اجرحوني وماتكلمت <<لاتجرحوني بعد انتوو وماتدخلون

[ملكــــ الاحســــاس ــــة]

الله يساعدك

[Leena.A]

حبيبتي الله يكووون في عونك .. أنا حااااسة بيكي

مريت باللي مريتي فيه .. بس لقيت ان الحل هو الإعتدال و الوسطية في كل شيء

يعني لا احكي و اقول كل اللي عندي و افضفض << اذا انا ما قدرت امسك نفسي عن كلامي محد حيمسكه ليا

ولا أكتتتتتتتتم و ما أخلي أحد يدري شي عني ..

ولا أخلي لأحد فرصة انه يمسك علي غلطة

يعني اتعامل بطيبة و بحذر في نفس الوقت .. و تحسبي عاااجب ؟؟ برضو ينتقدوني وكل واحد له رأيه

ايش أسوي يعني ؟؟ كيف أرضي ربي ثم نفسي و الناس ؟؟ الناس رضاهم مستحيل

حبيبتي سوي لنفسك قيمة و فرقي بين الطيبة و الغباء و الهبالة .. سامحيني على العبارات بس أنا أقولها لنفسي قبلك

مووو عشان أحد لأنه في الآخر منتي عاجبة أحد زي ما قلتلك .. بس عشان نففففسك

دايما خلي في بالك رضا الله سبحانه و تعالى ثم إرضاء نفسك و ذاتك

و حاولي دايما تقولي لنفسك عبارات زي (( إذا كان الكلام من فضة فالسكوت من ذهب))

خلينا نمسك ألسنتنا و حكاوينا بحيث نتجنب الخيانات و الإهانات و الجروح من الناس اللي نحبها !!

الله يعين .. دعوآآتك .. و زي ما قلتلك والله حآآسة بيكي .. لأني أحب أهلي و أخواني لكن للأسف أختي ماهي أختي و أخواني ماهم أخواني .. فــ أنا باكسب رضا الله عز و جل .. ثم اسأل عنهم كل فترة و اتواصل معاهم لكن برضو غصب عني ماني متداخلة معاهم كتير و حدودي بيتي و كم صديقة صفيولي من بعد ما كانو صحباتي نص بنات المدينة .. حتى في المنتدى أعتبر الكل أخوات في الله و لكنهم في الآخر مجرد اسماء و ألقاب و ما أعرفهم حق المعرفة !! فثقتي محدوووووودة جدا ولا أحب اقول عن نفسي إلا الشي القليل و القريب للعمومية .. ان شاء الله تكوني فهمتيني .. و ترا شوية الأفكار و القناعات هادي اللي وصلت لها زي ما قلتلك من تجاربي اللي مريت بيها ..

أعتذر عن الإطاااالة

[فال]

بصراحه هي على حق بس لازم الواحد ياخد حدره من كل شخص احيانا من روحه ولازم تختري الصديقه بدقه بعد ما تختبريهم 100 مره وما تحطي في بالك شي ولا شي في الدنيا يساوي زعلك بالنسبه لي ما عندي صديقات الا خواتي

[نبع المحبة]

الله يكوون بعونج خيتوو

[abrar]

لاعااااااد تثقين بااحد الدنيا توحش
وخلك رسميه احسن عشان تعيشين
وانتبهي تفضفضين لااحد الشكوى لغير الله مذله >>مجربه

[مميزة بطبعي]

الله يكون بالعون حتى انا ودي اكون قويه