حبيبتي ام جوري سامحينا اذا اثقلنا عليكي في الكلام
اسمحيلي احكيلك انك انسانه راقيه بأذن الله بفرج همك
الغربه صعبه وغريبه من اسمها لما تحسي حالك
لوحدك وما حد قريب يساعدك وكمان اشيء بتصير معنا صعب
نبوح فيها لاي حد خصوصا اللي بصير معك.
صدقيني الحل انك تهتمي بحالك مش شكلا عشان تجذبيه ولكن
حبي نفسك وتثقفي بامور الحياه. اشغلي حالك بشئ بسعدك
ضعي هدف انتي بتحبي تحققيه..حاولي تلاقي صديقات في الغربه
هاد بخفف وخصوصا لما تسمعي اخبار الناس وكيف يتصرفون.
ما تشاركيهم بمشاكلك ولكن خليهم متنفس الك تضحكي تعلميهم وتتعلمي
منهم.. الغربه هيي بتزيد تسلط زوجك لانوا حاس ما حد جنبك يساندك.
احساسي انك عالخط الصحيح بعون الله...افتخري بنفسك لانك الان
قويه اكثر تعبري عن مشاعرك وما بتخيل مره ثانيه رح تهتمي اذا زعلك وتبكيله.
ابكي في فراشك ولربك احسن....صدقيني بكره بحس انك تغيرتي وبركض وراكي.
نصيحه ظلك اقرأي عن العلاقات الاجتماعيه, اطباع الازواج, كيف الواحد يتصرف في حالة
الضغوط..عشان تكسبي حالك بالاول..
عفكره انا من انصار المرأه وما بحب حدا يدوسلها عطرف...
خذيلك فتره اجازه من الشكوى والحزن اعزلي حالك عن اللي بصير.
وحطيلك خطه , اكتبي وحللي واستنتجي لوحدك
انتي ادري بحالك ومشكلتك واتوقع البنات هون موجودين وحاضرين
لتشجيعك والدعء الك.....وما بصير الا اللي بخاطرك باذن الله.