دعوة للدردشة مع الحوامل

مشمشة · 03-03-2010, 03:07 PM

تسلمي بيسان. أنا ولدت من ثلاثة سنوات وثمانية اشهر ولاده قيصري بسبب وضع ابني وكانت الولادة الاولي. من ثلاثة سنوات كنت لسه طالبه بالماجيستير وكان عندي امتحانات نهاية العام وكنت في اخر اسبوع في التاسع. المهم نبض البيبي بدأ يقل في الاسبوع ده والدكتورة حددت لي ميعاد ولادة في نفس يوم الامتحان. ولانني كنت هاولد لاول مرة وكمان قيصري جالي شبه حالة من الهلع وقلت للدكتورة ابدا انا عندي امتحان ومش هاينفع أولد. صراحه كنت مرعوبة موووووت. الامتحان عدى الحمد لله وكنت تاني يوم في المستشفى بولد. انا ماحسيتش بحاجه خالص طول الولاده لكني فوقت على صوت الممرضه وهي بتقول الله ولد اشقر جميل. صراحة ماكنش عندي استعداد ساعتها ولا طاقة اننا حتى ابص اشوفه ما بدأتش اتفاعل معاه الا على تاني يوم لما بدأ الألم يخف شويه. بس الحمد لله هو دلوقتي نور عيني وحياتي كلها وانا كمان حامل في اخر الرابع ونفسي في بنوته حلوة شبه اخوها