفرق بين الخياطة والتجميلي؟
أنا طبعا أسألكم ولسه ماعملت التحليل في المستشفى بس عندي يقين واحساس بداخلي ان حامل حابه اخذ معلومات فقط لا غير

[صورة شمسية]

السلام عليكم
شكرلك دف القمر والله انك قمر من جد روحت لدكتورة ثانية وكتبت لي دوا يوقف التقلصات وقالت اسبوع راحة تامة الحمد لله

[الاموره رغد]

هلا عرووووسه انشالله تطلعين حامل ومبرووووووك مقدما مستشفى الولاده كثير يسبونه ومستشفى احد فيه كذا وحده قابلتها تمدحه وانا جربة المواساه رائع

[دلع]

رغوده

انتي عارفه انو ماجده سافرت خروج نهائي ومنال وايمان شالوهم من العيادات صاروا بس يولدون..انا جربت المستشفى فـ التنظيف صح زي ماقلتي الممرضات اول مااناديهم يجوني والغرف نظيفه والخدمه ممتازه بس المشكله اخاف الولاده غير لان رهف ولدت عندهم وقالت ان الدكتوره والممرضات طنشوها وماجاتها الدكتوره الا لما زوجها صرخ عليهم وجاب عاليها واطيها..انا احب دكتورتي تكون جنبي اذا احتجتها..
طيب ابسألك اثناء الطلق يعطونك مسكنات ابر او كمام وانتي ولدتي بطلق طبيعي ولا صناعي..واذا صناعي كان تحميله ولا فـ الوريد...

ام الجودي

والله انا مثلك اللي مخوفني سمعتهم دحين واخطائهم الطبيه كثرت..الله يستر اهم شي نستخير الله والله يسهل...................

ملكة المشاعر

والله انك صادقه خلوا حياتنا افضل واحلى الله لايحرمنا منهم....

[دلع]

عروسه

دكاترة احد اخلاقهم وتعاملهم افضل وافضل ..بس الخبره والحضانه فـ الولاده افضل..
والخاصه انا مثلك والله محتاره اهم شي استخيري...

[الاموره رغد]

حبيبتي دلع شوفي الولاده تساهيل من رب العالمين يعني انا ارتحت بالمواساه وغيري مارتاح والله لو الولاده ربي مسهله حتى لو ولدتي فبيتك تصير سهله لكن لو ربي كاتبلك التعب راح تتعبي لو باحسن مستشفى بالعالم لكن حبيبتي عن تجربتي انا ارشحلك المواساه وانتي استخيري حبيبتي والله يكتبلك الي فيه الخير انشالله وعن الطلق كان طلق طبيعي على فكره امس زوجي كان بالمواساه وقالي انو شاف الدكتوره ماجده انتي سئلتي المستشفى اذا هي موجوده او لا