(مميز)#عي الجوريه ون# تعالي خبرينا بأطرف موقف مر عليك بيوم زواجك

[منو عبادي]

ههههههههههههه رهيبه مواقفكم
انا بيوم زواجي كانت عندي المصوره
وطبعا هي قايله من البدايه انه سواقها ماراح يجي ياخذها يعني اخواني بيوصلونها
طبعا هي قاعده تصور سوو كذا وسوا كذا<<<انواع الاحراج هذا وانا موصيتها ماتحرجني وتتطلب مني لقطات؟؟؟؟؟ هههه
وتاخرت واخوي من الحياء والربكه قال يالله خلصي لو سمحتي
طبعا زوجي وش قاااااااااال؟؟؟؟
قال لالا ياخوي وراك انا ماخذ راحتي خلها تطول شوي <<ابو الشباب مستانس هههه
وانا عاد دورو وجهي ماتلاقونه من الحياء

[ريمية]

هلا وغلا اختي الحب لك وحدك امممم انا بقولكم على موقفي وتحديدا بيوم الزواج اللي حصل من خمس شهور تقريبا يعني توني عروس خخخخخخخخخ مصدقة نفسي كنت حدي خايفة لاني لاكلمته ولا شفتة يعني بالعربي الفصيح ماااا اعرفه بما انه ولد عمي اخر مرة شفته فيها يوم كنا بزران بس خواته ماقصروا عطوني معلومات عنه او بالاصح خرعوني منه اهو ملتزم وشوي متشدد على خواته قالوا الله يعينك اهو متشدد ومعقد ويبلبسك عبايه راس وبيحرمك من الاعراس يعني كل شي احبه بيحرمني منه بعد الوصف المرعب قالوااا ما عليك اهم شي ان مافيه اطيب من قلبه طولت عليكم انجي عند المهم بعد الزفة والتصوير والهيصة علي فكره مادش في الزفه يقول انه حراااام بس صورنا داخل وجا وقت الخروج من القاعة والذهاب الى الفندق المهم بما انه هو اللي بيسوق جيت بركب معاه قدام في السيارة مستانسه واخيرا تحقق حلمي اني بركب قدام ماوعيت الا الرجال مبطل باب السيارة اللي ورا قال اركبي هنا قلت يالله يمكن احد من اخوانة بيودينا قعدت انطره يركب جمبي الا سكر الباب وراح يركب مكان اللي يسوق عاااااد هني دوروني وجهي انقلب كله الوان من هول الموقف اللي طحت فيه قلت الله يستر هذا اول الغيث يعني صدق طلع معقد مثل ماقالوا عنه اااااه على حظي وطول الطريق وانا خانقتني العبرة وهو ولا عليه يسولف انه مادخل عشان حرااام ....الخ ونا مب صوبه افكر اقول هذا اول يوم ركبني ورا كاني خدامه الله يستر من اللي الجاي المهم وصلنا قعد يسولف وانا ساكته ماتكلمت بس الحمدلله اكتشفت انه انسان مثقف طيوب بس مشكلته متشدد في لبسي مايحبني احضر اعرااس....الخ خليها مستورة لووووول ابشركم طلع عادي عنده اركب قدام المهم بعد مامر شهر ع العرس سالته قلت يافلان في سؤال في خاطري اسالك من زمان وتحديدا يوم العرس ليششش خليتني اركب ورا تدرووون شسوا مااات من الضحك قال ليه وانت شايله في خاطرج عاااد هني انا عصبت قلت اول مرة اشوف عريس مركب العروس ورا في اول يوم زواجهم تدرون شقال قالي اخوووج اللي قالي بققققت عيوني انزين ليه يقول ان فستاااانج طويل فلازم انحطج وراا عشان تاخذين راحتج ماعرفت شقول بس الصراحه كل اللي اعرفه اطلعتلي علامة تعجب فوق رااااسي واااااااسفة بنات ع الاطاله

[اميرة الذوق]

هههههههههههههههه
انا يوم زواجي كنت جالسة زي الصنم ههههه

لما جت بنت عمتي واختي قلت خايفة وانا ماسكة العبرة
قالت اختي تعوذي من ابليس ترى عادي ههههههههههههههههه

<لانها ماجربت هي اصغر مني
وبعدين جو اهل المعرس احس الرجولي وقفت مو قادرة اقوم
دخلو على اهل المعرس ياكثر خواتة تعبت وانا اصافح بديني
وبعدبن جت الطامة الكبرة هههههههههههههههههههههههه

دخل المعرس معة ابوي
واخواني قمت سلمت على زوجي وجلست وبعدين قمت وسلمت على ابوي ابحب راسة
وبغيت ادب على وجهي بس الحمد الله مسكني ابوي هههههههههههههههههههههه
والله من الفشيلة واخوي يضحك على وانا منقهر ودي اصيح

(يوم جاء التصوير بس انا وزوجي والمصورة )
قمت من الكنب وجلست على الكرسي علشان تصورني مع زوجي وطحت على رجولي
هههههههههههههههههههههههههه
عجزت امسك نفسى وزنلت دمعتي وهو يضك على اااااااااااااااااااخ من الرجل
ههههههههههههههههههههههههه

%%%%%%%%%%%%%%

[ام الحلويين]

لي باك للموقف ههههههههههه

[~~لحن الحياة~~]

حياتي انا ماتزوجت بس اتزوج اكيد رح اقلك
لاني هلأ بعدني مخطوبة
بس ولله العظيم مواقف البنات ضحكوني من قلبي


يسلمو يا قلبي على الفكرة الرائعة

[رويدة]

يوم زواجي كنت خايفة وحالتي حالة وكنت ارجف وماقادرة اسيطر علي نفسي

[لطوف]

انا يوم زواجي اول ما دخلت البيت طحت عندالدرج اول شي من الخوف وثاني شي من الكعب الي لبسته تعرفون انا طويله وما يحتاج البس كعب زوجي ما انتبه اني طحت سويت نفسي اجر الفستان لان الذيل طويل بس بعد ما تعودت على زوجي علمته ومات من الضحك قلت اشوى ما شفني ولا كان قعت ابكي وهو يضحك

[شهرزان]

ههههههههآآآآآآآآآآآآآآآآآآى ضحكونى البنات وموقفهم اما انا م اتذكر ولا موقف والله يعطيك العافيه

[الدايخه]

ههههههههههه عيل انا سالفتي سالفه رحت البيت وابو الشباب كان داخل ورحت الصاله مالتهم عشان اصور وبعدين صعدنا فـــــــــــــــــــــــــــــــــــــــــــــــــ ـــــــــــــــــــوق بشقتنا يمه يمه امي وخالتي معاي والمصورتين معاي
الموقف الاول خالتي والمصوره طلعو بره مع امي راحت خالتي الثلاجه فكتها عشان تجيبلي عصير ولا الثلاجه علقت معاها هههه وطاحت الاغراض الي بالثلاجه انا ضحكت سمعت الصوت والصيحه وبعدين ضحكه انا ضحكت عساس اني مستحيه بس ضحكت وبعدين الموقف الي صار بيني وبينه يعني يبي يسولف الاخ يقولي انا اسمي فلان ولد قلان انا ضحكت لا بيرقع السالفه يقولي العقد مالج مثل زخرفت البرده لا وقالي تعالي نقعد الصاله حاطلي قناه الجزيره الضالم حرب وضرب لا وتعشا ونام الحبيب وانا عيوني تلاقط لي الصبح قعدت على لجت عيال اخته وبس ههههههههههههههههههههههه

[سهونه]

ههههههههههههههههههههههه مواقفكم جوناااان من جد تضحك
اما انا موقفي , لما رجعت من المشغل صارلي حادث بسيط ووقتها ماحسيت باي الم ولما وصلت للاستراحه خلاص احس مافيني ولا نقطة دم وربي اني انزف وانا مومعهم كانهم يحركوني بريموتوالموت الصدق لما قالو بيدخل خلاص وقف قلبي ودخلوه اخواني وعماني وسلم وسلمت على عماني وطلغو مابقى عندي الا اختي وامي واهله دخلو يسلمون وطلعو
بعدين قال يله نروح الاوتيل جلست اترجى في اخواني اني خلاص مابي اروح مابيه هونت لان الحبيب متوعدني لاني اخرت الزواج ثلاث مرااات بس ماجبت توسلاتي شي المهم رحنا الاوتيل وجلسنا ساعه بس اهو يسولف وانا ساكته اخر شي قالي ماتبين تغيرين لبسك احس ثقيل عليك قلت لا مرتاحه وانا والله احس شايله جبل من ثقل الفستان المهم قالي بروح ربع ساعه وارجع الاقيك مغيره وربي راح ورجع وانا على نفس جلستي قالي قومي غيري ولا انا غيرت لك قلت لا خلاص انا بقوم قالي تبين مساعده قلت لا شكرا وانا ادخل غرفة التبديل وانشب السحاب رافض يفتح وربي جلست نص ساعه احاول فيه واهو رافض يفتح اخر شي ضرب علي الباب قالي فيك شي قلت لا قالي ليه تاخرتي اخر شي استسلمت وفتحت له وانا فيني العبره قلت افتح لي السحاب فطس من الضحك قالي انا قلت لك من الاول قلت افتح وانت ساكت قهررررررني
المهم غيرت وطلعت له وجلسنا شوي قالي ماتبين تنامين قلت لا ابي اشوف الاخبار وانا من جنب والاخبار من جنب ثاني قالي تعالي نامي بالطيب هذي ضريبتك وعقاب لك عشان التاخير قمت ابكي قالي ش فيك قلت ركبتي تعورني بعدالحادث قالي توها عورتك قلت لا من قبل بس مستحيه اقول قال عادي الالم بركبتك مايمنع وبعدها انتم تعرفون الباقي هههههههههههااااااااي ..
سوري طولت عليكم ..