حبوب جلوكوفاج

[Tota 85]

الجلوكوفاج هو يعطى لمرضى السكر وهو يقلل امتصاص السكر في الدم لذلك يساعد في فقدان الوزن ويعطى للي عندهم تكيس لتقليل الوزن وتنظيم الهرمونات بس لازم معاه اتحاولين اتنظمين اكلج حتى يساعد في التخلص من الوزن الزايد

اعرف بنات حملوا بعد استخدامهم له لان ساعدهم في التخلص من الوزن الزايد وتنظيم الهرمونات

[Remas1212]

صلي علي النبى حبي انا زيك وروحت لدكتوره وقالت عندى تكيس ولازم اخس اخدته فتره بس تعبني اوى دوخه ووجع بطنى ودى اعراضه هو مش بينزل الوزن هو بيمنع السكريات مش بيخسس وانا الصراحه مش داومت عليه بس الشهر دا قررت امشى على نظام واخد حبوب تخسيس ومعاه الجلوكوفاج واستمر لحد ماربنا يريد

[●•• ShąhǿǾǿĎ ••●]

باجر راح اكمل اسبوووع من استخدامها والله انها متعبتني بس اخذ الحبه احس بتعب ونعاااااس شديد الي عندها خبره تقووولي هالشي طبيعي ولالا

[السعادة]

الله يشفيكي و يرزقك الذرية الصالحة
الجلوكوفاج منظم للسكر و الهرمونات و يخفف من التكيس على المدى الطويل من استخدامه

أنا لي شهرين أستخدمه لأني عندي تكيس .. يتعبك أول أسبوع بعدين تتعودي عليه عادي
و اهم شي انسي موضوع التكيس و ركزي على التنشيط لمحاولة الحمل لكن كله بمتابعة الطبيب
و الله يرزقك الذرية الصالحة و يفرح قلبك

[●•• ShąhǿǾǿĎ ••●]

اميين مشكووره ياقلبي الله يريح قلبج ياااااااارب

[نورا الامورة]

غاليتي انا اخذ جلوكوفاج وصفلي ياه دكتوري لان وزني زاد وعطاني كم كلمه ^_^ قاعده اخذ عيار 1000 حبه باليوم بعد الغدا لاني ما اتعشى وخلصت امس العلبه وزي ماقلتي احس بتعب ودوووخه وغثيااااااااااان وجسمي تعبان ومكسسسر يالله خصوصا ايام اكثر من ايام الله يعين لكن بصبر مو مشكله وبكرا راح ابدا اسوي ريجيم وبجيب الحبوب مره ثانيه اكمل وعندي خمول في الغده وحبوبي عيار 50 وارتفاع بهرمون الحليب كنت اتعب منها الحبوب اليوميه نص عالغدا ونص عالعشا وتسويلي دوخه وقطعتها لفتره طويله ورجعت تلخبطت الدورة ورجع الدكتور كتبلي نوع ثاني اقوى وبس مره بالاسبوع اخذ نص حبه ... اسفه طولت بس من طفشي مافي حبوب ما اخذتها الله يعين بسسسسسسسس
غاليتي كيف الحين بعد استخدامك للحبوب تعودتي عليها ولا باقي وكم صارلك تستخدميها ؟

[●•• ShąhǿǾǿĎ ••●]

هلا حبيبتي الحمدلله راحت الاعراض نفس ماقالت الاخت اسبوع واختفت الحين اخذها مع حبوب الغده اخذ حبه ونص عيار 50 يعني مع النص 75 اخذ وحبوب الكلوفاج تعودت عليها الحمدلله اخذتها من يوم الخميس 13 -4 اخذ عيار 500 انا نفس ماقالي الدكتور حبه الظهر وحبه بالليل ان شاءالله تخفف عني التكيس وزني ماحسه تغير ابدا ابدا

[نورا الامورة]

مشكورة حبيبتي عالرد ... انا الحمممد لله بديت اتعود عليها وخفت الاعراض مع ان لي شهر وشوي عليها بس الحمد لله على كل حال واكثر شي فرحني اني نزلت 2 كيلوووو والحمد لله مع اني كنت اكل مو مخففه ولا شي وتفاجات بنزولي قلت واخيرا اعتلدت الغده وصار وزني ينزل وبديت ريجيم والحين وصلت لليوم الخامس الله يقويني ويثبتني

[أماني جميله]

تستمري عليه لحد ماتروح التكيس تماماً
وبأذن الله تحملين
وهو يسبب مغص ويسد الشهيه وينحف
عادي استمري ولو شهرين

[أمنية ..]

مرحبا صبايا ..

حبيباتي إنتوا والله ، الله يعينكم .. الحمدُ لله على كلّ حال ..
أنا صار لي أكثر من سنتين وأنا أحاول أنتظم على هذا الحبوب ، بس مدري ليش .. جسمي مو قادر يتقبّله ..
مع أنّي أسوي مثل ما تقول الدكتورة ، أن آخذ أول حبة لمدة أسبوع .. بس أجي أنتقل للحبة الثانية / يذبحني الإسهال وإنتوا بكرامة .. حتى يصير لي دم من كثر الإسهال ، أصير طول يومي في الحمام ، ويا كثر المآسي إلا صارت لي ، يجيني فجأة إسهال في السوق ولا في مكان عام ..
لما قلت للدكتورة عن الدم ، رأفت بحالي .. وقالت لي خلاص إذا ما تقدرين عليه ، وقفيه / والحين آخذ حبة في الليل بس .. ما تسوّي لي شي ، والدكتورة تبغاني آخذ ٣ ، تقول إذا الجرعة أقل من ٣ ما منها فايدة .. وبس بمجرد أفكّر أنّي أنتقل لحبتين ، أقول بكرة الظهر إن شاء الله بشرب حبة ثانية .. يجيني هالإسهال الغير محتمل .. شكله الحالة نفسية !

بالنسبة لكلام دكتورتي ، أن الميتفورمين أو مثل ما تسمونه جلوكوفاج .. تستعمله عشان التبويض ، مو عشان ينقص الوزن .. بس هو لبعض الناس يساعد على التخسيس !